Uncategorized

పట్టభద్రుల ఓటు నమోదుపై జిల్లా కలెక్టర్ ,ఎస్.పి అన్ని శాఖల అధికారులను అప్రమత్తం చేయాలని నిరంజన్ రెడ్డి విజ్ఞప్తి వనపర్తి రాబోవు గ్రాడ్యుయేట్ ఎమ్మెల్సీ ఎన్నికల్లో బాధ్యతగా ఓటు నమోదు చేసుకోవాలని మాజీ మంత్రివర్యులు సింగిరెడ్డి నిరంజన్ రెడ్డి జిల్లా కలెక్టర్ ఆదర్శ సురభి గారిని,జిల్లా ఎస్పీ సునీతా రెడ్డి గారిని స్వయంగా కలసి విజ్ఞప్తి చేశారు. ఈ సందర్భంగా గౌరవ మాజీ మంత్రివర్యులు సింగిరెడ్డి నిరంజన్ రెడ్డి మాట్లాడుతూ జిల్లా అధిపతులుగా దయచేసి అన్ని శాఖల అధికారులు ఓటు నమోదు చేసుకోవాలని అప్రమత్తం చేయాలని విజ్ఞప్తి చేశారు. అనంతరం పట్టణంలోని గర్ల్స్ హైస్కూల్,హైస్కూల్,జూనియర్ కళాశాలలో విస్తృతంగా పర్యటించి ఉపాధ్యాయులను, లెక్చరర్స్ తో మాట్లాడుతూ ప్రజాస్వామ్య వ్యవస్థలో ఓటు హక్కు వజ్రాయుధం అని బాధ్యతగా మీతో పాటు పట్టభద్రులు అందరూ బాధ్యతగా ఓటు నమోదు చేసుకొనే విధంగా కృషి చేయాలని నిరంజన్ రెడ్డి పిలుపునిచ్చారు. మాజీ మంత్రివర్యులు సింగిరెడ్డి నిరంజన్ రెడ్డి నూతన జిల్లాల దశాబ్ది ఉత్సవాల(జిల్లాలు ఏర్పడి 10ఏండ్లు అయిన)సందర్భంగా కలెక్టర్ ఆదర్శ్ సురభి గారిని మరియు జిల్లా ఎస్పీ సునీతా రెడ్డి గారిని పుష్ప గుచ్చం ఇచ్చి శుభాకాంక్షలు తెలిపారు అనంతరం జిల్లా కలెక్టర్ ఆదర్శ సురభి గారిని పట్టణ అధ్యక్షులు పలుస. రమేష్ గౌడ్,జిల్లా ఎస్పీ సునీతా రెడ్డి ని జిల్లా మీడియా కన్వీనర్ నందిమల్ల అశోక్ సన్మానించారు. ఈ కార్యక్రమంలో జిల్లా అధ్యక్షులు గట్టు యాదవ్,జిల్లా అధికార ప్రతినిధి వాకిటి శ్రీధర్, పలుస.రమేష్ గౌడ్, నందిమల్ల అశోక్,గంధం.పరంజ్యోతి,కురుమూర్తి యాదవ్,విజయ్ కుమార్,గంధం. బాలపీరు,జాతృ నాయక్,గులాం ఖాదర్ ఖాన్, కె.మాణిక్యం, భాను ప్రకాష్ రావు,వెంకట్ సాగర్,ఉంగ్లం. తిరుమల్,నాగన్న యాదవ్,ధర్మా నాయక్,మహేశ్వర్ రెడ్డి,జోహెబ్ హుస్సేన్, సయ్యద్.జమీల్,సూర్యవంశం.గిరి,చిట్యాల. రాము,నీలస్వామి,పెద్ద ముక్కల.రవి,బొబ్బిలి. ప్రేమ్ కుమార్, అస్లామ్,లక్ష్మణ్ గౌడ్, శివ గౌడ్,ఖాదర్ తదితరులు ఉన్నారు.

