బాలికల విద్యాభివృద్ధికి అందరూ తోడ్పడాలి – జిల్లా కలెక్టర్ ఆదర్శ్ సురభి వనపర్తి బాలికల విద్యను ప్రోత్సహించేందుకు స్వచ్ఛంద సంస్థలు వారికి అండగా నిలబడి ఉన్నత చదువులకు తోడ్పాటు నివ్వడం అభినందనీయమని జిల్లా కలెక్టర్ ఆదర్శ్ సురభి పేర్కొన్నారు.బాలికల విద్యాభివృద్ధి, ఉన్నత విద్యపై వారిలో మరింత ప్రోత్సాహం కల్పించే లక్ష్యంతో విలేజెస్ ఇన్ పార్ట్‌నర్‌షిప్ (VIP) గ్రామీణ భాగస్వామ్య సంస్థ వ్యవస్థాపకులు నాగేంద్ర స్వామి ఆధ్వర్యంలో మంగళవారం వనపర్తిలోని దాచా లక్ష్మయ్య ఫంక్షన్ హాల్లో ప్రతిభా పురస్కారాల కార్యక్రమం నిర్వహించారు. కార్యక్రమానికి జిల్లా కలెక్టర్ ఆదర్శ్ సురభి ముఖ్య అతిథిగా హాజరై విజేతలకు బహుమతులు అందజేశారు. ఈ సందర్భంగా జిల్లా కలెక్టర్ మాట్లాడుతూ, బాలికల విద్యను ప్రోత్సహించేందుకు స్వచ్ఛంద సంస్థలు ఇలాంటి కార్యక్రమాలు నిర్వహించడం ఎంతో అభినందనీయమని అన్నారు. ఈ అవకాశాన్ని ప్రతి విద్యార్థిని సద్వినియోగం చేసుకోవాలని సూచించారు. విద్యార్థినులు కష్టపడి చదివి తమ లక్ష్యాలను సాధించాలని, సమాజానికి ఆదర్శంగా నిలవాలని ఆకాంక్షించారు. ప్రభుత్వం, జిల్లా యంత్రాంగం విద్యార్థుల అభివృద్ధికి ఎల్లప్పుడూ అండగా ఉంటుందని భరోసా ఇచ్చారు. ఉన్నత లక్ష్యాలతో ముందుకు సాగుతూ కవిత వంటి విజేతలను స్ఫూర్తిగా తీసుకుని మరింత ఉన్నత శిఖరాలను అధిరోహించాలని విద్యార్థినులకు సూచించారు. ఈ కార్యక్రమంలో జిల్లా వ్యాప్తంగా ప్రతి మండలం నుంచి పదో తరగతిలో తెలుగు మాధ్యమంలో అత్యధిక మార్కులు సాధించిన 15 మంది విద్యార్థినులను సత్కరించారు. వారికి ప్రశంసాపత్రాలు, నగదు బహుమతులు, మొక్కలు అందజేశారు. అలాగే ప్రతిభ కనబరిచిన విద్యార్థినుల తల్లిదండ్రులు, సంబంధిత పాఠశాల ఉపాధ్యాయులను కూడా ప్రత్యేకంగా సన్మానించారు. ఈ సందర్భంగా వి ఐ పి స్వచ్ఛంద సంస్థ భాగస్వామ్యంతో ఉన్నత చదివులు చదువుకుని తోటి విద్యార్థులకు స్ఫూర్తిగా నిలిచిన కవిత అనే అమ్మాయి ప్రసంగం అందరిని ఆకట్టుకుంది. ఈ కార్యక్రమంలో జిల్లా విద్యాశాఖ అధికారి యాదయ్య, జిల్లా మహిళా మరియు శిశు సంక్షేమ శాఖ అధికారి సుధారాణి, ట్రైనీ డిప్యూటీ కలెక్టర్ రంజిత్ రెడ్డి, విలేజెస్ ఇన్ పార్ట్‌నర్‌షిప్ (VIP) వ్యవస్థాపకులు నాగేంద్ర స్వామి తదితరులు పాల్గొన్నారు.

