Uncategorized

బిజెపి నియంతృత్వంతోప్రజాస్వామ్యం ఖూనీ : సిపిఐ వనపర్తి బిజెపి నియంతృత్వ పాలనలో ప్రజాస్వామ్యం ఖూనీ అవుతోందని, రక్షణకు పోరాటాన్ని ఉద్ధృతం చేస్తామని సిపిఐ వనపర్తి నియోజకవర్గ కార్యదర్శి రమేష్, జిల్లా కార్యవర్గ సభ్యుడు శ్రీరామ్ హెచ్చరించారు. వనపర్తి అంబేద్కర్ చౌక్ లో అర్హుల ఓట్ల తొలగింపు, ఢిల్లీలో జంతర్ మంతర్ ధర్నా చౌక్ ఎత్తివేతకు కేంద్ర ప్రభుత్వం దిష్టిబొమ్మను తగలబెట్టి నిరసన తెలిపారు, ప్రజాస్వామ్యాన్ని కాపాడాలని నినాదాలు చేశారు. మాట్లాడుతూ. చీఫ్ ఎలక్షన్ కమిషనర్ జ్ఞానేశ్ కుమార్ తో బిజెపి వ్యతిరేక, విపక్షాల అనుకూల ఓట్లతో పాటుదళిత ముస్లిం మైనార్టీ క్రిస్టియన్ ఓట్లను తొలగించి నామమాత్ర ఎన్నికల ద్వారా శాశ్వతంగా అధికారంలో ఉండాలని నరేంద్ర మోడీ బిజెపి కుట్ర చేస్తోందని ప్రతిఘటించి పోరాడుతామన్నారు. ఇప్పటికే 13 కోట్ల ఓట్లను తొలగించినజ్ఞానేష్ కుమార్ రాజీనామా చేయాలని, లేదా బర్తరపు చేయాలని డిమాండ్ చేశారు. ప్రజాస్వామ్యం కాపాడాలని ఢిల్లీ జంతర్ మంతర్ వద్ద విపక్షాలు, కాక్రోచ్ జనతా పార్టీ యువత పోరాటం చేయడంతో దశాబ్దాలుగా పోరాట కేంద్రంగా ఉన్న జంతర్ మంతర్ ధర్నా చౌక్ ఎత్తివేసారని, ఇది బిజెపి నరేంద్ర మోడీ, కేంద్ర నియంతృత్వ, ప్రజాస్వామిక ధోరణికి సంకేతం అన్నారు. ప్రజాస్వామ్య బద్దంగా ఆందోళన చేస్తున్న యువకులు విద్యార్థుల బిజెపి గుండాలకు పోలీసు దుస్తులు తొడిగి అమానుషంగా దాడి చేయించడం దేనికి సంకేతం అని ప్రశ్నించారు. ఇలాంటి దాడులకు భయపడేది లేదన్నారు. వామపక్షాల అనుబంధ విద్యార్థి సంఘాల నేతలపై దాడులు అరెస్టులు, బిజెపి ఫాసిస్ట్ ధోరణికి నిదర్శనం అన్నారు. గత బీఆర్ఎస్ ప్రభుత్వం హైదరాబాద్ ఇందిరా పార్క్ లో ప్రజా సమస్యలపై ధర్నా చేస్తుంటే ఏకంగా ధర్నా చౌక్ ని ఎత్తియటంతో, అనంతరం జరిగిన ఎన్నికల్లో ప్రజలు ఓడించి గుణపాఠం చెప్పారని, తగిన మూల్యం చెల్లించుకోవలసి వచ్చింది అన్నారు. తెలంగాణలో కెసిఆర్, ఇప్పుడు కేంద్రంలో నరేంద్ర మోడీ ధర్నా చౌక్లను ఎత్తేసి నియంతృత్వంలో ఒకే తాను ముక్కలని నిరూపించుకున్నారన్నారు. అణచివేత చర్యలు ప్రజాస్వామ్య ఉద్యమారను ఆపలేవని, మరింత ఉద్ధృతంగా పోరాటాలు సాగుతాయి అన్నారు. చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా చేయాలని, జంతర్ మంతర్ ధర్నా చౌక్ ను పునరుద్ధరించాలని, ఢిల్లీలో విద్యార్థులు యువకులపై పోలీసుల ముసుగులో దాడులు చేసిన బిజెపి గుండాలను అరెస్టు చేసి కటకటాల వెనక్కు పంపాలని అంతవరకు ఉద్యమం కొనసాగుతూనే ఉంటుందన్నారు. ఓట్లు తొలగించడం, ధర్నా చౌక్ ఎత్తివేయటం, దాడులు , అరెస్టులు కేసులలకు వ్యతిరేకంగా ప్రజలు చైతన్యమై ప్రజాస్వామ్య రక్షణకు తిరగబడాలని పిలుపునిచ్చారు. సిపిఐ జిల్లా కార్యవర్గ సభ్యుడు శ్రీరాము, కేతేపల్లి ఉప సర్పంచ్ కృష్ణవేణి, సిపిఐ నాయకులు పృధ్వి నాదం, ఎత్తంశివ, శేఖర్, చిన్న కురుమన్న, లక్ష్మీనారాయణ, జయమ్మ, మహేష్, విష్ణు, కుతుబ్, సురేష్, వంశీ, జ్యోతి, వెంకటమ్మ, కవీందర్ తదితరులు పాల్గొన్నారు.