వనపర్తి పర్యాటక రంగానికి మహర్దశ వనపర్తి వనపర్తి నియోజకవర్గంలో పర్యాటక రంగాన్ని అభివృద్ధి చేయడంతో పాటు ప్రముఖ పర్యాటక, ఆధ్యాత్మిక ప్రాంతాల్లో మౌలిక సదుపాయాలను, పర్యాటక కేంద్రాలుగా, రిజర్వాయర్లలో బోటింగ్ సదుపాయం, బ్యూటిఫికేషన్ (సుందరీ కరణ)మెరుగుపరిచేందుకు రాష్ట్ర ప్రభుత్వం 14 కోట్లు విడుదల చేసి ముందుగా రూ.10 కోట్ల నిధులకు పరిపాలనా అనుమతులు మంజూరు చేసినట్లు ఎమ్మెల్యే తెలిపారు, ఈ మేరకు యువజన అభివృద్ధి, పర్యాటక మరియు సాంస్కృతిక శాఖ 2026 అక్టోబర్ 19న GO RT NO 313ను జారీ చేసింది. తొమ్మిది ప్రాంతాల్లో అభివృద్ధి పనులు ప్రభుత్వం మంజూరు చేసిన నిధులతో వనపర్తి నియోజకవర్గంలోని వనపర్తి పట్టణం తిరుమలయ్య గుట్టను పర్యాటక కేంద్రంగా గోపాల్‌పేట మండలంలోని బుద్దారం ఆలయంను, ఖిల్లా ఘణపురం మండలంలోని ఘణప సముద్రంను సుందరీ కరణతో పాటు బోటింగ్ ఏర్పాటు మామిడిమాడ నేరేడు చెరువు, వనపర్తి ఎంటీబీ నీ పర్యాటక, సుందరీకరణ పనుల అభివృద్ధి వెల్టూరు వేణుగోపాల సముద్రం చిన్నగుంటపల్లి గుండ్ల చెరువు శ్రీరంగాపురంలోని రంగసముద్రంను పర్యాటక కేంద్రగా వనపర్తి పట్టణం గ్రంథాలయం హాల్‌ కల్చరల్ సెంటర్ గా అభివృద్ధి నిర్మాణానికి సంబంధించిన అభివృద్ధి పనులు చేపట్టనున్నారు. పర్యాటక అభివృద్ధికి కీలక ముందడుగు వనపర్తి నియోజకవర్గంలోని చారిత్రక, ఆధ్యాత్మిక, ప్రకృతి పర్యాటక ప్రదేశాలను అభివృద్ధి చేయాలనే లక్ష్యంతో కాంగ్రెస్ ప్రభుత్వం తీసుకున్న ఈ నిర్ణయం ప్రాధాన్యత సంతరించుకుంటుందని ఎమ్మెల్యే పేర్కొన్నారు

వనపర్తి విద్యాభివృద్ధికి 680 కోట్లు పూర్వ విద్యార్థుల సమ్మేళనం పాదపూజ కార్యక్రమంలో పాల్గొన్న ఎమ్మెల్యే తూడి మేఘారెడ్డి వనపర్తి వనపర్తి నియోజకవర్గం లో విద్యాభివృద్ధి కోసం ఇప్పటికే 680 కోట్ల రూపాయలను తీసుకొచ్చినట్లు వనపర్తి శాసనసభ్యులు తూడి మేఘారెడ్డి పేర్కొన్నారు. శనివారం ఖిల్లా ఘణపురం మండలం మామిడిమడ గ్రామ జిల్లా పరిషత్ ఉన్నత పాఠశాల నిర్వహించిన పూర్వ విద్యార్థుల సమ్మేళనం పాదపూజ కార్యక్రమంలో ఎమ్మెల్యే పాల్గొని మాట్లాడారు వనపర్తి నియోజకవర్గ పరిధిలోని నాలుగు ఉన్నత పాఠశాలలను మొదటి విడతగా తీసుకొని పూర్తిస్థాయిలో అభివృద్ధి చేసేందుకు తాను కృషి చేస్తున్నానని అందులో ఖిల్లా ఘణపురం మండల మామిడి మాడ ఉన్నత పాఠశాల, ఖిల్లా ఘణపురం మండల కేంద్రంలోని ఉన్నత పాఠశాల, వనపర్తి