శాంతియుత వనపర్తి నిర్మాణానికి పోలీసు శాఖతో ప్రతి పౌరుడు భాగస్వామి కావాలి జిల్లా ఎస్పీ డి. సునీత రెడ్డి వనపర్తి జిల్లాలో శాంతిభద్రతలను మరింత పటిష్టంగా కొనసాగించడం, ప్రజల సాధారణ జీవనానికి ఎలాంటి అంతరాయం కలగకుండా చూడడం, అవాంఛనీయ సంఘటనలను ముందస్తుగా నివారించడం లక్ష్యంగా జులై 1 నుంచి జులై 31 వరకు “30 పోలీస్ యాక్ట్-1861” అమల్లో ఉంటుందని జిల్లా ఎస్పీ జిల్లా ఎస్పీ డి. సునీత రెడ్డి ఒక ప్రకటనలో తెలిపారు. ఈ సందర్భంగా ఎస్పీ గారు మాట్లాడుతూ… జిల్లా పరిధిలో ప్రజల శాంతిభద్రతలకు భంగం కలిగించే అవకాశమున్న ఎలాంటి కార్యక్రమమైనా సంబంధిత పోలీసు ఉన్నతాధికారుల ముందస్తు అనుమతి లేకుండా నిర్వహించరాదని స్పష్టం చేశారు. ముఖ్యంగా ధర్నాలు, ర్యాలీలు, బహిరంగ సభలు, నిరసన కార్యక్రమాలు, భారీ స్థాయి సమావేశాలు, ఊరేగింపులు నిర్వహించడం పూర్తిగా నిషేధమని తెలిపారు. శాంతిభద్రతలకు విఘాతం కలిగించే చర్యలను పోలీసులు ఏమాత్రం ఉపేక్షించబోరని, “30 పోలీస్ యాక్ట్” నిబంధనలు ఉల్లంఘించిన వారిపై చట్టపరంగా కఠిన చర్యలు తీసుకోవడం జరుగుతుందని హెచ్చరించారు. ప్రజల భద్రత, ప్రశాంతత మరియు సామాజిక శాంతిని పరిరక్షించడమే ఈ నిబంధనల ప్రధాన ఉద్దేశమని పేర్కొన్నారు. ఏ సంస్థ, సంఘం లేదా వ్యక్తి బహిరంగ కార్యక్రమాలు నిర్వహించదలచినట్లయితే సంబంధిత పోలీసు అధికారులను ముందుగానే సంప్రదించి అనుమతి పొందాలని సూచించారు. చట్టాలను గౌరవించడం ప్రతి పౌరుని బాధ్యత అని, ప్రజల సహకారంతోనే జిల్లాలో ప్రశాంత వాతావరణాన్ని మరింత బలోపేతం చేయగలమని ఎస్పీ తెలిపారు. ప్రజలందరూ పోలీసు శాఖకు సహకరించి శాంతిభద్రతల పరిరక్షణలో భాగస్వాములు కావాలని ఎస్పీ విజ్ఞప్తి చేశారు.

శాంతియుత వనపర్తి నిర్మాణానికి పోలీసు శాఖతో ప్రతి పౌరుడు భాగస్వామి కావాలి జిల్లా ఎస్పీ డి. సునీత రెడ్డి వనపర్తి జిల్లాలో శాంతిభద్రతలను మరింత పటిష్టంగా కొనసాగించడం, ప్రజల సాధారణ జీవనానికి ఎలాంటి అంతరాయం కలగకుండా చూడడం, అవాంఛనీయ సంఘటనలను ముందస్తుగా నివారించడం లక్ష్యంగా జులై 1 నుంచి జులై 31 వరకు “30 పోలీస్ యాక్ట్-1861” అమల్లో ఉంటుందని జిల్లా ఎస్పీ జిల్లా ఎస్పీ డి. సునీత రెడ్డి ఒక ప్రకటనలో తెలిపారు. ఈ సందర్భంగా ఎస్పీ గారు మాట్లాడుతూ… జిల్లా పరిధిలో ప్రజల శాంతిభద్రతలకు భంగం కలిగించే అవకాశమున్న ఎలాంటి కార్యక్రమమైనా సంబంధిత పోలీసు ఉన్నతాధికారుల ముందస్తు అనుమతి లేకుండా నిర్వహించరాదని స్పష్టం చేశారు. ముఖ్యంగా ధర్నాలు, ర్యాలీలు, బహిరంగ సభలు, నిరసన కార్యక్రమాలు, భారీ స్థాయి సమావేశాలు, ఊరేగింపులు నిర్వహించడం పూర్తిగా నిషేధమని తెలిపారు. శాంతిభద్రతలకు విఘాతం కలిగించే చర్యలను పోలీసులు ఏమాత్రం ఉపేక్షించబోరని, “30 పోలీస్ యాక్ట్” నిబంధనలు ఉల్లంఘించిన వారిపై చట్టపరంగా కఠిన చర్యలు తీసుకోవడం జరుగుతుందని హెచ్చరించారు. ప్రజల భద్రత, ప్రశాంతత మరియు సామాజిక శాంతిని పరిరక్షించడమే ఈ నిబంధనల ప్రధాన ఉద్దేశమని పేర్కొన్నారు. ఏ సంస్థ, సంఘం లేదా వ్యక్తి బహిరంగ కార్యక్రమాలు నిర్వహించదలచినట్లయితే సంబంధిత పోలీసు అధికారులను ముందుగానే సంప్రదించి అనుమతి పొందాలని సూచించారు. చట్టాలను గౌరవించడం ప్రతి పౌరుని బాధ్యత అని, ప్రజల సహకారంతోనే జిల్లాలో ప్రశాంత వాతావరణాన్ని మరింత బలోపేతం చేయగలమని ఎస్పీ తెలిపారు. ప్రజలందరూ పోలీసు శాఖకు సహకరించి శాంతిభద్రతల పరిరక్షణలో భాగస్వాములు కావాలని ఎస్పీ విజ్ఞప్తి చేశారు.

మార్కెట్ జర్నల్ బాడీ సమావేశానికి హాజరైన ఎమ్మెల్యే వనపర్తి వనపర్తి మార్కెట్ యార్డులో బుధవారం నిర్వహించిన సర్వసభ్య సమావేశానికి శాసనసభ్యులు తూడి మేఘారెడ్డి హాజరయ్యారు. ఈ సందర్భంగా మార్కెట్ యార్డు అభివృద్ధి, రైతులకు అందిస్తున్న సేవలు, మార్కెట్‌లో జరుగుతున్న ఆర్థిక లావాదేవీల నిర్వహణ తదితర అంశాలపై చర్చించారు. మార్కెట్ వ్యవస్థ పారదర్శకంగా కొనసాగేందుకు అవసరమైన చర్యలు తీసుకోవాలని అధికారులకు ఎమ్మెల్యే సూచించారు. మార్కెట్‌కు వచ్చే రైతులకు ఎలాంటి ఇబ్బందులు కలగకుండా సౌకర్యాలు కల్పించాలని అధికారులను ఆదేశించారు.. మార్కెట్ ఆదాయం, వ్యయాల వివరాలు, భవిష్యత్ అభివృద్ధి కార్యక్రమాలపై సభ్యులతో కలిసి ఎమ్మెల్యే సమీక్ష నిర్వహించారు. రైతు సంక్షేమమే ప్రభుత్వ ప్రధాన లక్ష్యమని, రైతులకు ఉపయోగపడే విధంగా మార్కెట్ యార్డులను మరింత బలోపేతం చేయడానికి ప్రభుత్వం కట్టుబడి ఉందని పేర్కొన్నారు.. ఈ సందర్భంగా మార్కెట్ యార్డ్ అధ్యక్షులుగా డైరెక్టర్లుగా తమ పదవి కాలం వారికి ఎమ్మెల్యే గారు శాలువాలతో సన్మానించ అభినందించారూ ఈ సమావేశంలో మార్కెట్ యార్డ్ అధ్యక్షుడు శ్రీనివాస్ గౌడ్, ఉపాధ్యక్షులు రామకృష్ణారెడ్డి, డైరెక్టర్లు కృష్ణయ్య, గోపాల్ నాయక్, సురేష్, ఓమేష్, లతీఫ్, శారద కాంగ్రెస్ పార్టీ నాయకులు కార్యకర్తలు అధికారులు తదితరులు పాల్గొన్నారు