అక్రమంగా వసూలు చేసిన డబ్బులు రికవరీ చేయాలి వనపర్తి భారత కమ్యూనిస్టు పార్టీ (మార్క్సిస్ట్ )సీపీఎం పెబ్బేరు మండల కమిటీ ఆధ్వర్యంలో మంగళవారం పెబ్బేరు మున్సిపల్ కమిషనర్ కు వినతి పత్రం ఇవ్వడం జరిగింది ఈ సందర్భంగా సిపిఎం పెబ్బేరు మండల కన్వీనర్ మండ్ల రాజు సిపిఎం మాజీ ఎంపీటీసీ జి బాలయ్య గార్లు మాట్లాడుతూ పెబ్బేరు సంత 2025 జనవరి నుండి 2026 నేటి వరకు మున్సిపల్ నుంచి టెండర్ వేయడం లేదు కానీ కొంతమంది సంత కాంట్రాక్టర్లు పురపాలక సంఘం పేరుతో రసీదులు ముద్రించి మున్సిపాలిటీకి సంబంధం లేకుండానే అక్రమంగా రసీదులు ఇచ్చి డబ్బులు వసూలు చేస్తున్నారు ప్రతివారం 12 లక్షల నుంచి 14 లక్షల వరకు ఆదాయం వస్తుందని ఇప్పటికీ సంత అక్రమంగా వసూలు చేసిన డబ్బులు మున్సిపల్ కు రావలసినది ఐదు కోట్ల 50 లక్షల రూపాయలు వసూలు చేసుకుని అటు మున్సిపాలిటీకి ఎటు ప్రభుత్వానికి కట్టకుండా అక్రమంగా వసూలు చేసుకుని కాంట్రాక్టర్లు ఇష్టం వచ్చినట్టుగా వ్యవహరిస్తున్నారు ఇప్పటివరకు వసూలు చేసిన డబ్బులను వారిచే రికవరీ చేయాలని వారిపై చట్టపరమైన చర్యలు తీసుకొని వారిని కఠినంగా శిక్షించాలని సిపిఎం పార్టీ డిమాండ్ చేస్తున్నాం సంతలో అక్రమంగా వసూలు చేస్తున్న కొందరిపై మున్సిపల్ కమిషనర్ గారు ఫిర్యాదు చేయగా వారిపై కేసులు నమోదైనట్టు కమిషనర్ చెప్పారు అయినా వారిలో మార్పు రాకుండా ఇష్టం వచ్చినట్టుగా వ్యవహరిస్తూ అక్రమ వసూళ్లకు పాల్పడుతున్న వారిపై చర్యలు తీసుకోకపోతే సిపిఎం పార్టీ ఆధ్వర్యంలో పెద్ద ఎత్తున ఆందోళన పోరాటాలు ఉధృతం చేస్తామని హెచ్చరించారు

యాత్ర విషాద బాధితులకు ఎమ్మెల్యే మేఘా రెడ్డి అండ వనపర్తి తమిళనాడులో ఆధ్యాత్మిక యాత్రలో సోమవారం రోడ్డు ప్రమాదంలో వనపర్తి పట్టణానికి చెందిన చీర్ల శ్యామ్ సాగర్ (స్వామి) మృతి చెందడం తీవ్ర విషాదాన్ని మిగిల్చిన విషయం తెలిసిందే. ఈ ప్రమాదంలో గాయపడిన వనపర్తికి చెందిన బాధితులను స్వస్థలానికి తీసుకురావడం, మృతదేహాన్ని వనపర్తికి తరలించడం, బాధిత కుటుంబాలపై పడిన ఆర్థిక భారాన్ని తగ్గించేందుకు వనపర్తి ఎమ్మెల్యే తూడి మేఘారెడ్డి వెంటనే స్పందించారు. బాధితుల రవాణా, చికిత్స, మృతదేహం తరలింపు తదితర అత్యవసర ఖర్చుల కోసం మొత్తం రూ.1.15 లక్షల ఆర్థిక సహాయం అందజేశారు. ఈ సందర్భంగా బాధిత కుటుంబ సభ్యులతో మాట్లాడిన ఎమ్మెల్యే, ఇలాంటి క్లిష్ట సమయంలో ధైర్యంగా ఉండాలని, ప్రభుత్వం తరఫున అవసరమైన సహాయ సహకారాల కోసం తన వంతు కృషి చేస్తానని హామీ ఇచ్చారు. బాధిత కుటుంబాలు ధైర్యంగా ఉండాలని, తాను ఎల్లప్పుడూ వారికి అండగా ఉంటానని ఎమ్మెల్యే భరోసా కల్పించారు. ఎమ్మెల్యే మానవతా దృక్పథంతో వెంటనే స్పందించి అందించిన సహాయానికి బాధిత కుటుంబ సభ్యులు కృతజ్ఞతలు తెలిపారు. స్థానిక ప్రజలు కూడా ఎమ్మెల్యే స్పందనను అభినందించారు.