హరిజనవాడ ఉన్నత పాఠశాల, పెబ్బేరు ఉన్నత పాఠశాలలో ఉన్నట్టు ఎమ్మెల్యే చెప్పారు. మామిడి మాడ పాఠశాల అభివృద్ధి కోసం కోటి రూపాయల కార్పస్ పండును జమ చేస్తున్నట్లు అందుకు గ్రామస్తులు పూర్వ విద్యార్థులు అందరూ సహకరించవలసిందిగా ఆయన కోరారు. ఎమ్మెల్యే గారి పిలుపుమేరకు కార్యక్రమానికి వచ్చిన పలువు అక్కడికక్కడే విరాళాలు ఇవ్వడంతో దాదాపు 20 లక్షల రూపాయలు సమకురాయి ఈ సందర్భంగా ఏర్పాటుచేసిన సమావేశంలో ఎమ్మెల్యే మాట్లాడుతూ తెలంగాణ రాష్ట్ర ప్రభుత్వం విద్యాభివృద్ధి కోసం ఎంతో కృషి చేస్తుందని అందులో భాగంగానే ఇంటిగ్రేటెడ్ పాఠశాలలు, తెలంగాణ పబ్లిక్ స్కూల్ లను ఏర్పాటు చేస్తుందన్నారురాష్ట్ర ముఖ్యమంత్రి ఎనుముల రేవంత్ రెడ్డి గారి మానస పుత్రిక అయిన TPS తెలంగాణ తెలంగాణ పబ్లిక్ స్కూల్ మొదటి విడతగా రాష్ట్రంలో 70 పాఠశాలను ఎంపిక చేశారని అందుకుగాను 1000 కోట్ల రూపాయలను డిపాజిట్ చేశారని అందులో ఇప్పటికే 793 కోట్లు ఖర్చు చేస్తూ పాఠశాల నిర్మాణానికి శ్రీకారం చుట్టారని ఎమ్మెల్యే తెలిపారు. పెద్దమందడి మండలం వెల్టూరు గ్రామంలోని టిపిఎస్ పాఠశాల నిర్మాణానికి పనులు కొనసాగుతున్నాయన్నారు. వనపర్తి నియోజకవర్గ పరిధిలోని పలు పాఠశాలలకు ఇప్పటికే నిధులు కేటాయించి అదనపు గదులు, మరుగుదొడ్లు, ప్రహరీ గోడల నిర్మాణం, వాటర్ ప్లాంట్ల నిర్మాణం, విద్యార్థులకు టేబుల్లు, లాంటి పలువ మౌలిక సదుపాయాలు కల్పించినట్లు ఎమ్మెల్యే పేర్కొన్నారు. రానున్న కాలంలోనూ మరో కోటి రూపాయలతో పాఠశాలల అభివృద్ధి చేస్తున్నట్లు అందుకు సంబంధించిన నిధులు సైతం ఉన్నట్లు ఎమ్మెల్యే చెప్పారు.తాను విద్యను అభ్యసించిన మామిడి పాఠశాలను అభివృద్ధి చేసుకోవడం తనకి ఎంతో సంతృప్తికరంగా ఉందని పాఠశాల అభివృద్ధి కోసం ప్రతి ఒక్కరు పాటుపడాలని ఆయన పిలుపునిచ్చారు. ప్రభుత్వ పాఠశాలల్లో నిష్ణాతులైన ఉపాధ్యాయులు ఉంటారని అది ప్రైవేట్ పాఠశాలలో సాధ్యపడదని ప్రైవేటు పాఠశాలకు విద్యార్థులను పంపే తల్లిదండ్రులు ఆయా గ్రామాల్లో ప్రభుత్వ పాఠశాల అభివృద్ధి కోసం తమవంతుగా కృషి చేయాలని సూచించారు. మన ఇంట్లో అయ్యప్ప స్వామి మాలాధారణ ఆంజనేయ స్వామి మాలాధారణ లాంటి అనేక మాలలు వేసుకుని ఎంత నిష్టగా ఉంటామో అదేవిధంగా ఒక్క నెల రోజులు మిస్టేక్ గా ఉండి ఖర్చులన్నీ తగ్గించి ఆ ఆధా చేసిన డబ్బులను పాఠశాల కనిపించాల్సిందిగా ఎమ్మెల్యే గ్రామస్తులకు