రోడ్డు వెడల్పునకు సంపూర్ణ మద్దతు.. ప్రజల హక్కుల హరణాన్ని సహించం వనపర్తి పట్టణంలో రోడ్డు వెడల్పు పనులకు తాము పూర్తి మద్దతు ఇస్తామని, అయితే అభివృద్ధి పేరుతో ప్రజల హక్కులను కాలరాస్తూ విధ్వంసం సృష్టిస్తే సహించేది లేదని అఖిలపక్ష ఐక్యవేదిక స్పష్టం చేసింది. రోడ్డు విస్తరణ పనులను సోమవారం పరిశీలించిన ఐక్యవేదిక నాయకులు అక్కడి పరిస్థితులపై తీవ్ర ఆగ్రహం వ్యక్తం చేశారు.రోడ్డు వెడల్పు చేయాలనే నిర్ణయాన్ని అందరూ స్వాగతిస్తున్నారని, అందుకు వ్యాపారులు కూడా సహకరించేందుకు సిద్ధంగా ఉన్నారని తెలిపారు. అలాంటప్పుడు అధికార బలంతో వ్యాపారులను దూషించడం, వారి దుకాణాలను అస్తవ్యస్తం చేయడం ఏమిటని ప్రశ్నించారు. రోడ్డు విస్తరణ పేరుతో పదివేల లోతులో కాలువలు తవ్వడం వెనుక ఉద్దేశమేమిటని నిలదీశారు. వ్యాపారులతో సామరస్యంగా చర్చించి, వారిని ఒప్పించి తొలగింపు ప్రక్రియ చేపట్టాలని డిమాండ్ చేశారు ఈ కార్యక్రమంలో ఐక్యవేదిక అధ్యక్షులు డా సతీష్ యాదవ్, బీఎస్పీ జిల్లా కార్యదర్శి శ్రీనివాసులు, కాంగ్రెస్ నాయకులు వెంకటేశ్వర్లు ,టిడిపి నాయకులు కొత్త గొల్ల శంకర్, బిజెపి నాయకులు రవి, రామస్వామి, శివకుమార్, తిరుపతి నాయక్ తదితరులు పాల్గొన్నారు

తీవ్ర దుర్భిక్షం.. ఆదుకోవాలి తక్షణం : సిపిఐ వనపర్తి వనపర్తి జిల్లాలో తీవ్ర దుర్భిక్షం నెలకొందని వెంటనే సహాయక చర్యలు ప్రారంభించి రైతు కూలీలను ఆదుకోవాలని సిపిఐ రాష్ట్ర కార్యదర్శి వర్గ సభ్యుడు బాల నరసింహ డిమాండ్ చేశారు. సోమవారం వనపర్తి మండలం అంజనగిరి, దత్తాయిపల్లి, దత్తాయిపల్లి తండాలో సిపిఐ బృందం పర్యటించగా తీవ్ర దుర్భిక్ష పరిస్థితులు కళ్ళకు కట్టాయి అన్నారు. అంజనగిరి కి కాసిం నగర్ లిఫ్ట్ ఇరిగేషన్ ద్వారా సాగునీరు అందిస్తాం అన్న హామీని పాలకులు నెరవేర్చలేదన్నారు. బోర్లపై ఆధారపడి సాగు చేయటంతో సుమారు 100 ఎకరాల్లో వరి పంటలు ఎండిపోయాయన్నారు. పెద్ద దేవన్న రైతు నాలుగు ఎకరాల్లో వేసిన వారిపై రెండు తడులు ఇస్తే పండేదని, బోర్ లో నీళ్లు ఆగిపోవడంతో పంట ఎండిపోయిందన్నారు. మరో రైతు పొలం కరిగేట చేశారని మరు రోజు నాటేందుకు ప్రయత్నించగా బోరు ఎండిపోయిందని,ఆశతో రూ. 