ప్రజాస్వామ్య స్పూర్తిలో ఓటు హక్కు కీలకం వనపర్తి అర్హులైన ఓటర్లు ప్రజాస్వామ్య వ్యవస్థకు స్పూర్తిగా నిలుస్తారు. అర్హులైన ఓటర్ల నమోదు తుది జాబితాలో ఖచ్చితంగా ఉండేవిధంగా కృషి చేయాలని మాజీ మంత్రి సింగిరెడ్డి నిరంజన్ రెడ్డి పిలుపునిచ్చారు. వనపర్తి మండలంలో పలు గ్రామాలలో సర్ ప్రక్రియ జరుగుతున్న విధానాన్ని పరిశీలించి బి.ఎల్.ఓ,బి.ఎల్. ఏలకు పలు సూచనలు చేశారు. మాజీ మంత్రి వెంట కె.మాణిక్యం,రఘువర్ధన్ రెడ్డి,దేవర్ల.నరసింహ,మాధవ్ రెడ్డి,వివిధ గ్రామాల సర్పంచులు,నాయకులు కార్యకర్తలు ఉన్నారు.

ప్రజావాణి ఫిర్యాదుల పరిష్కారంలో జాప్యానికి తావులేకుండా వెంటనే చర్యలు తీసుకోవాలి : జిల్లా ఎస్పీ వనపర్తి ప్రతి సోమవారం జిల్లా పోలీసు కార్యాలయంలో నిర్వహించే ప్రజావాణి కార్యక్రమంలో భాగంగా సోమవారం ఉదయం జిల్లాలోని వివిధ ప్రాంతాల నుంచి వచ్చిన 17 మంది ఫిర్యాదుదారులు తమ సమస్యలను జిల్లా ఎస్పీ సునిత రెడ్డికి నేరుగా వినిపించారు. ప్రతి ఫిర్యాదును జిల్లా ఎస్పీ స్వయంగా శ్రద్ధగా పరిశీలించి, సంబంధిత పోలీస్ స్టేషన్ అధికారులతో వెంటనే ఫోన్‌లో మాట్లాడి, ఫిర్యాదులపై చట్టబద్ధంగా, పారదర్శకంగా , వేగవంతంగా చర్యలు తీసుకోవాలని ఆదేశాలు జారీ చేశారు. ప్రజావాణిలో వచ్చిన ప్రతి ఫిర్యాదును అత్యంత ప్రాధాన్యతతో పరిగణించి, బాధితులకు సత్వర న్యాయం జరిగేలా చూడాలని అధికారులను స్పష్టం చేశారు. ఈ సందర్భంగా జిల్లా ఎస్పీ మాట్లాడుతూ, “ప్రజల సమస్యలను వినడం మాత్రమే కాకుండా, వాటికి త్వరితగతిన పరిష్కారం చూపడమే ప్రజావాణి నిర్వహణ యొక్క అసలు ఉద్దేశ్యం. ప్రతి ఫిర్యాదును సున్నితంగా పరిశీలించి, బాధితులకు న్యాయం జరిగేలా పోలీసులు బాధ్యతాయుతంగా వ్యవహరించాలని సూచించారు. జిల్లా ఎస్పీ తక్షణ స్పందన, సమస్యల పరిష్కారానికి చూపిన చొరవపై ప్రజావాణికి వచ్చిన ఫిర్యాదుదారులు హర్షం వ్యక్తం చేస్తూ, తమకు న్యాయం జరుగుతుందనే పూర్తి విశ్వాసం కలిగిందని జిల్లా ఎస్పీ తెలిపారు.