సూచించారు. ఈ సందర్భంగా వందేమాతరం ఫౌండేషన్ వ్యవస్థాపకులు రవీందర్ గారు మాట్లాడుతూ రాష్ట్రంలో అనేక గ్రామాలకు తాను ఇలాంటి కార్యక్రమాలకు వెళ్తానని వనపర్తి ఎమ్మెల్యేగా ఉన్న మేఘా రెడ్డి గారి లాగా ఉన్న ఎమ్మెల్యేలను తాను చూడలేదని పాఠశాల అభివృద్ధి కోసం విద్యార్థుల చదువుల అభివృద్ధి కోసం ఇంతగా తప్పించి పోయే ఎమ్మెల్యే ఉండడం వనపర్తి ప్రజల అదృష్టమని ఆయన పేర్కొన్నారుఈ కార్యక్రమంలో భాగంగా పాఠశాలలో నూతనంగా ఏర్పాటు చేసిన గ్రంథాలయాన్ని, శుద్ధి నీటి కేంద్రాన్ని ప్రారంభించారు. కార్యక్రమంలో మార్కెట్ యార్డ్ అధ్యక్షులు నవనీత క్యామ రాజు, పాఠశాల ప్రధానోపాధ్యాయులు చెన్నప్ప, విజయ భాస్కర్ రెడ్డి, వెంకట్రావు సర్పంచు లింగం, సాయిచరణ్ రెడ్డి, మండలాధ్యక్షులు కృష్ణయ్య, ఉపసర్పంచ్ భద్రయ్య, మాజీ సర్పంచ్ మోహన్ జి, జితేందర్ రెడ్డి శ్యాంసుందర్రావు, meo జయశంకర్ ఆయా గ్రామాల సర్పంచులు ఎంపీటీసీలు ప్రజాప్రతినిధులు యువకులు, విద్యార్థులు విద్యార్థులు తల్లిదండ్రులు తదితరులు పాల్గొన్నారు

పోరాటంతోనే దళితుల హక్కుల సాధన: రవీందర్ వనపర్తి దళితుల సంఘటిత పోరాటంతోనే హక్కుల సాధన సాధ్యమని డి హెచ్ పి ఎస్ జిల్లా ప్రధాన కార్యదర్శి ఏ రవీందర్ అన్నారు. వనపర్తి ఆఫీస్ లో డిహెచ్పిఎస్ 20వ ఆవిర్భావ వేడుకలను నిర్వహించారు. డిహెచ్పిఎస్ జెండాను ఎగిరేసి మాట్లాడుతూ. ఎన్నికల్లో దళితులకు ఇచ్చిన హామీల అమలులో ప్రభుత్వం విఫలమైందన్నారు. ఇందిరమ్మ ఇండ్లను దళితులకు 50% కేటాయిస్తామని అమలు చేయటం లేదన్నారు. ఎస్సీ సబ్ ప్లాన్ నిధులు ఖర్చు చేయడం లేదని ఆరోపించారు. దళితులు సాగు చేసుకుంటున్న ప్రభుత్వ భూములకు పట్టాలి ఇవ్వటం లేదని, రైతు భరోసా బ్యాంకులో రుణాలు రావటం లేదన్నారు. 80 ఏళ్ల స్వాతంత్రంలో దళితులపై దాడులు ఆగటం లేదని కుల వివక్ష, అంటరానితనం కొనసాగుతుందని పాలకుల విధానాలు కారణమన్నారు. చదువుకున్న దళిత నిరుద్యోగులు ఉద్యోగాలు రాక ఉపాధి లేక ఆందోళన చెందుతున్నారు అన్నారు. పాలకులపై పోరాటడమే సమస్యలకు పరిష్కారమని డిహెచ్పిఎస్ లో చేరి దళితులు పోరాటాలకు సిద్ధం కావాలని కోరారు. రాజారాం ప్రకాష్ మళ్లీపు నరసింహ బాలిమియా తదితరులు దళితుల సమస్యలపై పాటలు పాడారు. డిహెచ్పిఎస్ జిల్లా సహాయ కార్యదర్శి శేఖర్, జిల్లా కమిటీ సభ్యుడు చిన్న కురుమన్న, మోష, రమేష్, నరసింహ తదితరులు పాల్గొన్నారు.