రాజా గారి బంగ్లాలో దేవీ నవరాత్రి పూజలు. రాజా రాందేవరావ్ తో అఖిలపక్ష ఐక్యవేదిక అధ్యక్షుడు డా సతీష్ యాదవ్, నాయకులు వనపర్తి దేవీ నవరాత్రి ఉత్సవాల సందర్భంగా రాజా గారి బంగ్లాలో ఆస్థాన మందిరంలో పూజలు చేస్తున్న రాజారాం దేవరావు గారితో పాటు పూజలలో అఖిలపక్ష ఐక్యవేదిక నాయకులు పాల్గొన్నారు. పూజల అనంతరం రాజావారిని ప్రతి సంవత్సరం లాగే ఐక్యవేదిక నాయకులు శాలువాతో సత్కరించడం జరిగింది. అధ్యక్షుడు డాక్టర్ సతీష్ యాదవ్ మాట్లాడుతూ వనపర్తికి బస్టాండ్, బస్ డిపో, పాత బస్టాండు, హై స్కూల్ లకు స్థలాలు, పాలిటెక్నిక్ భవనం తో పాటు 18 ఎకరాల స్థలం, మరియు పార్కులకు స్థలాలు ఇచ్చిన రాజు వారి కుటుంబాలు సేవ చేశారని అందుకే వారిని సత్కరించడం జరుగుతుందని, ప్రతి సంవత్సరం దేవీ నవరాత్రుల పూజలు చేసి దసరా రోజున దేవునితో పాటు ఊరేగింపు లో పాల్గొని రాజారాందేవరాజు గారితో పాటు వనపర్తి ప్రజలు పెద్ద ఎత్తున పాల్గొంటారు. ఈసారి కూడా ప్రజలందరూ సంతోషాలతో దసరా ఉత్సవాలు జరుపుకోవాలని అఖిలపక్ష ఐక్యవేదిక కోరుతున్నది.ఈ కార్యక్రమంలో అఖిలపక్ష ఐక్యవేదిక అధ్యక్షుడు డా సతీష్ యాదవ్ తోపాటు ఎస్సీ ఎస్టీ మానిటరింగ్ సభ్యులు గంధం నాగరాజు, కాంగ్రెస్ నాయకులు వెంకటేశ్వర్లు, టిడిపి నాయకులు కొత్త గొల్ల శంకర్, బిజెపి నాయకులు రవి, లోక్సత్తా నాయకులు రాజ్ కుమార్, గిరిజన సంఘం నాయకులు తిరుపతి నాయక్, రామస్వామి, సుధాకర్, సాయికుమార్, శివకుమార్ తదితరులు పాల్గొన్నారు.