1,60,000 ఖర్చుపెట్టి రెండు బోర్లు తవ్విన నీళ్లు పడకపోవడంతో తీవ్రంగా నష్టపోయారని చాలామందిది ఇదే పరిస్థితి అన్నారు. దత్తాయిపల్లి, దత్తాయిపల్లి తండాలో సాగుచేసిన వరి పైరులు 80% ఎండిపోయాయన్నారు. సాగుకు అప్పులు తెచ్చామని పంట పండక పోవడంతో ఎలా తీర్చాలని ఆందోళన పడుతున్నారన్నారు. కేఎల్ఐ కాల్వ ఉందని పంట వేశారని సాగునీళ్లు రాకపోవడంతో ఎండిపోయాయన్నారు. పశువులు గొర్రెలకు మనుషులకు తాగునీటి సమస్య ఏర్పడే పరిస్థితి ఉందన్నారు. పంటలు ఎండి ప్రతి రైతు కంట్లో దుఃఖం కనిపిస్తోందన్నారు. జూన్ నెల వరకు ప్రతి నెల ప్రతి కుటుంబానికి రూ. 15000 ఇవ్వాలన్నారు. ఎండిన పంటలకు ఎకరాకు రూ. 30000 నష్టపరిహారం ఇవ్వాలని, పంట రుణాలు మాఫీ చేయాలన్నారు. రేషన్ దుకాణాల ద్వారా పేదలకు మనిషికి 15 కిలోల బియ్యం ఇవ్వాలన్నారు. ఉపాధి హామీ పనులను విస్తృతంగా చేపట్టి కూలీలకు 200 రోజులు పని కల్పించాలని, కూలి రూ. 600 ఇవ్వాలని డిమాండ్ చేశారు. మూగజీవాలను కాపాడుకునేందుకు ఉచితంగా పశుగ్రాసం ఇవ్వాలని, పశుగ్రాస కేంద్రాలను ఏర్పాటు చేయాలన్నారు. పిల్ల కాలువలు నిర్మించక సాగునీటి ఇబ్బంది ఉమ్మడి జిల్లాలో ప్రధాన సాగునీటి ప్రాజెక్టులు కేఎల్ఐ జూరాల భీమా తదితర ప్రాజెక్టుల ప్రధాన కాలువల నుంచి పిల్ల కాలువలు నిర్మించకపోవడంతో చివరి పొలాలకు సాగునీరు అందక ఎండిపోయాయన్నారు. పిల్ల కాలువల కోసం వెంటనే భూసేకరణ చేపట్టి కాల్వలు నిర్మించాలన్నారు. సిపిఐ జిల్లా కార్యదర్శి విజయరాములు, సిపిఐ నియోజకవర్గ కార్యదర్శి రమేష్, జిల్లా కార్యవర్గ సభ్యుడు శ్రీరామ్, జె. చంద్రయ్య నేతలు పృథ్వినాదం, చిన్న కుర్మయ్య, శివ, కాంగ్రెస్ నేత అంజనగిరి మాజీ సర్పంచ్ నారాయణ, పలువురు రైతులు కరువు పరిస్థితులను బృందానికి వివరించారు. తదితరులు పాల్గొన్నారు.