దినేష్ మృతి తీరని విషాదం.. కుటుంబ సభ్యులను పరామర్శించిన ఎమ్మెల్యే తూడి మేఘారెడ్డి వనపర్తి రోడ్డు ప్రమాదంలో యువకుడు సింగనమోని దినేష్ మృతి చెందడం తీవ్ర విషాదాన్ని నింపింది. రెప్పపాటులో జరిగిన ప్రమాదం ఓ కుటుంబంలో తీరని శోకాన్ని మిగిల్చింది. కన్నకొడుకును కోల్పోయిన తల్లిదండ్రుల ఆవేదన పలువురిని కలచివేసింది. ఈ విషాదకర ఘటనతో బాధలో ఉన్న కుటుంబ సభ్యులను వనపర్తి ఎమ్మెల్యే తూడి మేఘారెడ్డి పరామర్శించి, వారికి తన ప్రగాఢ సానుభూతిని తెలియజేశారు. వనపర్తి పట్టణంలోని చింతల హనుమాన్ దేవాలయం సమీపంలో జరిగిన రోడ్డు ప్రమాదంలో మృతి చెందిన సింగనమోని దినేష్ మృతదేహాన్ని వనపర్తి ఏరియా ఆసుపత్రిలో ఎమ్మెల్యే సందర్శించారు. వనపర్తి మండలం మెట్టిపల్లి గ్రామానికి చెందిన శీను, సరిత దంపతుల కుమారుడైన దినేష్ అకాల మరణం పట్ల తీవ్ర దిగ్భ్రాంతి, విచారం వ్యక్తం చేశారు. పుత్రవియోగంతో కన్నీరుమున్నీరుగా విలపిస్తున్న తల్లిదండ్రులు, కుటుంబ సభ్యులను ఓదార్చారు. వారి బాధను పంచుకుంటూ, ఈ కష్ట సమయంలో ధైర్యంగా ఉండాలని భరోసా కల్పించారు. అనంతరం ఇదే ప్రమాదంలో గాయపడి హైదరాబాద్‌లో చికిత్స పొందుతున్న పెబ్బేరు పట్టణానికి చెందిన గణేష్‌ను ఎమ్మెల్యే ఫోన్ ద్వారా పరామర్శించారు. ఆయన ఆరోగ్య పరిస్థితిని అడిగి తెలుసుకొని, త్వరగా కోలుకోవాలని ఆకాంక్షించారు. అవసరమైన ధైర్యాన్ని అందిస్తూ, గణేష్ కుటుంబ సభ్యులకు అండగా ఉంటామనే భరోసా కల్పించారు.ఒక కుటుంబానికి ఆధారంగా నిలవాల్సిన యువకుడు అకాల మరణం చెందడం అత్యంత బాధాకరమని ఈ సందర్భంగా ఎమ్మెల్యే ఆవేదన వ్యక్తం చేశారు. దినేష్ కుటుంబానికి ప్రగాఢ సానుభూతి తెలియజేస్తూ, గాయపడిన గణేష్ త్వరగా కోలుకోవాలని ఆకాంక్షించారు.

యూట్యూబర్ నరసింహపై దాడినితీవ్రంగా ఖండించిన పెబ్బేరు కాంగ్రెస్ నాయకులు పెబ్బేరు యూట్యూబర్ నరసింహపై బీఆర్ఎస్ నాయకులు దాడి చేయడాన్ని పెబ్బేరు మండల కాంగ్రెస్ నాయకులు తీవ్రంగా ఖండించారు. వారు బుధవారం బీఆర్ఎస్ నేతల తీరుపై తీవ్ర ఆగ్రహం వ్యక్తం చేశారు.పెబ్బేరు బీఆర్ఎస్ నాయకులు అతిఉత్సాహంతో, ఎవరి మెప్పుకోసమో వెళ్లి యూట్యూబర్ నరసింహపై దురుసుగా ప్రవర్తించి దాడికి పాల్పడటం సిగ్గుచేటని మండిపడ్డారు. అంతటితో ఆగకుండా, కాంగ్రెస్ నాయకులే ఎస్సీ, ఎస్టీ అట్రాసిటీ కేసులు పెట్టించారంటూ తప్పుడు ఆరోపణలు చేయడం హాస్యాస్పదమని, అది వారి అజ్ఞానానికి నిదర్శనమని విమర్శించారు. కక్షసాధింపు చర్యలకు పాల్పడే సంస్కృతి బీఆర్ఎస్ పార్టీ నాయకులు నేర్పించిందే తప్ప, అది కాంగ్రెస్ పార్టీ సిద్ధాంతం కాదని వారు స్పష్టం చేశారు. తమ పార్టీకి, నాయకులకు ఎప్పుడూ అభివృద్ధిలో పోటీ పడటమే తెలుసునని, ఇలాంటి చిల్లర రాజకీయాలు, కక్షసాధింపులు తమ పార్టీ విధానం కాదని కాంగ్రెస్ నాయకులు తేల్చిచెప్పారు. ఈ కార్యక్రమంలో మున్సిపల్ చైర్మన్ అక్కి శ్రీనివాస్ గౌడ్, కాంగ్రెస్ పట్టణ అధ్యక్షులు కొంతం దయాకర్ రెడ్డి, కౌన్సిలర్లు శివ సాయి, తాటికొండ కృష్ణ, మాజీ మార్కెట్ వైస్ చైర్మన్ విజయ వర్ధన్ రెడ్డి, నాయకులు నరేందర్, కారుపాకుల వెంకట రాములు, సత్యనారాయణ, రాములు యాదవ్, రంజిత్ కుమార్, సురేందర్ గౌడ్, రామన్ గౌడు, వెంకటయ్య గౌడ్, ఆశన్న నాయుడు తదితరులు పాల్గొన్నారు.