ప్రభుత్వ పాఠశాలల విజయానికి తల్లిదండ్రులు ఉపాధ్యాయులు ప్రభుత్వం కలిసి సమన్వయంతో ముందుకు నడవాలి వనపర్తి వనపర్తి బాలుర ఉన్నత పాఠశాల యందు “ప్రభుత్వ పాఠశాలల్లో విద్యార్థుల నమోదు.. సవాళ్లు.. పరిష్కారాలు” అనే అంశంపై “వనపురి ఎడ్యుకేషనల్ ఫౌండేషన్” ఆధ్వర్యంలో జిల్లాలోని ఉపాధ్యాయ సంఘాల నాయకులతో రౌండ్ టేబుల్ సమావేశం చర్చాగోష్టి నిర్వహించడం జరిగింది. ప్రభుత్వ పాఠశాలల్లో విద్యార్థుల నమోదుపై జిల్లా ఉపాధ్యాయ సంఘాల నాయకత్వంతో ఒక చర్చ గోష్టి నిర్వహించడం బహుశా రాష్ట్రంలోనే ఇది ప్రధమం ఫౌండేషన్ చైర్మన్ శ్రీ బత్తుల శ్రీనివాసులు చర్చ గోష్టికి అధ్యక్షత వహించగా చర్చాగోష్టిలో ఎస్ చంద్రశేఖర్, ఎంఈఓ గోపాల్పేట్ మరియు గజిటెడ్ హెడ్మాస్టర్ల సంఘం వనపర్తి జిల్లా నాయకులు మాట్లాడుతూ 26వేల ప్రభుత్వ పాఠశాలల్లో 23 లక్షల విద్యార్థులు చదువుతూ ఉండగా, 12,000 ప్రైవేట్ పాఠశాలల్లో 37 లక్షల మంది విద్యార్థులు చదువుతున్నారని, ప్రధానంగా సోషియో ఎకనామిక్ ఇష్యూస్ కారణంగా తల్లిదండ్రులు ప్రైవేట్ పాఠశాలల్ని ఆశ్రయిస్తున్నారని, పరిస్థితిని మార్చాలని అన్నారు. ఎస్ వరప్రసాదరావు తెలంగాణ గెజిటెడ్ ఆఫీసర్స్ వనపర్తి జిల్లా అధ్యక్షులు మాట్లాడుతూ ప్రభుత్వ పాఠశాలల్లో విద్య నాణ్యతను అర్థం చేసుకోవడంలో తల్లిదండ్రుల వైఖరి మారాలని అన్నారు. అలాగే జెండర్ డిఫరెన్స్ కూడా ప్రభుత్వ పాఠశాలలో స్పష్టంగా ఆవుపడుతుంది అని తెలియజేశారు. బౌద్ధారెడ్డి పిఆర్టియు జిల్లా అధ్యక్షులు మాట్లాడుతూ భద్రత కారణాల రీత్యా అమ్మాయిల విషయంలో కస్తూరిబాలను గురుకుల స్కూళ్లను తల్లిదండ్రులు ఆశ్రయిస్తున్నారని, ప్రభుత్వ పాఠశాలల నమోదు విషయంలో సర్పంచులు చొరవ తీసుకునేలా మనం ప్రయత్నించాలని అన్నారు. సూర చంద్రశేఖర్ పి ఆర్ టి యు జిల్లా ప్రధాన కార్యదర్శి మాట్లాడుతూ బోధ నేతర కార్యక్రమాల కారణంగా ఉపాధ్యాయులు బాగా డిస్టర్బ్ అవుతున్నారని. దీన్ని అరికట్టాలని కోరారు.ఎస్ రవీందర్ గౌడ్ పి ఆర్ టి యు జిల్లా గౌరవ అధ్యక్షులు మాట్లాడుతూ ప్రభుత్వ పాఠశాలల విజయానికి తల్లిదండ్రులు ఉపాధ్యాయులు ప్రభుత్వం కలిసి సమన్వయంతో ముందుకు నడవాలని అన్నారు. డి కృష్ణయ్య యుటిఎఫ్ జిల్లా ప్రధాన కార్యదర్శి మాట్లాడుతూ ప్రభుత్వ పాఠశాలల ఉనికి ఉపాధ్యాయుల ఉనికితో ముడిపడి ఉందని, అందుకు అందరూ ప్రయత్నించి పాఠశాలల్ని కాపాడుకోవాలని, అలాగే ప్రభుత్వం కూడా తరగతికి ఒక ఉపాధ్యాయుడు ఉండేవిధంగా నియామకాలు జరపాలని అభిప్రాయపడ్డారు. టి మహిపాల్ రెడ్డి పి ఆర్ టి యు తెలంగాణ జిల్లా అధ్యక్షులు మాట్లాడుతూ ఎక్కడైతే ఉపాధ్యాయులు అంకితభావంతో సృజనాత్మకంగా పనిచేస్తున్నారో అక్కడ విద్యార్థుల నమోదు మెరుగ్గా ఉందని, అందుకు భిన్నంగా ఉన్నచోట పరిస్థితి బాగాలేదని, అందుకే ఉపాధ్యాయులు సమాజ భాగస్వామ్యం తో కలిసి నడవాలని, జవాబుదారుతనాన్ని కలిగి ఉండాలని, అప్పుడే నమోదు పెంచుకోగలమని అన్నారు. బి సుధాకర్ చారి, రూప్ వనపర్తి జిల్లా అధ్యక్షులు మాట్లాడుతూ భాషలకు సంబంధించి విద్యార్థులు చదవడం రాయడం సరిగ్గా వచ్చి ఉండాలి, గణితంలో చతుర్విధ ప్రక్రియలు సాధించాలని, అలాగే పాఠశాలల ను అందంగా తీర్చిదిద్దాలని, అప్పుడే తల్లిదండ్రుల నమ్మకాన్ని చురగొనగలమని అన్నారు. అవసరమైతే జిల్లా అన్ని సంఘాల బాధ్యులతో టీం గా ఏర్పడి ప్రయత్నిద్దామని, అందుకు మేము సిద్ధమేనని అన్నారు. ఎస్ శ్రీనివాసరావు ఎస్ టి యు జిల్లా సీనియర్ నాయకులు మాట్లాడుతూ మంచి అంశాన్ని ఎజెండగా తీసుకున్నారని అభినందిస్తూ, ఎక్కడైతే గ్రామ సమాజ భాగస్వామ్యం సరిగ్గా ఉంటుందో అక్కడ మంచి ఫలితాలు వస్తాయని, యాంత్రికంగా పనిచేస్తే ఫలితాలు రావని, అందుకే ఉపాధ్యాయులు తదనుగుణంగా వ్యవహరించాలని అన్నారు. ఆర్ శ్రీనివాసులు టిపిఆర్టియు జిల్లా నాయకులు మాట్లాడుతూ తాను గతంలో పనిచేసిన పాఠశాలలో 7 మంది విద్యార్థుల సంఖ్య 65కు పెరిగిందని, మన పని విధానమే తల్లిదండ్రుల విశ్వాసాన్ని చూడగొంటుందని అన్నారు. హరిప్రసాద్ ఎస్టియు జిల్లా సెక్రెటరీ మాట్లాడుతూ ఉపాధ్యాయుల కొరత పాఠశాలల్ని వేధిస్తుందని, ప్రతి తరగతికి ఒక ఉపాధ్యాయుడు ఉంటే ఫలితం ఉంటుందని అన్నారు. ఆర్ నరసింహారావు ఎస్ జి టి ఉపాధ్యాయ సంఘం నాయకులు మాట్లాడుతూ పాఠశాల ఉపాధ్యాయ బృందం ఒక జట్టుగా పని చేయాలని, తమ కృషిని గ్రామస్తులకు కూడా అర్థం చేయించాలని, గ్రామ భాగస్వామ్యాన్ని పెంపొందించుకోవాలని అన్నారు అలాగే ఆర్టిఫిషియల్ ఇంటలిజెన్సీ లాంటి కొత్త నైపుణ్యాలను పాఠశాల అడాప్ట్ చేసుకోవాలని అన్నారు. ప్రభుత్వ పాఠశాలల్లో విద్యార్థుల నమోదు క్రమక్రమంగా తగ్గిపోతున్న నేపథ్యంలో, విద్యార్థుల నమోదును పెంపొందించుకునేటందుకు జిల్లాలోని అన్ని ఉపాధ్యాయ సంఘాల నాయకత్వం పాల్గొని, నిర్మాణాత్మకంగా పలు సూచనలు చేయడం జరిగింది. అవసరమైతే ఉపాధ్యాయ సంఘాల బాధ్యులు జట్టుగా ఏర్పడి కృషి చేద్దామని కూడా ముందుకు రావడం జరిగింది. బహుశా రాష్ట్రంలోని ఎక్కడా లేని విధంగా కేవలం విద్యార్థుల నమోదుపై ఒక జిల్లాలోని ఉపాధ్యాయ సంఘాల అగ్రనాయకత్వం ఒక చర్చ గోష్టి నిర్వహించడం, చాలా సానుకూలంగా స్పందించడం శుభ పరిణామం. ఈ కృషి.. ఈ సమన్వయం ఇలాగే కొనసాగితే మంచి ఫలితాలు రాబట్టేందుకు విద్యార్థులు నమోదు పెంచేందుకు భవిష్యత్తులో దోహద పడుతుందని అన్నారు.

ప్రభుత్వ ఉద్యోగులు నిజాయితీ, నిబద్ధతతో విధులు నిర్వహించాలి వనపర్తి ప్రభుత్వ ఉద్యోగులు నిజాయితీ, నిబద్ధతతో విధులు నిర్వహించి ప్రజలకు సేవలు అందించి ప్రభుత్వ ఉద్యోగానికి సార్థకత ఉంటుందని జిల్లా కలెక్టర్ ఆదర్శ్ సురభి అన్నారు. మంగళవారం డి.ఆర్.ఒ. యం. సూర్యప్రకాష్, డి. సెక్షన్ సూపరింటెండెంట్ డి. మదన్ మోహన్ ఉద్యోగ విరమణ సన్మాన కార్యక్రమానికి జిల్లా కలెక్టర్ ముఖ్య అతిథిగా హాజరై ప్రసంగించారు. ఈ సందర్భంగా కలెక్టర్ మాట్లాడుతూ పదవి విరమణ చేస్తున్న డి.ఆర్. ఒ సూర్య ప్రకాష్, డి. సెక్షన్ సూపరింటెండెంట్ మదన్ మోహన్ వనపర్తి జిల్లాకు మంచి సేవలు అందించారని కొనియాడారు. మదన్ మోహన్ ఉమ్మడి మహబూబ్ నగర్ జిల్లాలో సుదీర్ఘంగా సేవలు అందించారని చెప్పారు. నిస్వార్థంగా నిబద్ధతతో ప్రజలకు సేవలు అందించడం ప్రతి ప్రభుత్వ ఉద్యోగి లక్ష్యంగా పెట్టుకోవాలని సూచించారు. నిబద్ధతతో ప్రజలకు సేవలు అందిస్తే భగవంతుడు ఉద్యోగికి వారి కుటుంబ సభ్యులకు మంచిని చేకూరుస్తారని అన్నారు. జిల్లాలో యువ ఉద్యోగులు చాలా మంది ఎంపిక అయ్యారని అందరూ నిస్వార్థంగా ప్రజలకు సేవలు అందించాలని సూచించారు. పదవి విరమణ పొందుచున్న డి.ఆర్.ఒ సూర్యప్రకాష్, మదన్ మోహన్ వారి అనుభవాలను పంచుకున్నారు. అనంతరం జిల్లా కలెక్టర్ పదవి విరమణ పొందిన సూర్య ప్రకాష్, మదన్ మోహన్ లను ఘనంగా సత్కరించారు. అదనపు కలెక్టర్ లోకల్ బాడీస్ ఎన్ ఖీమ్య నాయక్, ఆర్డీఓ సుబ్రమణ్యం, జిల్లా అధికారులు, తహసీల్దార్లు, కలెక్టరేట్ సిబ్బంది తదితరులు సన్మాన కార్యక్రమంలో పాల్గొన్నారు.

బుద్దారాం రిజర్వాయర్ ముంపు బాధితుల రాస్తారోకో వనపర్తి గోపాల్ పేట మండలం బుద్దారం పెద్ద చెరువు రిజర్వాయర్ నీటి ముంపు రైతులు భూములు కోల్పోతున్న మాకు నష్టపరిహారం పెంచాలని దాదాపు 2గంటలపాటు వాహనాలు నిలిపివేసి రాస్తారోకో నిర్వహించారు. ఈ సందర్భంగా గ్రామ సర్పంచ్ శేఖర్ గౌడ్ మాట్లాడుతూ రిజర్వాయర్ లో మునిగిపోయిన శిఖం భూములకు మొదటి విడతగా రైతులకుగతములో 12లక్షల 40వేల రూపాయలు ఎకరాకు చెల్లించారని ఇట్టి భూములు ఎప్పుడూ నీటి మునకలో ఉంటాయని అన్నారు. రెండవ విడతలో దాదాపు 110ఎకరాల సారవంతమైన భూమి మునకకు గుర్రవుతున్నది అని ఈ భూములు రెండు పంటలు పండేవిగా అందులో వ్యవసాయ బావులు,బోర్లు వ్యవసాయయోగ్యంగా ఉన్నాయని ఇట్టి భూములకు కూడా ఎకరాకు 12లక్షల 40వేలు చెల్లిస్తామని ప్రభుత్వం చెబుతుందని దీన్ని రైతులంతా మూకుమ్మడిగా వ్యతిరేకిస్తున్నారని అన్నారు. ఈ రాస్తారోకో లో సర్పంచ్.శేఖర్ గౌడ్,ఉప సర్పంచ్ శివాజీ,కావలి.కృష్ణయ్య,శేఖర్,నాగేంద్రం,లక్ష్మయ్య,పెద్ద వెంకటేష్ మాజీ ప్రజాప్రతినిధులు,రైతులు పాల్గొన్నారు.

భూ తగాదాలను కోర్టుల ద్వారానే పరిష్కరించుకోవాలి : జిల్లా ఎస్పీ సునిత రెడ్డి వనపర్తి భూ వివాదాలకు సంబంధించిన సమస్యలు న్యాయస్థానాల ద్వారానే పరిష్కరించుకోవాలని శాంతిభద్రతలకు విఘాతం కలిగించే పరిస్థితులు తలెత్తితే వెంటనే పోలీసులను ఆశ్రయించాలి. ప్రజలకు న్యాయం, భద్రత, విశ్వాసం కల్పించడమే జిల్లా పోలీసు శాఖ లక్ష్యం” అని జిల్లా ఎస్పీ సునిత రెడ్డి తెలిపారు. ప్రతి సోమవారం వనపర్తి జిల్లా పోలీసు కార్యాలయములో నిర్వహించే ప్రజావాణిలో భాగంగా జిల్లాలో వివిధ ప్రాంతాల నుండి 22మంది పిర్యాదుదారులు వివిధ సమస్యలపై నేరుగా జిల్లా అదనపు ఎస్పీ శ్రీమతి సునిత రెడ్డి కి ఫిర్యాదులు అందించార ఫిర్యాదు చేసిన ప్రతి ఫిర్యాదుపై ఎస్పీ వెంటనే స్పందించి స్వయంగా ఫిర్యాదును పరిశీలించి సంబంధిత పోలీస్టేషన్ అధికారులకు తక్షణమే సదరు ఫిర్యాదులపై చర్యలు తీసుకొని బాధితులకు న్యాయం చేయాలని అదేశాలు జారీ చేశారు.

పల్లె పాటకు ప్రాణం పోసిన గాయకుడు సాయి చంద్ వనపర్తి ప్రముఖ గాయకుడు సాయిచంద్ వర్ధంతి ప్రభుత్వ ఆసుపత్రిలో బండారు శ్రీనివాస్ అధ్వర్యములో ఘనంగా నిర్వహించారు. ఈ కార్యక్రమంలో సాహితీ కళా వేదిక వనపర్తి జిల్లా అధ్యక్షులు పలుస శంకర్ గౌడ్ పాలుగొన్నారు. ఈ సందర్బంగా శంకర్ గౌడ్ మాట్లాడాడు పల్లె పాటకు ప్రాణం పోసిన గాయకుడు, తెలంగాణ ముద్దుబిడ్డ సాయి చంద్ అన్నారు. ఊరు మనదిరా ఈ వాడ మనదిరా” అంటూ ఉర్రూతలూగించిన స్వరం సాయి చంద్ ఆయన పాట వింటే రైతు నాగలి పట్టుకున్నా నాట్యం చేస్తాడు. తెలంగాణ ఉద్యమంలో ఆయన గొంతు ఒక ఆయుధమైంది అన్నారు. ఈ కార్యక్రమంలో సాయి చందు మూడవ వర్ధంతి ప్రభుత్వ జనరల్ ఆసుపత్రి నందు సాహితీ కళావేదిక అధ్యక్షులు పలుస శంకర్ గౌడ్ , ఇబ్రహీం , సానా బేగం, కృష్ణయ్య, మమత, కాసిం, అల్లిబాబు, పద్మ రామకృష్ణ పాల్గొనారు.

పెండింగ్ కేసుల సత్వర పరిష్కారానికి సమన్వయంతో పనిచేయాలి వనపర్తి నపర్తి జిల్లా నూతన జిల్లా న్యాయమూర్తిగా బాధ్యతలు స్వీకరించిన బాకరాజు శ్రీనివాసరావును జిల్లా కలెక్టర్ ఆదర్శ్ సురభి, జిల్లా సూపరింటెండెంట్ ఆఫ్ పోలీసు సునీతా రెడ్డి సోమవారం కోర్టు కార్యాలయంలోని ఆయన ఛాంబర్ లో మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా జిల్లాలో పెండింగ్‌లో ఉన్న కేసులను త్వరితగతిన పరిష్కరించేందుకు పరస్పర సమన్వయంతో పనిచేయాల్సిన అవసరంపై చర్చించారు. ముఖ్యంగా మహిళలు, చిన్నారులకు సంబంధించిన పోక్సో (POCSO) కేసుల విచారణను వేగవంతం చేసి, బాధితులకు సకాలంలో న్యాయం అందేలా ప్రత్యేక దృష్టి సారించాలని నిర్ణయించారు. జిల్లాలో శాంతిభద్రతల పరిరక్షణతో పాటు న్యాయవ్యవస్థ, పోలీసు శాఖ, జిల్లా యంత్రాంగం సమిష్టిగా పనిచేసి ప్రజలకు సమర్థవంతమైన సేవలు అందించేందుకు కృషి చేయాలని ఈ సందర్భంగా అభిప్రాయపడ్డారు. న్యాయమూర్తులు, ఇతర పోలీసు ఉన్నతాధికారులు తదితరులు పాల్గొన్నారు.

 ప్రజావాణి ఫిర్యాదులను పరిష్కరించాలి వనపర్తి ప్రజావాణిలో వచ్చిన ఫిర్యాదులను అధికారులు సత్వరమే పరిష్కరించే విధంగా చర్యలు తీసుకోవాలని జిల్లా కలెక్టర్ ఆదర్శ్ సురభి ఆదేశించారు. సోమవారం సమీకృత జిల్లా కార్యాలయాల సముదాయంలోని సమావేశ మందిరంలో నిర్వహించిన జిల్లాస్థాయి ప్రజావాణి కార్యక్రమంలో జిల్లా కలెక్టర్, అదనపు కలెక్టర్ స్థానిక సంస్థలు కీమ్య నాయక్, అదనపు కలెక్టర్ రెవెన్యూ వినోద్ కుమార్ తో కలిసి ప్రజల నుంచి అర్జీలు, వినతి పత్రాలు స్వీకరించారు. ఈ సందర్భంగ కలెక్టర్ అధికారులకు సూచనలు ఇస్తూ, ప్రజావాణిలో వచ్చిన ఫిర్యాదులకు ఎప్పటికప్పుడు పరిష్కరించి సమాచారాన్ని సంబంధిత ఫిర్యాదు దారునికి పంపించటమే కాకుండా ఆన్లైన్ లో పెట్టాలని ఆదేశించారు. ఒకవేళ ఫిర్యాదుకు సంబంధించిన అంశం తమ శాఖ పరిధిలో లేనిది అయితే సంబంధిత శాఖకు లేఖ రాస్తూ పంపించాలని తెలియజేశారు. పరిష్కరించలేని అంశం ఏదైనా ఉంటే పై అధికారులకు పంపించడం లేదా ఏ నిబంధన ప్రకారం పరిష్కారం చేయలేమో ఫిర్యాదు దారునికి తెలియజేయాలి తప్ప తమ వద్ద పెండింగ్ లో పెట్టుకోవద్దని సూచించారు. పెండింగ్ లో ఉన్న దరఖాస్తులను పరిశీలించి, వెంటనే పరిష్కరించేలా తగు చర్యలు చేపట్టాలని పేర్కొన్నారు. సీఎం, జిల్లా మంత్రి ప్రజావాణి నుంచి వచ్చి పెండింగ్ లో ఉన్న అర్జీలను సైతం సత్వరం పరిష్కరించాలని అన్ని శాఖల అధికారులను ఆదేశించారు. నేటి ప్రజావాణి కార్యక్రమంలో 63 దరఖాస్తులు వచ్చాయి. ఆర్డీవో కార్యాలయంలో నిర్వహించిన ప్రజావాణి కార్యక్రమానికి 2 దరఖాస్తులు వచ్చాయి. కార్యక్రమంలో జెడ్పి సీఈవో యాదయ్య అన్ని శాఖల జిల్లా అధికారులు, తదితరులు పాల్గొన్నారు.