ఘనంగా AITUC 107 వ ఆవిర్భావ దినోత్సవం వనపర్తి ఏఐటీయూసీ 107 వ ఆవిర్భావ దినోత్సవాన్ని పురస్కరించుకొని వనపర్తి పట్టణంలోని ఏరియా హాస్పిటల్ మరియు మాతా శిశు సంక్షేమ హాస్పిటల్ నందు కార్మికులు జెండా ఆవిష్కరణ చేసి అమరులకు నివాళులర్పించారు. ఈ సందర్భంగా ఏఐటీయూసీ జిల్లా కార్యదర్శి కామ్రేడ్ మోష.. సహాయ కార్యదర్శి గోపాలకృష్ణ..కోశాధికారి భాస్కర్ లు మాట్లాడుతూ.. దేశంలో కార్మిక రంగ సమస్యల పరిష్కారం కోసం కార్మికుల యొక్క హక్కుల సాధన కోసం నిరంతరం పోరాడుతూ.. కార్మికుల పక్షాన నాటి బ్రిటిష్ సామ్రాజ్యవాదంతో పోరాడిన వారసత్వంతో ఏర్పడిన ఏఐటీయూసీ నేటి ప్రజాస్వామ్య ప్రభుత్వాలలో కూడా కార్మికుల హక్కులకై నినదిస్తున్న ఏకైక మొట్టమొదటి కార్మిక సంఘం ఏఐటియుసి అని తెలిపారు… కార్మికులకు గుదిబండగా మారిన నాలుగు లేబర్ కోడ్ లను తక్షణమే రద్దు చేయాలని.. కార్మికులకు కనీస వేతనాలు 26,000 అమలు చేయాలని ప్రభుత్వ రంగ సంస్థలను ప్రైవేటీకరణ ఆపాలని… కార్మికులకు ఉద్యోగ భద్రత కల్పించాలని డిమాండ్ చేశారు.. AITUC ఆధ్వర్యంలో దేశంలో కార్మిక పోరాటాలు నిర్వహించి కనీస వేతనాల చట్టం. ఫ్యాక్టరీ చట్టం. గ్రాడ్యుటీ చట్టం. లాంటి అనేక చట్టాలను సాధించామని తెలిపారు. రైల్వేలో బ్యాంకింగ్ లో విద్యుత్ రంగాలలో ఏఐటీయూసీ కార్మికుల పక్షాన కీలకంగా నిలబడి పోరాడుతుందన్నారు రాష్ట్రంలో సింగరేణి లాంటి పెద్ద పెద్ద ప్రభుత్వ సంస్థల్లో గుర్తింపు సంఘం గా మరియు ఇటీవల ఆర్టీసీ ఎన్నికల్లో ఎంప్లాయిస్ యూనియన్ గా AITUC గుర్తింపు పొందిందన్నారు.. సిపిఐ వనపర్తి పట్టణ కార్యదర్శి రమేష్. మెడికల్ ఎంప్లాయిస్ యూనియన్ జిల్లా కార్యదర్శి శ్రీనివాసులు అధ్యక్షులు రామ్ రెడ్డి లు మాట్లాడుతూ.. మెడికల్ రంగంలో కార్మికులు అనేక సమస్యలతో సతమతమవుతున్నారని ఆ సమస్యలకు ఏఐటీయూసీ తరఫున పోరాటాలకు శ్రీకారం చుడుతున్నామని. కార్మికులకు పని భారం తగ్గించాలని. రాజకీయ ఒత్తిళ్లు వేధింపులు ఆపాలని డిమాండ్ చేశారు. అనంతరం కేక్ కట్ చేసి సంబురాలు నిర్వహించారు.ఈ కార్యక్రమంలో ఏఐటీయూసీ హాస్పిటల్ వర్కర్స్ యూనియన్ జిల్లా అధ్యక్ష కార్యదర్శులు గంధం శీను నరసింహ నాయకులు చిన్న కురుమయ్య. నరేందర్.శ్యామ్. కుమార్.శ్రీకాంత్.భాను.పుష్ప.సంగీత.భాగ్య తదితరులు పాల్గొన్నారు..

లైంగిక నేరాలను అరికట్టడం లో కీలకంగా పోక్సో చట్టం జిల్లా న్యాయ సేవాధికర సంస్థ సెక్రటరీ, సీనియర్ సివిల్ జడ్జి కె.దీప వనపర్తి వనపర్తి జిల్లా మదనపూర్ మండలం లో జిల్లా పరిషత్, కస్తూరిబా విద్యాలయాల్లో జిల్లా న్యాయ సేవాధికర సంస్థ సెక్రటరీ కె.దీప గారు మాట్లాడుతూ నల్సా- సురక్షిత్ బచ్పన్ అభియాన్ – 2026 (పోక్సో -2012) న్యాయ అవగాహన సదస్సు ల్లో భాగంగా పోక్సో-2012 చట్టం గురించి పాఠశాల విద్యార్థుల కు ముఖ్య సూచనలు చేశారు.గుడ్ టచ్ బ్యాడ్ టచ్, ఆన్లైన్ లో వేధింపులు, ఇంటర్నెట్ సోషల్ మీడియా యాప్ ల వినియోగం పై మరియు సైబర్ నేరాల పట్ల అప్రమత్తంగా ఉండాలని తెలియజేశారు. చైల్డ్ హెల్ప్ లైన్ 1098, జిల్లా న్యాయ సేవాధికర సంస్థ టోల్ ఫ్రీ నెంబర్ 15100 లు మీకు అండగా ఉంటాయని తెలిపారు. కార్యక్రమంలో లీగల్ ఎయిడ్ డిఫెన్స్ కౌన్సెల్లు డి.కృష్ణయ్య, డి సి పిఓ రాంబాబు ఆయా పాఠశాల ల ప్రిన్సిపల్ లు, విద్యార్థులు పాల్గొన్నారు.