పోలీసు అమరవీరుల త్యాగాలు వెలకట్టలేనివి వనపర్తి ప్రజల ప్రాణాలు, ఆస్తుల రక్షణతో పాటు శాంతిభద్రతల పరిరక్షణ కోసం నిరంతరం శ్రమిస్తూ, విధి నిర్వహణలో ప్రాణాలను సైతం త్యాగం చేసిన పోలీసు అమరవీరుల సేవలు చిరస్మరణీయమని వనపర్తి ఎమ్మెల్యే తూడి మేఘారెడ్డి పేర్కొన్నారు. పోలీసు అమరవీరుల త్యాగం సమాజానికి స్ఫూర్తిదాయకమని, వారి సేవలను ప్రతి ఒక్కరూ ఎల్లప్పుడూ గుర్తుంచుకోవాలన్నారు. పోలీస్ అమరవీరుల దినోత్సవం సందర్భంగా వనపర్తి జిల్లా కేంద్రంలోని పోలీస్ పెరేడ్ గ్రౌండ్‌లో నిర్వహించిన కార్యక్రమానికి బుధవారం ఎమ్మెల్యే మేఘారెడ్డి హాజరయ్యారు. ఈ సందర్భంగా పోలీస్ అమరవీరుల స్తూపం వద్ద పుష్పగుచ్ఛం ఉంచి ఘనంగా నివాళులర్పించారు. ప్రజల భద్రతే లక్ష్యంగా విధులు నిర్వర్తిస్తూ ప్రాణత్యాగం చేసిన పోలీసు వీరుల సేవలను స్మరించుకున్నారు.అమరుల కుటుంబాలకు అండగా నిలవడం మనందరి బాధ్యతఅన్నారు. విధి నిర్వహణలో ప్రాణాలు కోల్పోయిన పోలీసు అమరవీరుల కుటుంబ సభ్యులను సత్కరించారు. తమ కుటుంబ సభ్యులను కోల్పోయినప్పటికీ సమాజ భద్రత కోసం వారు చేసిన త్యాగం ఎప్పటికీ గౌరవప్రదమైనదని గుర్తుచేశారు. అమరుల కుటుంబాల త్యాగాన్ని సమాజం ఎప్పటికీ మరువకూడదని, వారి సేవలను గౌరవించడం ప్రతి ఒక్కరి బాధ్యత అని పేర్కొన్నారు.పోలీసు అమరవీరుల త్యాగాలు వృథా కాకుండా, వారు చూపిన సేవా స్ఫూర్తి ప్రతి ఒక్కరిలో నిండాలని ఆకాంక్షిస్తూ ఎమ్మెల్యే మేఘారెడ్డి అమర వీరులకు ఘన నివాళులర్పించారు. ఈ కార్యక్రమంలో జిల్లా కలెక్టర్ ఆదర్శ్ సురభి, జిల్లా ఎస్పీ సునీతా రెడ్డి, మున్సిపల్ చైర్‌పర్సన్ మాధవి, ఎస్‌ఎల్‌ఎన్ రమేష్, డీఎస్పీ గిరిబాబు, సీఐలు, ఎస్‌ఐలు, పోలీస్ సిబ్బంది తదితరులు పాల్గొన్నారు.