మంగంపల్లిలో కోటి రూపాయలతో ఆధునిక ఆలయ నిర్మాణానికి ప్రత్యేక పూజలు భక్తిశ్రద్ధలతో హోమంలో పాల్గొన్న ఎమ్మెల్యే దంపతులు వనపర్తి వనపర్తి నియోజకవర్గంలోని పెద్దమందడి మండలం మంగంపల్లి గ్రామంలో భక్తుల ఆధ్యాత్మిక ఆకాంక్షలకు అనుగుణంగా పాత ఆంజనేయస్వామి, శివాలయాల స్థానంలో రూ.కోటి వ్యయంతో ఆధునిక ఆలయాన్ని నిర్మించేందుకు ఎమ్మెల్యే మేఘారెడ్డి, శారదరెడ్డి దంపతులు సోమవారం ప్రత్యేక పూజా కార్యక్రమాలు నిర్వహించారు. ఈ సందర్భంగా ఎమ్మెల్యే దంపతులు ఆలయంలో ప్రత్యేక పూజలు నిర్వహించి, హోమ కార్యక్రమంలో భక్తిశ్రద్ధలతో పాల్గొన్నారుఅనంతరం నిర్వహించిన అన్నదాన కార్యక్రమంలో ఎమ్మెల్యే దంపతులు పాల్గొని అన్నప్రసాదాన్ని స్వీకరించారు. గ్రామాల్లో ఆధ్యాత్మిక సంప్రదాయాలను పరిరక్షిస్తూ, భక్తులకు మెరుగైన ఆలయ సౌకర్యాలు కల్పించేందుకు చేపడుతున్న ఈ నిర్మాణ కార్యక్రమం మంగంపల్లి గ్రామ ప్రజలకు, భక్తులకు ప్రాధాన్యత సంతరించుకుందినూతన ఆలయ నిర్మాణంతో గ్రామంలో ఆధ్యాత్మిక వాతావరణం మరింత విస్తరించనుంది. ఈ కార్యక్రమంలో గ్రామ ప్రజలు, భక్తులు తదితరులు పాల్గొన్నారు

బస్టాండులో వ్యాపారాల జోరు.. ప్రయాణికులకు నరకం వనపర్తి బస్టాండులో వ్యాపారాలకు ఇచ్చే ప్రాధాన్యం ప్రయాణికుల సౌకర్యాలకు ఏదీ? ఆదాయం మీద ఉన్న శ్రద్ధ.. ప్రయాణికుల ఇబ్బందులపై ఎందుకు లేదు? నాలుగు దశాబ్దాలు గడిచినా వనపర్తి ఆర్టీసీ బస్టాండ్‌ రూపురేఖలు మారకపోవడం అధికారుల నిర్లక్ష్యానికి అద్దం పడుతోంది. దసరా పండుగ వేళ సొంతూళ్లకు వెళ్లాల్సిన ప్రయాణికులు బస్సుల కోసం గంటల తరబడి పడిగాపులు కాస్తున్నా పట్టించుకునే నాథుడే కరువయ్యాడు. చిన్నపిల్లలు, మహిళలు, వృద్ధులు పడుతున్న అవస్థలు చూసి చలించిన అఖిలపక్ష ఐక్యవేదిక నాయకులు శనివారం బస్టాండ్‌ పరిసరాలను పరిశీలించి అధికారుల తీరుపై మండిపడ్డా బస్టాండ్‌ పరిసరాలు చెత్తాచెదారంతో నిండిపోయినా శుభ్రతపై అధికారులకు పట్టింపు లేకపోవడం దారుణమని సతీష్‌ యాదవ్‌ విమర్శించారు. అపరిశుభ్ర వాతావరణం ప్రయాణికుల ఆరోగ్యానికి ముప్పుగా మారుతోందని ఆందోళన వ్యక్తం చేశారు. బస్టాండ్‌ను పరిశుభ్రంగా ఉంచడంతోపాటు తాగునీరు, కూర్చునే వసతి తదిత గతంలో రాజా రామేశ్వరరావు, మాజీ ఎమ్మెల్యే జయరాములు హయాంలో ఏర్పాటు చేసిన బస్టాండ్‌ దశాబ్దాలు గడిచినా ఆధునికీకరణకు నోచుకోకపోవడంపై ఆయన నిలదీశారు. జిల్లా కేంద్రంలోని ప్రధాన బస్టాండ్‌కే ఈ దుస్థితి ఉంటే ప్రయాణికుల సమస్యలను అధికారులు ఎలా పరిష్కరిస్తారని ప్రశ్నించారు. బస్టాండ్‌ అభివృద్ధిపై ఆర్టీసీ అధికారులు, జిల్లా యంత్రాంగం ఇప్పటికైనా స్పందించి తక్షణ చర్యలు చేపట్టాలని డిమాండ్‌ చేశారు. లేకుంటే ప్రయాణికుల సమస్యలపై అఖిలపక్ష ఐక్యవేదిక పోరాటాన్ని ఉధృతం చేస్తుందని హెచ్చరించారు.ఈ కార్యక్రమంలో అఖిలపక్ష ఐక్యవేదిక అధ్యక్షుడు డాక్టర్‌ సతీష్‌ యాదవ్‌, కాంగ్రెస్‌ నాయకుడు వెంకటేశ్వర్లు, టీడీపీ నాయకుడు కొత్తగొల్ల శంకర్‌, బీజేపీ నాయకులు రవి, రామస్వామి, తిరుపతి నాయక్‌, శివకుమార్‌, సాయికుమార్‌ తదితరులు పాల్గొన్నారు.ర మౌలిక సదుపాయాలను మెరుగుపరచాలని కోరారు.