కరువు మండలాల్లో సహాయక చర్యలు వెంటనే ప్రారంభించాలి : సిపిఐ వనపర్తి జిల్లాలో కరువు పీడిత మండలాలుగా ప్రకటించిన 11 మండలాల్లో వెంటనే సహాయక చర్యలు ప్రారంభించాలని సిపిఐ వనపర్తి నియోజకవర్గ కార్యదర్శి రమేష్ డిమాండ్ చేశారు. బుధవారం వనపర్తి సిపిఐ ఆఫీసులో మాట్లాడుతూ.. చిన్నంబాయి, రేవల్లి, మదనాపూర్, శ్రీరంగాపూర్ మండలాల్లోనూ కరువు పరిస్థితులు ఉన్నాయని అధికారులు అక్కడి పరిస్థితులను పునసమీక్షించి వాటిని కూడా కరువు మండలాలుగా ప్రకటించాలని డిమాండ్ చేశారు. గత ప్రభుత్వాలు కరువు పీడిత ప్రాంతాలుగా ప్రకటించి రైతు కూలీలను ఆదుకోలేదని అలాంటి పరిస్థితి పునరావృత్తం అయితే సిపిఐ పక్షాన రైతుల కూలీలను సమీకరించి పోరాడుతామన్నారు. ఎండిపోయిన పంటలను గుర్తించి ఎకరానికి రూ. 30000 నష్టపరిహారం ఇవ్వాలని, పంట రుణాలను మాఫీ చేయాలన్నారు. కరువులో పంటలు పండకపోవటంతో సన్న బియ్యం ధర రూ. 75 నుంచి 95 రూపాయలు ఉందని సామాన్యులు కొనలేరని రేషన్ షాప్ ల ద్వారా మనిషికి 10 కిలోల సన్నబియ్యం ఇవ్వాలన్నారు. చెరువులు కుంటలు బావులు ఎండిపోవటంతో పశువులకు గొర్రెలకు గడ్డి నీళ్లు దొరికే పరిస్థితి లేదని పశుగ్రాస కేంద్రాలు ఏర్పాటు చేయాలన్నారు. వర్షాలు లేక వ్యవసాయ పనులు లేకపోవడంతో కూలీలకు పని కల్పించేందుకు జిరాంజీ పథకంలో ఎక్కువ పనులను గుర్తించి కూలి కల్పించాలన్నారు. ప్రభుత్వం కొత్త పింఛన్ల కోసం అర్హులను గుర్తించిందని వారికి వెంటనే పింఛన్లు మంజూరు చేయాలన్నారు. జూరాల అయకట్టుకు డిసెంబర్ 15 వరకు నీళ్లు ఇవ్వాల్సిందే జూరాలయకట్టుకు నవంబర్ మూడో తేదీ వరకే నీళ్లు ఇస్తామని సంబంధిత అధికారులు ప్రకటించటం సరికాదని డిసెంబర్ 15 వరకు నీళ్లు ఇచ్చి పంటలను కాపాడాలని రమేష్ డిమాండ్ చేశారు. నవంబర్ 3 తో నీటిని ఆపేస్తే ఒక్క గింజ కూడా రైతు చేతికి రాదని అప్పులతో ఆత్మహత్యలు చేసుకుని పరిస్థితి ఏర్పడుతుందన్నారు. కర్ణాటక నుంచి మూడు టీఎంసీల నీళ్లు తెస్తామని హామీ ఇచ్చిన అమలు చేయలేదన్నారు. తాగునీళ్ల కోసం రిజర్వాయర్లో నీళ్లు ఉంచాల్సి వస్తోందని అధికారులు చెప్పటం సరికాదన్నారు. ప్రస్తుతం ఉన్న నీటిని పంటలకు వదిలి కర్ణాటక నుంచి తెస్తాం అన్న మూడు టీఎంసీల నీళ్లు తెచ్చి వాటిని తాగునీటికి వాడాలన్నారు. నవంబర్ మూడు వరకే నీటిని ఆపితే సిపిఐ ఆధ్వర్యంలో రైతులను సమీకరించి పోరాటం చేస్తామన్నారు. సిపిఐ జిల్లా కార్యవర్గ సభ్యురాలు కళావతమ్మ, పట్టణ కార్యదర్శి పట్టణ సహాయ కార్యదర్శి గోపాలకృష్ణ నేతలు లక్ష్మీనారాయణ, శివ, జయమ్మ, జ్యోతి తదితరులు పాల్గొన్నారు