ఎల్‌నినో కమిటీ చైర్మన్‌గా డా. జి. చిన్నారెడ్డి నియామకం హర్షణీయం వనపర్తి తెలంగాణ రాష్ట్ర ప్రభుత్వం ఎల్‌నినో ప్రభావాన్ని సమర్థవంతంగా ఎదుర్కొనేందుకు ఏర్పాటు చేసిన ఉన్నత స్థాయి కమిటీకి చైర్మన్‌గా తెలంగాణ రాష్ట్ర ప్రణాళికా సంఘం ఉపాధ్యక్షులు డా. జి. చిన్నారెడ్డి ని నియమించడం హర్షించదగిన విషయమని వనపర్తి శాసనసభ్యులు తూడి మేఘారెడ్డి పేర్కొన్నారు. ఎల్‌నినో ప్రభావంతో ఏర్పడే వర్షాభావ పరిస్థితులు, తాగునీరు, సాగునీరు, వ్యవసాయం, విద్యుత్ వంటి కీలక అంశాలపై ప్రభుత్వం ముందస్తు చర్యలు చేపట్టేందుకు ఈ కమిటీ కీలక పాత్ర పోషిస్తుందన్నారు. రైతులకు ప్రత్యామ్నాయ పంటలపై అవగాహన కల్పించడం, తక్కువ వర్షపాతం నమోదయ్యే జిల్లాలపై ప్రత్యేక దృష్టి సారించడం, జిల్లాల వారీగా సమీక్షలు నిర్వహించడం ద్వారా ప్రజలకు, రైతులకు ఇబ్బందులు తలెత్తకుండా సమర్థవంతమైన కార్యాచరణ అమలు అవుతుందనే విశ్వాసాన్ని వ్యక్తం చేశారు. డా. జి. చిన్నారెడ్డి గారి అనుభవం, పరిపాలనా దక్షత రాష్ట్రానికి ఎంతో ఉపయోగపడుతాయని పేర్కొన్నారు. ఆయన నాయకత్వంలో కమిటీ సమర్థవంతంగా పనిచేసి రైతాంగానికి, ప్రజలకు అండగా నిలుస్తుందని ఆకాంక్షిస్తూ హృదయపూర్వక శుభాకాంక్షలు తెలియజేశారు

AICC SC డిపార్ట్‌మెంట్ రాష్ట్ర కార్యవర్గంలో కొంకి వెంకటేష్ కి చోటు వనపర్తి వనపర్తి నియోజకవర్గం గోపాల్‌పేట మండలానికి చెందిన కాంగ్రెస్ పార్టీ సీనియర్ నాయకులు కొంకి వెంకటేష్ గారు అఖిల భారత కాంగ్రెస్ కమిటీ (AICC) ఎస్సీ డిపార్ట్‌మెంట్ తెలంగాణ రాష్ట్ర కార్యవర్గంలో జనరల్ సెక్రటరీగా నియమితులైన సందర్భంగా వనపర్తి శాసనసభ్యులు తూడి మేఘారెడ్డి హర్షం వ్యక్తం చేస్తూ శుభాకాంక్షలు తెలిపారు. పార్టీ పట్ల నిబద్ధతతో, ప్రజా సేవా దృక్పథంతో ఎంతోకాలంగా పనిచేస్తున్న కొంకి వెంకటేష్ గారికి ఈ పదవి రావడం ఆనందదాయకమని ఎమ్మెల్యే పేర్కొన్నారు. ఈ బాధ్యతను సమర్థవంతంగా నిర్వహిస్తూ కాంగ్రెస్ పార్టీ బలోపేతానికి, ఎస్సీ విభాగం అభివృద్ధికి మరింత కృషి కృషి చేయాలని ఆకాంక్షించారు కొంకి వెంకటేష్ గారికి లభించిన ఈ గౌరవం వనపర్తి నియోజకవర్గానికి, ముఖ్యంగా గోపాల్పేట మండల కాంగ్రెస్ శ్రేణులకు గర్వకారణమని ఎమ్మెల్యే తూడి మేఘారెడ్డి అన్నారు.భవిష్యత్తులో మరిన్ని ఉన్నత పదవులు అధిరోహించాలని ఆకాంక్షించారు.

స్కావెంజర్ పనులు చేయాలని వేధిస్తే ఊరుకోం : మోష వనపర్తి ప్రభుత్వ పాఠశాలలో పనిచేస్తున్న పార్ట్ టైం స్లీపర్లను కొందరు హెడ్మాస్టర్లు టీచర్లు స్కావెంజర్లు పనులు కూడా చేయాలని వేధిస్తున్నారని ఇలా చేస్తే ఊరుకునేది లేదని తెలంగాణ ప్రభుత్వ పాఠశాలల స్లీపర్ల యూనియన్ (ఏఐటీయూసీ అనుబంధం) రాష్ట్ర అధ్యక్షుడు మోష హెచ్చరించారు. ఆదివారం వనపర్తి ఆఫీస్ లో అభిమన్యు అధ్యక్షతన నిర్వహించిన వనపర్తి జిల్లా స్వీపర్ల సమావేశంలో మాట్లాడారు. ప్రభుత్వం ప్రభుత్వ బడులలో పార్ట్ టైం స్వీపర్లుగా వారిని మొదట రూ. 75 వేతనంపై నియమించిందని తర్వాత పలు పోరాటాల ఫలితంగా రూ.1643, ఇప్పుడు రూ. 5200 కు పెంచిందన్నారు. వారికి రోజుకు రూ. 170 మాత్రమే పడుతుందన్నారు. ఉపాధి హామీ కూలికి కూడా రోజు రూ.307 ఇస్తున్నారని ఇది అంతకంటే చాలా తక్కువ అన్నారు.ఉదయమే పాఠశాలలు ఊడ్చి శుభ్రం చేయడం, తాగునీళ్లు పెట్టటం మాత్రమే వారి పనులు అన్నారు. తర్వాత ప్రభుత్వం పాఠశాలల మరుగుదొడ్లు శుభ్రం చేయటం మొక్కలకు నీళ్లు పెట్టటానికి అదనంగా స్కావెంజర్లను నియమించింది అన్నారు. ఏవో కారణాలవల్ల స్కావెంజర్లను ప్రభుత్వం తొలగించిందని,ఈ కారణంగా పాఠశాలల్లో ఉండే హెచ్ఎంలు స్వీపర్ పనితో పాటు స్కావెంజర్ పనులు కూడా చేయాలని, రోజంతా పాఠశాలలోనే తమతో పాటు పని చేయాలని వేధిస్తున్నారన్నారు. పార్ట్ టైం స్వీపర్లు రూ. 170 వేతనానికి రోజంతా ఎలా పని చేస్తారని ప్రశ్నించారు. తమను వేధిస్తున్నట్లు పలు పాఠశాలల స్వీపర్లు ఫిర్యాదులు చేస్తున్నారని, కొత్తకోట మండలంలో వేధింపులు మరి ఎక్కువగా ఉన్నాయన్నారు. పార్ట్ టైం స్వీపర్లు ఫుల్ టైం ఎలా పనిచేస్తారని, హెచ్ఎంలు ఉపాధ్యాయులు ఆలోచించాలన్నారు. స్కావెంజర్ల పనులు స్వీపర్లను చేయమని వేధించటం ఆపాలన్నారు. వారికి చేతనైతే ప్రభుత్వం నుంచి ఫుల్ టైం ఉద్యోగులుగా ఆర్డర్ ఇప్పించి అప్పుడు అడగాలన్నారు. స్వీపర్లను రెగ్యులర్ చేయాలని కనీస వేతనం రూ. 26,000 ఇవ్వాలని డిమాండ్ చేశారు. ఇందుకోసం రాష్ట్రవ్యాప్తంగా దశల వారి పోరాటం చేస్తామన్నారు. ఈనెల 30వ తేదీన పెబ్బేర్ లో ఏఐటియుసి జిల్లా మహాసభలు జరుగుతాయని జిల్లాలోని స్వీపర్లు సభలకు తరలివచ్చి విజయవంతం చేయాలన్నారు. ఏఐటీయూసీ జిల్లా అధ్యక్షుడు శ్రీహరి, స్వీపర్ల నేతలు గోపాల్ గౌడ్ మాలిక్ శోభారాణి చంద్రమ్మ వెంకటయ్య తదితరులు పాల్గొన్నారు.