విజయదశమిని పురస్కరించుకుని నాగవరం లో నాగవరం ప్రీమియర్ లీగ్ సీజన్ 3 వనపర్తి విజయదశమిని పురస్కరించుకుని నాగవరం లో నాగవరం ప్రీమియర్ లీగ్ సీజన్ 3 ఆనందోత్సహాల మధ్య నిర్వహించుకున్నామని ఆర్గనైజర్స్ యాదగిరి, శ్రీకాంత్, రాఘవేందర్, శేఖర్, అభిలాష్, భాస్కర్లు తెలిపారు. SKY 11 టీం ట్రోఫీనికైవసం చేసుకుందని, నగదు బహుమతితో పాటు ట్రోఫీని నీరజ్ ముదిరాజ్ స్పాన్సర్ చేశారని వారు వివరించారు. విజేతలకు ముఖ్య అతిధి సీనియర్ జర్నలి స్ట్ బాలస్వామి మల్యాల బహుమతులను ప్రధానం చేశారు. ముఖ్య అతి థి విజేతలను అభినందించారు. రన్నర్స్ కు బెస్ట్ ఆఫ్ లక్ చెప్పు చెప్పారు. క్రీడాకారులు ఐక్యంగా క్రికెట్ క్రీడలో నైపుణ్యాన్ని ప్రదర్శించేందుకు సాధన చేస్తూ ప్రతిభను కనబరిచే వారిని వెలికి తీసేందుకు ఇలాంటి క్రీడోత్సవాలను భవిష్యత్తులో కూడా ప్రోత్సహిస్తామని ట్రోఫీ ప్రధాత నీరజ్ ముదిరాజ్ ఈ సందర్భంగా చెప్పారు.ఈ బహుమతుల ప్రధానోత్సవ కార్యక్రమంలో నీరజ్ ముదిరాజ్, వెంకటేష్ గౌడ్, గోపాల్ టోర్నమెంట్ ఆర్గనైజర్లు, క్రీడాకారులు, క్రీడాభిమానులు పాల్గొన్నారు.

పోరాటంతోనే సమస్యల పరిష్కారం’పోరాడండి తోడుంటాం : సిపిఐ వనపర్తి ప్రపంచ , దేశ చరిత్రలోపోరాటాలతోనే ప్రజా, ఉద్యోగు సమస్యలు పరిష్కారమయ్యాయి, ఎన్ హెచ్ ఎం లు వెనకడుగు వెయ్యకుండా పోరాడాలని సిపిఐ వనపర్తి నియోజకవర్గ కార్యదర్శి రమేష్ కోరారు. శుక్రవారం వనపర్తి పట్టణం మర్రికుంట ధర్నా చౌక్ లో ఉద్యోగాలను రెగ్యులర్ చేయాలని చేస్తున్న ఎన్హెచ్ఎంలకు సిపిఐ పక్షాన మద్దతు తెలిపి మాట్లాడారు. రాష్ట్రవ్యాప్తంగా వేల సంఖ్యలో, వనపర్తి జిల్లాలో 280 మంది గత 3 రోజులుగా నిలవధిక సమ్మె చేస్తున్న పాలకులు స్పందించకపోవడం దుర్మార్గమన్నారు. రెగ్యులర్ ఉద్యోగుల కంటే ఎన్ హెచ్ ఎం కాంట్రాక్ట్ ఉద్యోగులు అదనంగా పనిచేస్తున్నారని కానీ రెగ్యులర్ ఉద్యోగులకు వచ్చిన జీతం లో సగం జీతం కూడా రావటం లేదన్నారు. సమాన పనికి సమాన వేతనం అమలు ఏమైందని ప్రశ్నించారు. ఎన్ హెచ్ ఎం లో పనిచేస్తున్న డాక్టర్లకు రూ. 