రూ.33 కోట్ల భూ సేకరణ, ఆర్‌ అండ్‌ ఆర్‌ పరిహారం విడుదల  వనపర్తి నియోజకవర్గ పరిధిలోని లబ్ధిదారుల ఖాతాల్లో నగదు జమ వనపర్తి వనపర్తి నియోజకవర్గ పరిధిలో నీటిపారుదల ప్రాజెక్టులకు సంబంధించి భూ సేకరణ, ఆర్‌ అండ్‌ ఆర్‌ (పునరావాసం, పునరుద్ధరణ) పరిహారం కింద మొత్తం రూ.33 కోట్లు సంబంధిత అర్హులైన రైతులు, లబ్ధిదారుల బ్యాంకు ఖాతాల్లో జమ అయినట్లు ఎమ్మెల్యే తూడి మేఘారెడ్డి వెల్లడించారు. ఈ సందర్భంగా  రాష్ట్ర ముఖ్యమంత్రి ఎనుముల రేవంత్ రెడ్డికి,  నీటిపారుదల శాఖ మంత్రి ఉత్తమ్ కుమార్ రెడ్డి కి ఎమ్మెల్యే ప్రత్యేక కృతజ్ఞతలు తెలిపారు. రైతుల ప్రయోజనాల పరిరక్షణ, అర్హులైన లబ్ధిదారులకు పరిహారం అందించడం, నియోజకవర్గ అభివృద్ధే లక్ష్యంగా నిరంతరం కృషి చేస్తామని ఎమ్మెల్యే తూడి మేఘారెడ్డి స్పష్టం చేశారు.ప్రభుత్వం విడుదల చేసిన ఈ పరిహారం రైతులకు ఆర్థికంగా ఊరటనివ్వనుందనీ ఎమ్మెల్యే  పేర్కొన్నారు

రూ.33 కోట్ల భూ సేకరణ, ఆర్‌ అండ్‌ ఆర్‌ పరిహారం విడుదలవనపర్తి నియోజకవర్గ పరిధిలోని లబ్ధిదారుల ఖాతాల్లో నగదు జమ వనపర్తి వనపర్తి నియోజకవర్గ పరిధిలో నీటిపారుదల ప్రాజెక్టులకు సంబంధించి భూ సేకరణ, ఆర్‌ అండ్‌ ఆర్‌ (పునరావాసం, పునరుద్ధరణ) పరిహారం కింద మొత్తం రూ.33 కోట్లు సంబంధిత అర్హులైన రైతులు, లబ్ధిదారుల బ్యాంకు ఖాతాల్లో జమ అయినట్లు ఎమ్మెల్యే తూడి మేఘారెడ్డి వెల్లడించారు. ఈ సందర్భంగా రాష్ట్ర ముఖ్యమంత్రి ఎనుముల రేవంత్ రెడ్డికి, నీటిపారుదల శాఖ మంత్రి ఉత్తమ్ కుమార్ రెడ్డి కి ఎమ్మెల్యే ప్రత్యేక కృతజ్ఞతలు తెలిపారు. రైతుల ప్రయోజనాల పరిరక్షణ, అర్హులైన లబ్ధిదారులకు పరిహారం అందించడం, నియోజకవర్గ అభివృద్ధే లక్ష్యంగా నిరంతరం కృషి చేస్తామని ఎమ్మెల్యే తూడి మేఘారెడ్డి స్పష్టం చేశారు. ప్రభుత్వం విడుదల చేసిన ఈ పరిహారం రైతులకు ఆర్థికంగా ఊరటనివ్వనుందనీ ఎమ్మెల్యే పేర్కొన్నారు