కిష్టగిరి గ్రామంలో భూముల సమగ్ర రీ-సర్వే అవగాహన సదస్సు (గ్రామసభ) పాల్గొన్న అడిషనల్ కలెక్టర్ (రెవెన్యూ) వినోద్ కుమార్ వనపర్తి తెలంగాణ ప్రభుత్వం ప్రతిష్టాత్మకంగా చేపట్టిన “భూ భారతి” భూముల సమగ్ర రీ-సర్వే కార్యక్రమం పై రైతులకు, ప్రజలకు అవగాహన కల్పించేందుకు వనపర్తి మండలం కిష్టగిరి గ్రామంలో శనివారం ఒక ప్రత్యేక గ్రామసభ (అవగాహన సదస్సు) నిర్వహించారు. ఈ కార్యక్రమానికి వనపర్తి జిల్లా అడిషనల్ కలెక్టర్ (రెవెన్యూ) ముఖ్య అతిథిగా హాజరయ్యారు. ఈ సందర్భంగా అడిషనల్ కలెక్టర్ మాట్లాడుతూ.. దశాబ్దాలుగా నలుగుతున్న భూ సమస్యలకు, హద్దుల వివాదాలకు శాశ్వత పరిష్కారం చూపేందుకే ప్రభుత్వం అత్యాధునిక సాంకేతిక పరిజ్ఞానంతో (రోవర్స్, డీజీపీఎస్ విధానం ద్వారా) ఈ రీ-సర్వేను ప్రతిష్టాత్మకంగా చేపట్టిందని వివరించారు. ప్రతి అంగుళం భూమికి కచ్చితమైన హద్దులు నిర్ణయించి, వివాదరహిత భూ రికార్డులను రూపొందించడమే దీని ముఖ్య ఉద్దేశమని ఆయన తెలిపారు. రైతులందరూ క్షేత్రస్థాయికి వచ్చే సర్వే బృందాలకు సహకరించి, తమ భూములకు సంబంధించిన సరైన వివరాలను అందించి ఈ కార్యక్రమాన్ని విజయవంతం చేయాలని కోరారు. సదస్సులో పాల్గొన్న ఉన్నతాధికారులు రీ-సర్వే ప్రక్రియ, రికార్డుల నమోదు, తదుపరి కేటాయించే ‘భూధార్’ ఐడీ కార్డుల ప్రాధాన్యత గురించి గ్రామ ప్రజలకు క్షుణ్ణంగా వివరించారు. గ్రామంలోని రైతులు అడిగిన పలు అనుమానాలకు అధికారులు వేదికపైనే నివృత్తి చేశారు. ఈ అవగాహన సదస్సులో సహాయ సంచాలకులు (AD SLR) శ్రీనివాసులు, వనపర్తి ఆర్డీఓ (RDO) సుబ్రహ్మణ్యం, వనపర్తి తహసీల్దార్ రమేష్ రెడ్డి, వనపర్తి ఎంపీడీఓ (MPDO), మండల పరిషత్ అధికారి (MPO), కిష్టగిరి గ్రామ సర్పంచ్, గ్రామ రెవెన్యూ అధికారులు, పంచాయతీ కార్యదర్శులు (గ్రామ స్థాయి అధికారులు) మరియు పెద్ద సంఖ్యలో స్థానిక రైతులు, గ్రామ ప్రజలు పాల్గొన్నారు.

సర్”ప్రక్రియలో పాల్గొంటూనే ప్రజా సమస్యలు గుర్తించండి వనపర్తి మాజీ మంత్రి సింగిరెడ్డి నిరంజన్ రెడ్డి నియోజకవర్గ వ్యాప్తంగా “సర్”జరుగుతున్న విధానాన్ని పరిశీలిస్తూ ఈరోజు బి.ఆర్.ఎస్ శ్రేణులతో కలసి పెద్దమందడి మండలంలో విస్తృతంగా పర్యటించారు. చిలుకటోనీపల్లి, బలీదుపల్లి, వెల్ టూరు,మదిగట్ల, మోజర్ల,చిన్న మందడి,పెద్ద మందడి, జగత్పల్లి గ్రామాలలో ఓటర్ జాబితా సవరణ జరుగుతున్న విధానాన్ని పరిశీలించి బి.ఆర్.ఎస్ శ్రేణులు,బి.ఎల్. ఓలు అర్హులైన ఓటర్స్ తుది జాబితాలో ఉండేవిధంగా కృషి చేయాలని పిలుపునిచ్చారు. నాయకులు కార్యకర్తలు ప్రతిరోజూ సర్ ప్రక్రియలో పాల్గొంటూనే ప్రజా క్షేత్రంలో సమస్యలు గుర్తించి తన దృష్టికి తీసుకురావాలని నిత్యం ప్రజలకు అందుబాటులో ఉండాలని ఆదేశించారు. మాజీ మంత్రి సింగిరెడ్డి నిరంజన్ రెడ్డివెంట వాకిటి శ్రీధర్ ,జగదీశ్వర్ రెడ్డి, రఘుపతి రెడ్డి,వేణు యాదవ్,కుమార్ యాదవ్,అశోక్,సేనాపతి,పురుషోత్తంరెడ్డి,కురుమూర్తి,శ్రీనివాసులు,మొగిలయ్య,వెంకటన్న,ఆంజనేయులు,నరసింహ, హనుమంత్, బాల్ రెడ్డి తదితరులు ఉన్నారు.