40,000 జీతం మించటం లేదని రెగ్యులర్ ఉద్యోగులకు లక్ష జీతం వస్తుందన్నారు, ఎన్హెచ్ఎం లో పనిచేస్తున్న ఏఎన్ఎం-2, ఫార్మసిస్టులు, ల్యాబ్ టెక్నీషియన్లు, డీఈవోలు, ఆపరేటర్లు, ఆయుష్ డాక్టర్లు, డి డిఎంలు టీవీ కోఆర్డినేటర్లు కాంటినెన్సీ వర్కర్లు అందరి ఉద్యోగాల పరిస్థితి రెగ్యులర్ ఉద్యోగులతో పోలిస్తే ఇదే రకంగా ఉందన్నారు. ప్రభుత్వం ఎన్ హెచ్ ఎం ల శ్రమదోపిడి చేస్తోందన్నారు. కరోనా కాలంలో ఎన్ హెచ్ ఎం లు తమ ప్రాణాలను ఫణంగా పెట్టి రోగులను కాపాడాలని వారి త్యాగాలను ప్రభుత్వం గుర్తించాలన్నారు. రోజురోజుకు నిత్యవసర వస్తువులధరలు పెరుగుతున్నాయని, జీతాలు మాత్రం పెంచడం లేదన్నారు. ఎన్నికల్లో ఇచ్చిన హామీని కాంగ్రెస్ ప్రభుత్వం విస్మరించిందన్నారు. ఇతర రాష్ట్రాలలో ఎన్ హెచ్ ఎం లను రెగ్యులర్ చేశారని, తెలంగాణలో సాధ్యం కాదని ఎందుకు చెబుతున్నారని ప్రశ్నించారు.వెంటనే వారిని రెగ్యులరైజ్ చేయాలని డిమాండ్ చేశారు. రెగ్యులర్ చేసేదాకా పోరాటం కొనసాగించాలని సిపిఐ పోరాటం విజయవంతమయ్యే దాకా తోడుంటుందని అధైర్య పడాల్సిన అవసరం లేదన్నారు. జిల్లా ప్రజానాట్యమండలి ప్రధాన కార్యదర్శి వంక గోపాల్ , చందు చందుతదితరులు విప్లవ గీతాలు ఆలపించారు. సిపిఐ నేతలు పృధ్వినాదం, చిన్న కురుమన్న, వంశీ , ఎన్ హెచ్ ఎం జేయసి నాయకులు పరశురాం, ఖాజా హుస్సేన్, డాక్టర్లు శశాంక్, హేమవర్ధన్, మైధిలి, నిహారిక, సెకండ్ ఏఎన్ఎంలు కృష్ణవేణి సుమిత్ర, టీఎన్జీవో నేతలు మహేశ్వర చారి, గంధం రాజు, కొండా శ్రీనివాసులు, స్టాఫ్ నర్స్లు సరిత, డాటా ఎంట్రీ ఆపరేటర్లు రాఘవేందర్, వెంకటేష్, మదన్, భాగ్యలక్ష్మి, ప్రవీణ తదితరులు పాల్గొన్నారు.

పట్టభద్రుల ఎమ్మెల్సీ ఎన్నికల కోఆర్డినేటర్‌గా ఎమ్మెల్యే తూడి మేఘారెడ్డి వనపర్తి నపర్తి అసెంబ్లీ నియోజకవర్గ బాధ్యతలు అప్పగించిన TPCC మహబూబ్‌నగర్–రంగారెడ్డి–హైదరాబాద్ పట్టభద్రుల ఎమ్మెల్సీ ఎన్నికల నేపథ్యంలో తెలంగాణ ప్రదేశ్ కాంగ్రెస్ కమిటీ (TPCC) అసెంబ్లీ నియోజకవర్గాల వారీగా కోఆర్డినేటర్లను నియమించింది. ఇందులో భాగంగా వనపర్తి అసెంబ్లీ నియోజకవర్గ కోఆర్డినేటర్‌గా ఎమ్మెల్యే తూడి మేఘారెడ్డిని నియమించారు. TPCC అధ్యక్షుడు బి. మహేశ్ కుమార్ గౌడ్ గారు ఈ మేరకు అక్టోబర్ 13న ఉత్తర్వులు జారీ చేశారు.పట్టభద్రుల ఓటర్ల నమోదు ప్రక్రియను సమర్థవంతంగా నిర్వహించేందుకు పార్టీ నాయకులు, సంబంధిత వర్గాలతో సమన్వయం చేసుకోవాలని ఆయన ఉత్తర్వుల్లో పేర్కొన్నారు. ఎమ్మెల్యే మేఘారెడ్డి గారు మాట్లాడుతూ తనకు అప్పగించిన బాధ్యతను సమర్థవంతంగా నిర్వహిస్తారని ఎమ్మెల్యే పేర్కొన్నారు