ఫ్లెక్సీలు, మాటలు కాదు.. ప్రజలకు అభివృద్ధి కావాలి వనపర్తి ఆకాశమంత ప్రచారం.. వెంట్రుక మందం అభివృద్ధి అన్న చందంగా పాలన సాగుతోందని అఖిలపక్ష ఐక్యవేదిక నాయకులు విమర్శించారు. వనపర్తి జిల్లా గోపాలపేట నుంచి వస్తుండగా తాడిపర్తి గ్రామం మీదుగా తాండా, చెన్నూరు గ్రామాలకు వెళ్లే రహదారి దుస్థితిని గమనించిన నాయకులు, ప్రయాణికుల ఇబ్బందులపై ఆవేదన వ్యక్తం చేశారు.ఫ్లెక్సీలు ఏర్పాటు చేయడం, కోట్లాది రూపాయల నిధులు వచ్చాయని ప్రచారం చేసుకోవడం అభివృద్ధి కాదని పేర్కొన్నారు. ప్రశ్నించే గొంతుకలను అణచివేయడం, సోషల్ మీడియాలో విమర్శకులను కించపరచడం మానుకోవాలని సూచించారు. గ్రామాలకు మెరుగైన రహదారులు, తాగునీరు, నాణ్యమైన విద్య, వైద్యం, అందుబాటులో నిత్యావసరాలు, మెరుగైన రవాణా సౌకర్యాలు కల్పించడమే నిజమైన అభివృద్ధి అని స్పష్టం చేశారు. ప్రజల అవసరాల కోసం నిధులను వినియోగించి, గ్రామీణ సమస్యలను తక్షణమే పరిష్కరించాలని జిల్లా అధికారులు, ప్రజాప్రతినిధులను అఖిలపక్ష ఐక్యవేదిక అధ్యక్షుడు, నాయకులు డిమాండ్ చేశారు.

మహర్షి వాల్మీకి జీవితం మార్పుకు నిదర్శనం.. రామాయణం మానవాళికి మార్గదర్శకం వనపర్తి ఆదికవి మహర్షి వాల్మీకి జీవితం ప్రతి ఒక్కరికీ స్ఫూర్తిదాయకమని, ఆయన రచించిన రామాయణం తరతరాలకు ధర్మం, సత్యం, న్యాయం, మానవతా విలువలను బోధించే మహోన్నత కావ్యమని వనపర్తి శాసనసభ్యులు తూడి మేఘారెడ్డి పేర్కొన్నారు. మహర్షి వాల్మీకి జయంతిని పురస్కరించుకొని సోమవారం వనపర్తి జిల్లా కలెక్టరేట్‌లో అధికారికంగా నిర్వహించిన జయంతి కార్యక్రమంలో ఎమ్మెల్యే పాల్గొని, మహర్షి వాల్మీకి చిత్రపటానికి పూలమాల వేసి ఘనంగా నివాళులర్పించారు.అనంతరం ఖిల్లా ఘనపురం మండల కేంద్రంలో నూతనంగా ఏర్పాటు చేసిన మహర్షి వాల్మీకి విగ్రహాన్ని ఆవిష్కరించారు. పెద్దమందడి మండలం మద్దిగట్ల గ్రామంలోనూ నూతనంగా ఏర్పాటు చేసిన మహర్షి వాల్మీకి విగ్రహాన్ని ఆవిష్కరించి, ప్రత్యేక పూజలు నిర్వహించారు. వాల్మీకి రచించిన రామాయణం కేవలం ఒక కావ్యం మాత్రమే కాదనీ. మానవ జీవితానికి దిశానిర్దేశం చేసే మహాగ్రంథమని. శ్రీరాముని జీవితంలోని ధర్మనిష్ఠ, సత్యసంధత, కర్తవ్యపాలన, త్యాగం వంటి విలువలను ప్రపంచానికి చాటిచెప్పిన రామాయణం భారతీయ సంస్కృతి, సంప్రదాయాల్లో విశిష్ట స్థానం సంపాదించుకుంది. సమాజంలో ప్రతి