స్థానిక సమస్యలపై సిపిఐ పోరుబాట : సిపిఐ జిల్లా కార్యదర్శి కె.విజయ రాములు వనపర్తి అమరచింత మునిసిపాలిటీ, మండలంలోని వివిధ గ్రామాలలో నెలకొన్న సమస్యలపై సిపిఐ పోరుబాట కొనసాగిస్తుందని ఆ పార్టీ జిల్లా కార్యదర్శి కే.విజయరాములు తెలిపారు.శనివారం అమరచింత పట్టణంలోని సిపిఐ కార్యాలయంలో సిపిఐ పార్టీ మండల కమిటీ సమావేశాన్ని ఏ అబ్రహం అధ్యక్షతన నిర్వహించారు. ఈ సమావేశానికి హాజరైన కే.విజయరాములు మాట్లాడుతూ మున్సిపాలిటీలో అనేక సమస్యలు తాండవిస్తున్నాయని వాటి పరిష్కారం అధికారులు ప్రజాప్రతినిధులు కృషి చేయాలని కోరారు. 15 కోట్లతో చేస్తున్న పనులు నాసిరకంగా ఉన్నాయని వాటిపైన సంబంధిత అధికారులు విచారణ చేసి నాసిరకం పనులు చేసిన కాంట్రాక్టర్ పై చర్య తీసుకోవాలని డిమాండ్ చేశారు. అలాగే అమరచింత మండలంలోని వివిధ గ్రామా లలో కరువు పరిస్థితులు తాండవిస్తున్నాయని ఆరోపించారు. రైతులు కూలీలు ప్రజలు పనులు లేక తీర ఇబ్బందులకు గురవుతున్నారని వారికి ఉపాధి కల్పించాలని కోరారు. గ్రామాలలో ముఖ్యంగా తాగునీటి సమస్యలు రోజురోజుకు పెరుగుతున్నాయని వాటి పరిష్కారం దిశగా యంత్రాంగం పనిచేయాలని కోరారు. తాగునీటి కోసం రైతులు జూరాల గేట్లు తెరిస్తే వారిపై కేసులు పెట్టడం సరికాదని రైతులు రౌడీలు కాదని వారిపై పెట్టిన నాన్ బయిల బుల్ కేసులు ఎత్తివేయాలని డిమాండ్ చేశారు. కేంద్రంలో ఎన్నికల కమిషనర్ సర్ పేరు మీద 13 కోట్ల మంది ఓట్లను తొలగించారని ఆరోపించారు. 13 కోట్ల మంది ఎక్కడున్నారని అనాలోచితం నిర్ణయాలు చేస్తున్న ఎన్నికల కమిషనర్ రాజీనామా చేయాలని డిమాండ్ చేశారు. రాష్ట్రంలో కాంగ్రెస్ ప్రభుత్వం ఇందిరమ్మ ఇండ్లు మంజూరు చేసిందని అర్హులైన వారు ఉన్నప్పటికీ అరకొరగా కాంగ్రెస్ పార్టీకి చెందిన వారికి ఇల్లు కేటాయిస్తున్నారని ఇండ్ల మంజూరు సంఖ్యను పెంచాలని డిమాండ్ చేశారు. పైన పేర్కొన్న సమస్యల పరిష్కారం కోసం భారత కమ్యూనిస్టు పార్టీ సిపిఐ పోరుబాట నిర్వహిస్తుందన్నారు. ఈ కార్యక్రమంలో సిపిఐ మండల కార్యదర్శి అబ్రహం,శ్యాంసుందర్, కే.లక్ష్మీనారాయణ, ఆంజనేయులు,యం.డీ.కుతూబ్ తదితరులు పాల్గొన్నారు.

కుట్రలు ప్రలోభాలను అధిగమించి విజయం: వక్తలు వనపర్తి అధికార పార్టీ అండతో విపక్ష కూటమి కుట్రలకు ప్రలోభాలకు లొంగకుండా కార్మికులు హక్కుల కోసం పోరాడే ఈయూ కూటమికి విజయం అందించారని ఏఐటియుసి జిల్లా కార్యదర్శి మోష, ఎంప్లాయిస్ యూనియన్ డివిజనల్ కార్యదర్శి బీకే విశ్వనాథ్, ఏ బీసీలు సి ఆర్ గౌడ్, ఎంఎన్ రావు, ఉద్యోగులు నీల స్వామి, వివి మూర్తి అన్నారు. రాష్ట్ర గుర్తింపు యూనియన్ గా భారీ మెజార్టీ ఓట్లు పొందిన నేపథ్యంలో శనివారం వనపర్తి డిపో వద్ద ఏర్పాటుచేసిన సమావేశంలో మాట్లాడారు. ఆర్టీసీని ప్రభుత్వంలో విలీనం, కార్మికుల హక్కులు సాధించే సత్తా ఈయూ కూటమికే ఉందని కార్మికులు నమ్మటమే విజయానికి కారణం అన్నారు. గతంలో చేసిన పోరాటాలను కార్మికులు గుర్తుపెట్టుకుని పెట్టుకొని ఓట్లు వేశారని పేరుపేరునా కృతజ్ఞతలు తెలిపారు. ప్రభుత్వంతో పోరాడి వారి సమస్యలు పరిష్కరించి హక్కులు సాధించి నమ్మకాన్ని నిలుపుకుంటామన్నారు. సిపిఐ వనపర్తి నియోజకవర్గ కార్యదర్శి రమేష్ ఏఐటీయూసీ జిల్లా సహాయ కార్యదర్శి గోపాలకృష్ణ, ఆర్టీసీ ఈయూ, కూటమి నేతలు ఆర్టీసీ రిటైర్డ్ ఉద్యోగ ప్రముఖులు సూర్యనారాయణ రవి ఎడిసి ఎంఎన్ రావు, సి ఆర్ గౌడ్, నీల స్వామి, వీవీ మూర్తి తదితరులు పాల్గొన్నారు.

ఐప్సో బలోపేతానికి ప్రతి ఒక్కరు చేయి కలపాలి: శివ వనపర్తి ప్రపంచ శాంతి కోసం జిల్లాలో ఐప్సో(AIPSO) బలోపేతానికి సమిష్టి కృషి చేయాలని ఐప్సో జిల్లా సమన్వయ కార్యదర్శి ఎత్తం శివ, కవి జనజ్వాల కోరారు. వనపర్తి ఆఫీసులో ఐప్సో జిల్లా బాధ్యుడు నరసింహయ్య శెట్టి అధ్యక్షతన సమావేశం నిర్వహించారు. మొదటి ప్రపంచ యుద్ధం మిగిల్చిన చేదు అనుభవాలు ఐప్సో ఏర్పాటుకు దారి చూపే అన్నారు. శాంతికాముకుల ప్రథమ సభ పారిస్, ఫ్రెండ్స్ నగరంలో జరిగిందన్నారు. ఆ నేపథ్యంలోనే భారత దేశంలో పార్టీల కతీతంగా ప్రపంచ శాంతి కోసం అఖిలభారత శాంతి సంఘీభావ సంఘం(AIPSO) ఏర్పడిందన్నారు. నేడు ప్రపంచంలో రష్యా ఉక్రెయిన్, అమెరికా ఇరాన్ల మధ్య యుద్ధాలు ప్రపంచాన్ని అతలాకుతలం చేస్తున్నాయన్నారు. యుద్ధాలు మానవ మనుగడకే ప్రమాదంగా తయారయ్యాయని ప్రపంచ మానవ అభివృద్ధి శాంతితోనే సాధ్యమవుతుందని అందుకు ప్రతి ఒక్కరు చేయూతని ఇవ్వాల్సిన అవసరం ఉందన్నారు. అమెరికా సామ్రాజ్యవాద దేశాలు తమ వ్యాపారం కోసం దేశాల మధ్య యుద్ధాలను ప్రేరేపిస్తున్నాయని శాంతి కాముకులుగా మనం ప్రతిఘటించాల్సిన అవసరం ఉందన్నారు. ఈ నేపథ్యంలో ఐప్సో జిల్లా మహాసభలు ఈనెల 24న వనపర్తి లో జరగనున్నాయన్నారు. ముఖ్య అతిథులుగా ఐప్సో రాష్ట్ర ప్రధాన కార్యదర్శి జేవీఎల్, నాగేశ్వరరావు, రామ్ రెడ్డి జిల్లా సభలకు సందేశం ఇచ్చేందుకు వస్తున్నారని, సభలను విజయవంతం చేయాలన్నారు. సిపిఐ పట్టణ కార్యదర్శి రమేష్, సహాయ కార్యదర్శి గోపాలకృష్ణ, కవి జనజ్వాల రాధాకృష్ణ, పృథ్వినాదం, సామాజిక కార్యకర్త గంధం నాగరాజు, గణేష్, తిరుమలేష్ తదితరులు పాల్గొన్నారు.

ప్రపంచ విప్లవ ధ్రువతార చేగువేరా: సిపిఐ నేతలు వనపర్తి ప్రపంచ విప్లవ ధృవతార చేగువేరా అని సిపిఐ వనపర్తి నియోజకవర్గ కార్యదర్శి రమేష్, కవి జనజ్వాల అన్నారు. సిపిఐ వనపర్తి జిల్లా ఆఫీసులో సిపిఐ పట్టణ కమిటీ ఆధ్వర్యంలో చేగువేరా 59వ వర్ధంతిని ప్రజా సంఘాల నేతలతో కలిసి ఘనంగా నిర్వహించారు. చిత్రపటానికి పూలమాలలు చేసి నివాళులర్పించారు. సామ్రాజ్యవాదానికి వ్యతిరేకంగా సమ సమాజం కోసం పోరాడి ప్రాణత్యాగం చేశారని, గెరిల్లా పోరాటంలో ఆయన చూపించిన తెగువ భావితరాలకు ఆదర్శమన్నారు. విప్లవ యోధుడు, బహుభాషా కోవిదుడు, మంత్రి రాజకీయవేత్తగా ఆయన పోషించిన పాత్ర చరిత్రలో చిరస్థాయిగా నిలుస్తుంది అన్నారు. ప్రపంచయువతరానికి ఆయన రోల్ మోడల్ అని దేశ యువతే ఆయన వారసులుగా అంతరాలు లేని సోషలిస్టు సమాజ నిర్మాణానికి నడుం బిగించాలని, అదే యువత ఆయనకిచ్చే నిజమైన నివాళి కాగలదన్నారు. కవి జనజ్వాల, సిపిఐ జిల్లా కార్యవర్గ సభ్యులు నరసింహ శెట్టి, పట్టణ సహాయ కార్యదర్శి గోపాలకృష్ణ, రైతు సంఘం జిల్లా ఉపాధ్యక్షుడు పృథ్వినాదం,AIPSO, జిల్లా సమన్వయ కార్యదర్శి ఎత్తం శివ, సామాజిక కార్యకర్త గంధం నాగరాజు, సిపిఐ(ఎంఎల్) జిల్లా నాయకులు గణేష్, నాయకులు సురేష్ రామచంద్రయ్య విజయ్ శ్రీకాంత్ వెంకటప్ప తిరుమలేష్ తదితరులు పాల్గొన్నారు. తిరుమలేష్, నాగరాజు విప్లవ గీతాలు ఆలపించారు.

భారత ఎన్నికల ప్రధాన కమిషనర్ (CEC) జ్ఞానేశ్ కుమార్ తక్షణమే రాజీనామా చేయాలి వనపర్తి భారత ఎన్నికల ప్రధాన కమిషనర్ (CEC) జ్ఞానేశ్ కుమార్ తక్షణమే రాజీనామా చేయాలని, అక్రమంగా తొలగించిన 13 కోట్ల ఓటర్ల జాబితాను తిరిగి పునరుద్ధరించాలని, స్వతంత్ర ఎన్నికల వ్యవస్థ పై మోడీ నియంత ధోరణిని వ్యతిరేకిస్తూ బుధవారం వనపర్తి జిల్లా కేంద్రంలో సిపిఐ, కాంగ్రెస్,సిపిఐ (ఎం ఎల్), సిపిఐ (ఎం),టీ జె ఎ సి, ఎస్ పి, ఎం ఐ ఎం పార్టీల నేతృత్వంలో భారీ ర్యాలీ, అంబేద్కర్ చౌక్,ధర్నా చౌక్ మర్రి కుంట దగ్గర దిష్టి బొమ్మ దగ్ధం మరియు కలెక్టర్ కార్యాలయం ముందు ధర్నా … ఆందోళనలో… రోడ్డుపై బేఠాయింపు… కాంగ్రెస్ పార్టీ జిల్లా అధ్యక్షులు రాష్ట్ర స్పోర్ట్స్ అథారిటీ చైర్మన్ శివసేనారెడ్డి, ఉపాధ్యక్షులు తిరుపతయ్య, సిపిఐ జిల్లా కార్యదర్శి విజయరాములు నియోజకవర్గ కార్యదర్శి రమేష్ సిపిఎం జిల్లా కార్యదర్శి పుట్ట ఆంజనేయులు జిల్లా కార్యవర్గ సభ్యులు ఇంటి జబ్బార్ సిపిఐ ఎంఎల్ జిల్లా కార్యదర్శి అరుణ్ కుమార్ జిల్లా నాయకులు గణేష్, టీజేఏసీ పార్టీ జిల్లా అధ్యక్షులు ఖాదర్ బాషా, ఎస్ పి పార్టీ జిల్లా అధ్యక్షులు బాబురావు, జిల్లా నాయకులు జానంపేట రాములు ఇండియా కూటమి నాయకులు కార్యకర్తలు పెద్ద ఎత్తున పాల్గొన్నారు.

నిరంజన్ రెడ్డి జన్మదినం సందర్భంగా అనూహ్యంగా స్పందించిన రక్తదాతలు వనపర్తి మాజీ మంత్రి సింగిరెడ్డి నిరంజన్ రెడ్డి జన్మదినం సందర్భంగా పలుచోట్ల యువకులు స్వచ్ఛందంగా రక్తదాన శిబిరాలు, వైద్య శిబిరాలు నిర్వహించి సామాజిక సేవలో పాల్గొన్నారు. నిరంజన్ రెడ్డి గారి స్వగృహంలో బి.ఆర్.ఎస్ విద్యార్ధి, యువజన, సోషల్ మీడియా నాయకులు సూర్యవంశం.గిరి, హేమంత్ ముదిరాజ్, మాధవరావుపల్లె సునీల్ వాల్మీకి, చిట్యాల రాము, జోహెబ్ హుస్సేన్ సహకారంతో 132యూనిట్ల రక్తసేకరణ నాగవరం యువత 60యూనిట్ల రక్తసేకరణ.శ్రీరంగాపూర్ మండలం కంభాలపురంలో 21యూనిట్ల రక్తసేకరణ, సరోజినీ హాస్పిటల్ పెబ్బేరు 65యూనిట్ల రక్తసేకరణ మొత్తంగా 278యూనిట్ల రక్తసేకరణ చేయడం జరిగింది. అపాయ,అత్యవసర పరిస్థితులలో ఉన్న అభాగ్యులను ఆదుకోడానికి అనూహ్యంగా స్పందించి రక్తాన్ని అందించిన ప్రతి ఒక్కరికి గౌరవ మాజీ మంత్రివర్యులు సింగిరెడ్డి నిరంజన్ రెడ్డి గారు అభినందించి సన్మానించారు. హంగు,ఆర్భాటాలు లేకుండా పుట్టినరోజు సందర్భంగా సామాజిక సేవలో పాల్గొనాలని పిలుపునిచ్చారు.గోపాల్ పేట సర్పంచ్ కర్రోళ.స్వప్న భాస్కర్ ఆధ్వర్యంలో నిర్వహించిన కంటి వైద్య శిబిరం విజయవంతం అయ్యింది మొత్తం 200మంది పరీక్షలు నిర్వహించగా 30మందికి ఆపరేషన్,72మందికి కళ్ళజోడులు అందించాలని నిర్ణయించారు. ఈ శిబిరంలో ముఖ్య అతిథిగా పాల్గొన్న మాజీ మంత్రి సింగిరెడ్డి నిరంజన్ రెడ్డి గారిని జన్మదిన శుభాకాంక్షలు తెలిపి ఒక మెమెంటో అందజేశారు.మాజీ మంత్రి నిరంజన్ రెడ్డి వెంట నందిమల్ల.అశోక్, రాజేష్ గౌడ్, వడ్డెమాన్.రవి, సర్పంచ్ శేఖర్, మన్నే నాయక్ తదితరులు ఉన్నారు.