ఒక్కరికీ గౌరవం, సమాన అవకాశాలు, ఆత్మగౌరవంతో జీవించే హక్కు లభించాలని చాటిచెప్పే మానవతా విలువలు నేటికీ ఎంతో ప్రాసంగికమని పేర్కొన్నారు. మహర్షి వాల్మీకి విగ్రహాల ఏర్పాటు ఆయన పట్ల ప్రజలకు ఉన్న గౌరవానికి, ఆయన ఆదర్శాలను భావితరాలకు పరిచయం చేయాలనే సంకల్పానికి ప్రతీకగా నిలుస్తాయని పేర్కొన్నారు. మహర్షి వాల్మీకి బోధించిన ధర్మం, సత్యం, మానవతా విలువలను ఆచరణలో పెట్టడమే ఆయనకు మనమిచ్చే నిజమైన నివాళి. ఆయన జీవితం, ఆశయాలు భావితరాలకు నిరంతరం స్ఫూర్తినివ్వాలని ఎమ్మెల్యే తూడి మేఘారెడ్డి గారు ఆకాంక్షించారు. కార్యక్రమంలో కాంగ్రెస్ పార్టీ నాయకులు కార్యకర్తలు యువకులు, పెద్దలు పార్టీ శ్రేణులు తదితరులు పాల్గొన్నారు

వనపర్తి ప్రజలు విజ్ఞులు అన్ని గమనిస్తున్నారు వనపర్తి అహంకార పూరిత పాలన మాకు వద్దని, ఆత్మగౌరవాన్ని తాకట్టు పెట్టలేమని నీ గర్వాన్ని అణిచివేసి గద్దె దింపి ఇంట్లో కూర్చోబెట్టిన నేటికీ నీ తీరు మారకపోవడాన్నీ వనపర్తి వనపర్తి ప్రజలు విజ్ఞులు మేధావులు గమనిస్తున్నారని రానున్న కాలంలోనూ నీకు తగిన బుద్ధి చెప్పడం ఖాయమని వనపర్తి శాసనసభ్యులు తూడి మేఘారెడ్డి పేర్కొన్నారు. ఆదివారం వనపర్తి జిల్లా కాంగ్రెస్ పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారూనవంబర్ 30న ప్రజాక్షేత్రంలో ఓటమిపాలైన ఓ మాజీమంత్రి తెలంగాణ రాష్ట్రంలోనే నెంబర్ ఫోర్ అని చెప్పుకునే వ్యక్తి ఇటీవల మతిభ్రమించి అహంకారపూరితమైన మాటలు మాట్లాడుతున్నారని వయసుకు తగ్గిన మాటలు మాట్లాడాలని ఏడు పదుల వయసులో మీరు వెయ్యి మందితో వస్తే మేము 50 వేల మందితో వస్తామని దేనికైనా సిద్ధమని ఎమ్మెల్యే ఘాటు హెచ్చరిక చేశారు. రాష్ట్రంలో 4వ నంబర్‌ నాయకుడిగా చెప్పుకునే మాజీ మంత్రి 2014 నుంచి 2023 వరకు వనపర్తిని అభివృద్ధి పేరుతో ధ్వంసం చేశారని మేఘారెడ్డి ఆరోపించారు. 32 మంది బీసీ నాయకులపై నాన్‌ బెయిలబుల్‌ కేసులు పెట్టించారని, విలేకరులను సైతం వదలకుండా అట్రాసిటీ కేసులు నమోదు చేసిన రోజులను ప్రజలు మర్చిపోలేదన్నారు. నియోజకవర్గంలో రియల్‌ ఎస్టేట్‌ వ్యాపారులు, నిరుద్యోగులు, వివిధ వర్గాల ప్రజలను భయభ్రాంతులకు గురిచేసిన పాలనకు ప్రజలు చరమగీతం పాడారని వ్యాఖ్యానించారు. ఉద్యోగాలు ఇప్పిస్తామంటూ పోస్టులకు ధరలు నిర్ణయించి కమిషన్లు వసూలు చేశారనే ఆరోపణలు కూడా చేశారు. గత పాలనలో ఎదురైన పరిస్థితులను దృష్టిలో పెట్టుకునే ప్రజలు అసెంబ్లీ ఎన్నికల్లో కాంగ్రెస్‌కు పట్టం కట్టారని మేఘారెడ్డి అన్నారు. నవంబర్‌ 30న జరిగిన ఎన్నికల్లో తనను భారీ మెజారిటీతో గెలిపించిన ప్రజల తీర్పును గౌరవించాలని సూచించారు. జీవితంలో ఒక్కసారే ఎమ్మెల్యే అయ్యారంటూ నిరంజన్‌రెడ్డిని ఎద్దేవా చేశారు. నాగర్‌కర్నూల్‌లో పుట్టి, కొల్లాపూర్‌లో పెరిగి, వనపర్తిలో రాజకీయ ఆధిపత్యం చెలాయిస్తామంటే కుదరదని స్పష్టం చేశారు. మాజీ మంత్రి అహంకారానికి ఎవరూ భయపడాల్సిన అవసరం లేదన్నారు. బీఆర్‌ఎస్‌ ప్రభుత్వం తొమ్మిదేళ్ల కాలంలో ఏం చేసిందో, కాంగ్రెస్‌ ప్రభుత్వం మూడేళ్లలో ఏం చేస్తుందో ప్రజల సమక్షంలో చర్చించేందుకు తాను సిద్ధంగా ఉన్నానని మేఘారెడ్డి సవాల్‌ విసిరారు. బీఆర్‌ఎస్‌ పాలనకు సంబంధించిన పత్రాలు తీసుకొచ్చి చర్చకు రావాలని, తాను ఎలాంటి పత్రాలు లేకుండానే చర్చించేందుకు సిద్ధమని అన్నారు. అభివృద్ధి విషయంలో ఎవరి పాలన ఎలా ఉందో ప్రజలే నిర్ణయిస్తారని పేర్కొన్నారు. వెయ్యి మందితో కలిసి నడిబజారులో చెప్పుతో కొడతానంటూ మాట్లాడటం ఏ విధమైన రాజకీయ సంస్కృతికి నిదర్శనమని ప్రశ్నించారు. వయసులో పెద్దవారైనా మాటతీరు, ప్రవర్తనలో హుందాతనం ఉండాలని హితవు పలికారు. ప్రజాస్వామ్యంలో బెదిరింపులకు, అహంకారపూరిత వ్యాఖ్యలకు స్థానం లేదన్నారు. వనపర్తి విద్యావంతులు, విజ్ఞులు, మేధావులు, రాజకీయ విశ్లేషకులు ఈ పరిణామాలను గమనించి ఆలోచించాలని కోరారు.అహంకారంతో వ్యవహరించే నాయకుడు కావాలా, ప్రజలకు సేవ చేసే నాయకుడు కావాలా అన్నది ప్రజలే నిర్ణయించాలని అన్నారు.ఎంతమందితో వచ్చినా ఎదుర్కొనేందుకు తాను సిద్ధంగా ఉన్నానంటూ మేఘారెడ్డి అన్నారు.వచ్చే ఎన్నికల్లో నిరంజన్‌రెడ్డికి బీఆర్‌ఎస్‌ పార్టీ టికెట్‌ రావడం కూడా అనుమానమేనని, ఒకవేళ టికెట్‌ వచ్చినా ప్రజలు తగిన గుణపాఠం చెబుతారని వ్యాఖ్యానించారు. వనపర్తి రాజకీయాల్లో బెదిరింపులు, వ్యక్తిగత దూషణల కంటే అభివృద్ధి, ప్రజాసేవే ముఖ్యమని పేర్కొన్నారు.కార్యక్రమంలో జిల్లా డిసిసి అధ్యక్షులు శివసేనారెడ్డి, జిల్లా పార్టీ కార్యవర్గం కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు