Uncategorized

డా” నందిని సిద్ధారెడ్డి సాహిత్య సమాలోచన గ్రంథావిష్కరణ సభలో పాల్గొన్న మాజీ మంత్రి శ్రీ సింగిరెడ్డి నిరంజన్ రెడ్డి వనపర్తి తెలంగాణ సాహిత్య అకాడమీలో నిర్వహించిన సుప్రసిద్ధ కవి, కేంద్ర సాహిత్య అకాడమీ అవార్డు గ్రహీత డాక్టర్ నందిని సిద్ధారెడ్డి గారి “సాహిత్య సమాలోచన” గ్రంథావిష్కరణ సభలో వ్యవసాయ శాఖ మాజీ మంత్రి శ్రీ సింగిరెడ్డి నిరంజన్ రెడ్డి ముఖ్య అతిథిగా, గ్రంథావిష్కర్తగా పాల్గొన్నారు.ఈ సందర్భంగా గ్రంథాన్ని ఆవిష్కరించి, తెలుగు సాహిత్యానికి డాక్టర్ నందిని సిద్ధారెడ్డి అందిస్తున్న సేవలను అభినందించారు. సాహిత్యం సమాజానికి దిశానిర్దేశం చేయడంలో కీలక పాత్ర పోషిస్తుందని పేర్కొన్నారు.ఈ సభలో సుప్రసిద్ధ సాహిత్యవేత్తలు ఆచార్య మృణాళిని, ఆచార్య కోయ కోటేశ్వర్, నాలేశ్వరం శంకరం, కందుకూరి శ్రీరాములు, ఆచార్య దార్ల వెంకటేశ్వరరావు, జయప్రకాశ్ తదితరులు పాల్గొన్నారు.

తెలంగాణ రాష్ట్ర 72వ బాల్ బ్యాడ్మింటన్ టోర్నమెంట్ వనపర్తి వనపర్తి జిల్లా బాల్ బ్యాడ్మింటన్ అసోసియేషన్ ఆధ్వర్యంలో తెలంగాణ రాష్ట్ర 72వ బాల్ బ్యాడ్మింటన్ టోర్నమెంట్ వనపర్తి పాలిటెక్నిక్ కళాశాల మైదానంలో నేడు వనపర్తి జిల్లా అదనపు కలెక్టర్ వినోద్ కుమార్ ప్రారంభించారు. ఈ కార్యక్రమంలో అసోసియేషన్ గౌరవాధ్యక్షులు బి శ్రీనివాస్ గౌడ్ రాష్ట్ర బాల్ బ్యాడ్మింటన్ అసోసియేషన్ కార్యదర్శి వివి రమణ, వనపర్తి జిల్లా బాల్ బ్యాడ్మింటన్ అసోసియేషన్ అధ్యక్ష కార్యదర్శులు పి మన్మోహన్రావు, వెంకట్రామిరెడ్డి, ఆర్గనైజింగ్ సెక్రటరీ భాస్కర్ గౌడ్ లు పాల్గొన్నారు. ఈ టోర్నమెంట్లో జాతీయ అంతర్జాతీయ స్థాయిలలో పాల్గొన్న క్రీడాకారులు ఎందరో వనపర్తి లో జరిగిన స్టేట్ లెవెల్ టోర్నమెంట్ లో పాల్గొన్నారు. ఈ సందర్భంగా జిల్లా అదనపు కలెక్టర్ వినోద్ కుమార్ మాట్లాడుతూ చిన్నతనం నుండే బాల్ బాడ్మింటన్ లో ప్రతిభను కనబరుస్తున్న క్రీడాకారులను ముందుగా అభినందించారు. క్రీడల వల్ల శారీరక దృఢవత్వమే కాకుండా మానసిక ఉల్లాసం కూడా వారికి లభిస్తుందని తద్వారా వారు విద్యపై గాని ఇతర విధులపై గాని మనసులను లగ్నం చేసే అవకాశం మెండుగా ఉంటుందన్నారు. తెలంగాణ రాష్ట్ర టీం నుండి జాతీయస్థాయిలో పాల్గొని బాల్ బ్యాడ్మింటన్ క్రీడాకారులు తమ ప్రతిభను చాటి ట్రోఫీని అందుకునే ప్రయత్నం చేయాలని సూచించారుఅసోసియేషన్ రాష్ట్ర కార్యదర్శి వి వి రమణ, వనపర్తి జిల్లా అధ్యక్ష కార్యదర్శులు మన్మోహన్రావు, వెంకటరామిరెడ్డిలు వనపర్తి లో జరుగుతున్న టోర్నమెంట్లో రాష్ట్రం నలుమూలల నుండి ఉమ్మడి జిల్లాల జట్లు పాల్గొంటున్నాయని తెలిపారు. క్రీడాకారులు, ఎంపైర్లు, సెలెక్ట్ సెలెక్ట్ కమిటీ సభ్యులు, దాదాపు 250 మంది పాల్గొంటున్నారని వారు వివరించారు. టోర్నమెంట్లో విజేతల ఫలితాలను వనపర్తి జిల్లా బాల్పేట అసోసియేషన్ ఆర్గనైజింగ్ సెక్రటరీ భాస్కర్ గౌడ్ ప్రకటించారు. కరీంనగర్ జిల్లా ఉమ్మడి ఉమ్మడి జిల్లా జట్టుపై నిజామాబాద్ జిల్లా జట్టు 35 -29 35-14 తేడాతో గెలుపొందింది.ఖమ్మం జిల్లా జట్టుపై రంగారెడ్డి జిల్లా జట్టు 35-22, 35-14 తేడాతో విజయం సాధించింది. మహబూబ్నగర్ జిల్లా జట్టుపై వరంగల్ జిల్లా జట్టు 35-23, 35-10 పాయింట్లు తేడాతో విజయం సాధించింది.మహిళా విభాగంలో మెదక్, హైదరాబాద్, నిజామాబాద్, ఖమ్మం, నల్లగొండ మొదటి రౌండ్ లలో ముందంజలో ఉన్నాయి.పురుషుల విభాగంలో రంగారెడ్డి, ఆదిలాబాద్, నిజామాబాద్, నల్గొండ, జట్లు సెమీఫైనల్కు చేరనున్నాయి.మహిళా విభాగంలో వరంగల్ ,ఖమ్మం, నల్గొండ, హైదరాబాద్ జట్లు సెమి ఫైనల్ చేరనున్నాయి

మంత్రి పొన్నం ప్రభాకర్ కి పలు భవనాలను మంజూరు చేయాలని ప్రతిపాదనలిచ్చిన ఎమ్మెల్యే మేఘారెడ్డి వనపర్తి వనపర్తి నియోజకవర్గ అభివృద్ధికి అవసరమైన మౌలిక వసతుల కల్పనపై ప్రత్యేక దృష్టి సారించిన వనపర్తి శాసనసభ్యులు తూడి మేఘారెడ్డి శనివారం హైదరాబాద్‌లో తెలంగాణ రాష్ట్ర రవాణా, బీసీ సంక్షేమ శాఖల మంత్రి పొన్నం ప్రభాకర్ గారిని ఆయన చాంబర్‌లో కలిసి పలు కీలక అభివృద్ధి పనులకు సంబంధించిన ప్రతిపాదనల నివేదికలను సమర్పించారు.వనపర్తి నియోజకవర్గంలో ప్రజలకు మెరుగైన రవాణా సేవలు అందించడంతో పాటు, బీసీ విద్యార్థులకు అత్యుత్తమ విద్యా వసతులు కల్పించాలనే ఉద్దేశంతో మొత్తం నాలుగు బీసీ సంక్షేమ విద్యాసంస్థల నూతన భవనాలు, అలాగే శాస్త్రీయ డ్రైవింగ్ టెస్ట్ ట్రాక్‌తో కూడిన జిల్లా రవాణా కార్యాలయ భవనం నిర్మాణానికి సంబంధించిన ప్రతిపాదనలను మంత్రి దృష్టికి తీసుకెళ్లారు. ఇందులోశాస్త్రీయ డ్రైవింగ్ టెస్ట్ ట్రాక్‌తో కూడిన జిల్లా రవాణా కార్యాలయ నూతన భవనం చిట్యాల, (వనపర్తి) ఎంజేపీ తెలంగాణ బీసీ సంక్షేమ రెసిడెన్షియల్ జూనియర్ కళాశాల (బాలుర) నూతన భవనం కడుకుంట్లలో ఎంజేపీ తెలంగాణ బీసీ సంక్షేమ రెసిడెన్షియల్ పాఠశాల (బాలుర) నూతన భవనం పెబ్బేరులో ఎంజేపీ తెలంగాణ బీసీ సంక్షేమ రెసిడెన్షియల్ పాఠశాల (బాలికల) నూతన భవనం వెల్టూరులో ఎంజేపీ తెలంగాణ బీసీ సంక్షేమ రెసిడెన్షియల్ పాఠశాల (బాలికల) నూతన భవనాలు ఉన్నాయి వనపర్తి జిల్లాకు అవసరమైన రవాణా మౌలిక వసతులను మరింత బలోపేతం చేయడంతో పాటు, బీసీ విద్యార్థులకు మెరుగైన వసతి, విద్యా సౌకర్యాలు అందించేందుకు ఈ భవనాల నిర్మాణం ఎంతో అవసరమని మంత్రి కి వివరించారు. ఆయా ప్రాంతాల్లో విద్యార్థుల సంఖ్య, ప్రస్తుత వసతులు, భవిష్యత్ అవసరాలను దృష్టిలో ఉంచుకొని నూతన భవనాలను మంజూరు చేయాలని కోరారు. ఎమ్మెల్యే సమర్పించిన ప్రతిపాదనలపై రవాణా, బీసీ సంక్షేమ శాఖల మంత్రి పొన్నం ప్రభాకర్ సానుకూలంగా స్పందించారు. వనపర్తి నియోజకవర్గానికి సంబంధించిన ఈ ప్రతిపాదనలను పరిశీలించి, ఆయా శాఖల పరిధిలో అవసరమైన ప్రక్రియను పూర్తి చేసి త్వరలోనే వీటికి మంజూరీలు అందించేలా చర్యలు తీసుకుంటామని మంత్రి హామీ ఇచ్చారు. వనపర్తి నియోజకవర్గ అభివృద్ధి పట్ల సానుకూలంగా స్పందింన మంత్రి గారికి ఎమ్మెల్యే హృదయపూర్వక ధన్యవాదాలు తెలిపారు.

ప్రశ్నించే గొంతుకలకు మతం ఉరి : శ్రీరామ్ వనపర్తి ప్రశ్నించే గొంతుకలకు బిజెపి మతం ఉరి వేస్తోందని సిపిఐ జిల్లా కార్యవర్గ సభ్యుడు, ఏఐటీయూసీ వనపర్తి జిల్లా సహాయ కార్యదర్శి శ్రీరామ్, వనపర్తి నియోజకవర్గ కార్యదర్శి రమేష్ ఆరోపించారు. శనివారం వనపర్తి పార్టీ ఆఫీస్ ఆవరణలో జాతీయ పార్టీ పిలుపుమేరకు ఆగస్టు 6 నుంచి 14 వరకు దేశవ్యాప్తంగా నిర్వహిస్తున్న ప్రజా చైతన్య యాత్ర, సెప్టెంబర్ 1న చలో ఢిల్లీ పోస్టర్లను ఆవిష్కరించారు. హిందుత్వ, రామ మందిరం పేరుతో ప్రజలను మభ్యపెట్టి ప్రజా సమస్యలనుంచి ప్రజల దృష్టి మరల్చుతున్నారు అన్నారు. ప్రజా సమస్యలపై ప్రశ్నించే గొంతుకలను మతం దేవుని పేరు చెప్పు అణచివేసే ప్రయత్నం చేస్తున్నారని ఆరోపించారు. ఇటీవల కాక్రో జనతా పార్టీ యువత నీట్ పేపర్ లీక్ పై ఢిల్లీలో ఆందోళన చేస్తే క్రూరంగా అణచివేసే ప్రయత్నం చేసిన చివరకు ప్రభుత్వం దిగివచ్చి విద్యా శాఖ మంత్రి ధర్మేంద్ర ప్రధాన్ రాజీనామాకు అంగీకరించక తప్పలేదు అన్నారు. మార్పు మొదలైందని ప్రజలు తిరగబడితే తలవంచక తప్పదు అన్నారు. ఏటా రెండు కోట్ల ఉద్యోగాలు ఇస్తామని యువతను, అధిక ధరలు తగ్గిస్తామని సామాన్యులను, స్విస్ బ్యాంకు నుంచి నల్లదనం వెనక్కు తెచ్చి ప్రతి రైతు ఖాతలోరూ. 15 లక్షలు వేస్తామని హామీ ఇచ్చి ఏ ఒక్కటి అమలు చేయలేదన్నారు. స్వాతంత్రానికి ముందు నుంచి నేటి వరకు కార్మికులు పోరాడి సాధించుకున్న 29 చట్టాలను నాలుగు లేబర్ కోడలుగా విభజించి నిర్వీర్యం చేశారన్నారు. పారిశ్రామికవేత్తలు సంపన్నులకు కార్మికుల శ్రమను దోచి పెట్టేందుకు రోజుకి 8 గంటల పని దినాన్ని 12 గంటలకు పెంచారన్నారు. అమెరికాతో స్వేచ్ఛ వ్యాపార ఒప్పందంతో రైతులకు ఉరితాలు పేనారన్నారు. మహాత్మా గాంధీ జాతీయ ఉపాధి హామీ పథకం పేరును వి బి జి రాంజీగా మార్చి మార్చి, 90% గా ఉన్న కేంద్ర వాటాను 40 కి తగ్గించుకోవడంతో పథకం ప్రమాదంలో పడిందన్నారు. వీటన్నింటినీ ప్రజాక్షేత్రంలో ఎండగడతామన్నారు. వనపర్తి లో చైతన్య యాత్ర ఆగస్టు 9 నుంచి యాత్ర ప్రారంభమవుతుందని, పెద్ద సంఖ్యలో తరలివచ్చి విజయవంతం చేయాలన్నారు. ముగింపుగా సెప్టెంబర్ 1న ఢిల్లీ రాంలీలా మైదానంలో భారీ బహిరంగ సభ జరుగుతుందని ఉమ్మడి జిల్లా నుంచి పెద్ద ఎత్తున తరలి వెళ్లాలన్నారు. జిల్లా కార్యవర్గ సభ్యులు, నేతలు కళావతమ్మ, రమేష్, మోష, శ్రీ రామ్, పృధ్వి నాదం, శేఖర్, చిన్న కుర్మన్న, వంశీ, శిరీష, లక్ష్మీనారాయణ, వెంకటమ్మ తదితరులు పాల్గొన్నారు.

కష్టజీవుల ద్రోహి బిజెపి.. గద్దె దించేందుకు పోరాడాలి : సిపిఐ వనపర్తి కష్టజీవుల ద్రోహి బిజెపి నరేంద్ర మోడీ ప్రభుత్వం అని గద్దె దించేందుకు ఐక్యంగా పోరాడాలని సిపిఐ జిల్లా కార్యవర్గ సభ్యుడు, ఏఐటీయూసీ జిల్లా సహాయ కార్యదర్శి, సిపిఐ వనపర్తి నియోజకవర్గ కార్యదర్శి రమేష్, ప్రజానాట్యమండలి జిల్లా ప్రధాన కార్యదర్శి వంక గోపాల్ పిలుపునిచ్చారు. సిపిఐ కేంద్ర కమిటీ పిలుపుమేరకు బిజెపి నరేంద్ర మోడీ ప్రజా వ్యతిరేక విధానాలు, ప్రజా సమస్యల పరిష్కారం కోసం పానగల్ మండలం తెల్లరాల్లపల్లి, కేతేపల్లి, వెంగలాయిపల్లి, బండపల్లి, బహదూర్ గూడెం చౌరస్తాల మీదుగా పాన్గల్ కు సుమారు పది కిలోమీటర్లు పాదయాత్ర చేశారు. పాదయాత్రను సీపిఐ జిల్లా కార్యవర్గ సభ్యురాలు,NFIW ఉమ్మడి జిల్లా మాజీ అధ్యక్షుడు, కేతేపల్లి మాజీ సర్పంచ్ కళావతమ్మ ఎర్రజెండా ఊపి ప్రారంభించారు. ఈ సందర్భంగా నేతలు తెల్ల రాళ్లపల్లి, కేతేపల్లి, పానగల్ బస్టాండ్ లో మాట్లాడుతూ.. నరేంద్ర మోడీ రైతులు, కూలీలు, కార్మికులు, నిరుద్యోగులు, మహిళలు, ఉద్యోగులు అన్ని వర్గాల ప్రజలను మోసం చేశారన్నారు. ఏటా రెండు కోట్ల ఉద్యోగాలు ఇస్తామని యువతను, ప్రతి రైతు ఖాతాలో రూ. 15 లక్షలు వేస్తామని రైతులను, ధరలు తగ్గిస్తామని సామాన్యులను, ఉపాధి కల్పిస్తామని కూలీలను మోసం చేశారన్నారు. 29 కార్మిక చట్టాలను నాలుగు లేబర్ కోడలుగా చేసి కార్మికుల హక్కులను కాలరాచారన్నారు. అమెరికాతో స్వేచ్ఛ వాణిజ్య ఒప్పందం చేసుకోవడంతో వారితో పోటీపడి మార్కెట్లో ఉత్పత్తులను అమ్మ లేక ఆత్మహత్య చేసుకునే పరిస్థితి ఏర్పడిందన్నారు. సామాన్యుల కష్టాన్ని దోచి సంపన్నులకు పెట్టే పాలన సాగిస్తున్నారని చరమగీతం ఫలితాలు అన్నారు. సంపన్నులు దోపిడీకి వ్యతిరేకంగా రైతులు కార్మికులు అన్ని వర్గాలకు అండగా పోరాడుతుందని కార్మికరాజ్యం వచ్చేదాకా పోరాటం కొనసాగిస్తుందన్నారు. మతం, అయోధ్య పేరుతో ప్రజలను మభ్యపెట్టి అధికారంలోకి వచ్చిందని, రామ మందిరం నిధులు దోచుకున్న నరేంద్ర మోడీ మాట్లాడటం లేదన్నారు. మతంపై దేవునిపై బిజెపికి నమ్మకం లేదని అధికార ఒక్కటే వారి పరమావదని విమర్శించారు. దేశంలో సి జె పి పేరుతో యువత తిరగబడితే నరేంద్ర మోడీ తోకముడిచారని, శ్రమజీవులు తిరగబడితే బీజేపీ అధికారం మోసపు పాలన, సంపన్నులకు అనుకూల పాలన అంతమవుతుందన్నారు. పాదయాత్రల ప్రధాన డిమాండ్ అధిక ధరలు తగ్గింపు, యువతకు ఉద్యోగాలు, పంటల మద్దతు ధరకు చట్టబద్ధత, దళితులు ఆదివాసులపై దాడులు ఆపటం, మహిళలకు 33 శాతం రిజర్వేషన్ అమలు చేయటం, బ్యాలెట్ పద్ధతిన ఎన్నికలు ప్రధాన డిమాండ్ తో పాదయాత్ర ఈనెల 6 నుంచి 14 వరకు జరుగుతుందని అన్ని వర్గాల ప్రజలు పాల్గొని విజయవంతం చేయాలన్నారు. సిపిఐ జిల్లా కార్యవర్గ సభ్యులు కళావతమ్మ, సిపిఐ వనపర్తి నియోజకవర్గం కార్యదర్శి రమేష్, ప్రజానాట్యమండలి జిల్లా ప్రధాన కార్యదర్శి గోపాల్, పానగల్ మండల కార్యదర్శి డంగు కుర్మయ్య, కేతేపల్లి ఉప సర్పంచ్ కృష్ణవేణి, ఏఐవైఎఫ్ జిల్లా సహాయ కార్యదర్శి సంతోష్, సిపిఐ మాజీ మండల కార్యదర్శి శివకుమార్, తెల్ల రాళ్లపల్లి మాజీ ఉపసర్పంచ్ బాలస్వామి, చెన్నమ్మవార్డు సభ్యులు కురుమమ్మ, డంగు లక్ష్మి, మాజీ వార్డు సభ్యుడు పెంటయ్య, తెల్లర్లపల్లి, కేతేపల్లి, బొల్లారం, వెంగళాయిపల్లి సిపిఐ గ్రామ కార్యదర్శిసహదేవుడు,కాకం చిన్న నారాయణ, మల్లెపు బాలస్వామి, చల్మారెడ్డి, చిన్న ఎల్లయ్య, బయ్య కురుమయ్య, రామాంజనేయులు, మల్లేష్, భరత్, ఎస్ రాముడు, పరశురాముడు, మేస్త్రి రాముడు, తెలుగు లక్ష్మి, దేవమ్మ, వెంకటయ్య,తదితరులు పాల్గొన్నారు

ఏఐటీయూసీ వనపర్తి జిల్లా ప్రధాన కార్యదర్శిగా Kమోష ఎన్నిక వనపర్తి ఏఐటీయూసీ వనపర్తి జిల్లా 4వ మహాసభలు పెబ్బేరులో (శుక్రవారం) ముగిశాయి. నూతన జిల్లా కమిటీ ఎన్నుకున్నారు. జిల్లా అధ్యక్షులుగా టి శ్రీహరి ప్రధాన కార్యదర్శిగా kమోష లను ఏకగ్రీవంగా ఎన్నుకున్నారు ఉపాధ్యక్షులుగా రఘు, శ్యాంసుందర్, సహాయ కార్యదర్శిలుగా శ్రీరామ్, గోపాలకృష్ణ, కోశాధికారిగా ఏ భాస్కర్ 15 మందిని కమిటీ సభ్యులుగా ఎన్నుకున్నారు. నూతన కార్యవర్గం వేదికపై చేతులు కలిపి ఐక్యతను చాటారు. ఈ సందర్భంగా ఏఐటీయూసీ రాష్ట్ర ప్రధాన కార్యదర్శి బాలరాజ్, ఉప ప్రధాని కార్యదర్శి ఎం నరసింహ మాట్లాడుతూ.. జిల్లాలో ఏఐటియుసి బలోపేతానికి కృషి చేయాలన్నారు. అసంఘటితరంగా కార్మికులను ఏకం చేసి వారి హక్కుల కోసం పోరాడాలన్నారు. బిజెపి కార్మిక ప్రజాస్వామ్యం వ్యతిరేక విధానాలను, పెట్టుబడి దారి అనుకూల విధానాలను అమలు చేస్తోందని ప్రతిఘటించి పోరాడేందుకు జిల్లాలో కార్మికులను ఏకం చేయటం అవసరమన్నారు.

మోడీ ప్రభుత్వానికి కార్మికులు శత్రువులు, కార్పొరేట్ శక్తులు మిత్రులు వనపర్తి కేంద్రంలోని నరేంద్ర మోడీ ప్రభుత్వానికి కార్మికులు శత్రువులు కార్మికుల శ్రమను దోచి సంపదను లూఠీ చేసే కార్పొరేట్ శక్తులు మిత్రులుగా మారారని ఏఐటీయూసీ రాష్ట్ర ప్రధాన కార్యదర్శి ఎస్.బాలరాజ్ తీవ్రంగా ధ్వజమెత్తారు. ఆల్ ఇండియా ట్రేడియన్ కాంగ్రెస్ (ఏఐటీయూసీ) వనపర్తి జిల్లా నాలుగో మహాసభలు పెబ్బేరు మండల కేంద్రంలో ఘనంగా ప్రారంభమయ్యాయి. ముందుగా పెబ్బేర్ మార్కెట్ యార్డ్ నుండి సాయిరాం ఫంక్షన్ హాల్ వరకు వందలాదిమంది కార్మికులతో పట్టణంలో భారీ కార్మిక ప్రదర్శనగా నిర్వహించారు. మహాసభల ప్రారంభ సూచికంగా ఏఐటీయూసీ జెండాను ఆ సంఘం రాష్ట్ర కార్యదర్శి ఎస్.బాలరాజ్ ఆవిష్కరించారు. మహాసభలకు ముఖ్య అతిథులుగా హాజరైన ఎస్.బాలరాజు మాట్లాడుతూ:- బ్రిటిష్ కాలం నుండే అనేక పోరాటాలు చేసి సాధించుకున్న కార్మిక చట్టాలను కేంద్రంలోని బిజెపి ప్రభుత్వం నిరంకుశంగా కార్మికుల సంక్షేమానికి సమాధి కట్టే విధంగా 29 కార్మిక చట్టాలను రద్దుచేసి నాలుగు లేబర్ కోడులుగా తీసుకువచ్చారని ఆవేదన వ్యక్తం చేశారు. లేబర్ కోడులు కేవలం కార్పొరేట్ శక్తులు, దోపిడి యాజమాన్యాలకు అనుకూలంగా కార్మికులను కట్టు బానిసలుగా మార్చేందుకు తీసుకువచ్చారని అన్నారు. కేంద్ర ప్రభుత్వం అనుసరిస్తున్న కార్మిక వ్యతిరేక విధానాలపై ఇప్పటికే అనేక పర్యాయాలు సార్వత్రిక సమ్మెలు జరిగాయని అన్నారు. తెలంగాణ రాష్ట్ర ప్రభుత్వం బిజెపి విధానాలను నిరసిస్తున్నామని బయటకు చెబుతున్న అంతర్గతంగా కేంద్ర ప్రభుత్వం తీసుకొచ్చిన లేబర్ కోడ్లను రాష్ట్రంలో కూడా దశలవారీగా అమలు చేసేందుకు కుట్రలు చేసిందని అందులో భాగంగానే ఇండస్ట్రియల్ పాలసీలో 12 గంటల పని విధానం తప్పుడు జీవోను రేవంత్ రెడ్డి సర్కార్ దొడ్డిదారిన తీసుకొచ్చిందని ఆరోపించారు. 12 సంవత్సరాలుగా కార్మికులకు కనీస వేతనాలు పెరగలేదని తాజాగా కాంగ్రెస్ ప్రభుత్వం పెంచిన కనీస వేతనాలు కూడ తెలంగాణ రాష్ట్ర కనీస వేతనం బోర్డు సిఫారసులకు విరుద్ధంగా ఉన్నాయని వేతనాల పెంపు పారదర్శకత లేదని ఆరోపించారు. పెరుగుతున్న ధరలకు అనుగుణంగా కనీస వేతనం 26 వేలకు పెంచాలని డిమాండ్ చేశారు. ఈ కార్యక్రమంలో ఏఐటీయూసీ రాష్ట్ర ఉప ప్రధాన కార్యదర్శి యం.నరసింహ, సిపిఐ జిల్లా కార్యదర్శి విజయ రాములు, ఏఐటీయూసీ జిల్లా అధ్యక్షులు శ్రీహరి, జిల్లా ప్రధాన కార్యదర్శి మోష, జిల్లా వర్కింగ్ ప్రెసిడెంట్ శ్రీరాములు, జిల్లా డిప్యూటీ జనరల్ సెక్రెటరీ గోపాలకృష్ణ, ఏఐటీయూసీ జిల్లా నాయకులు గాంధీ, పెద్ద మొగులయ్య,రాములు, శ్యాంసుందర్,భాస్కర్, భరత్,సిపిఐ జిల్లా నేత రమేష్,చిన్న కురుమయ్య, మహిళా సమాఖ్య ఉమ్మడి జిల్లా నేత పి.కళవతమ్మ,కృష్ణవేణి, మెడికల్ కాంట్రాక్ట్ వర్కర్స్ యూనియన్ రాష్ట్ర కార్యదర్శి పి.సురేష్, రవీందర్,శ్రీను,నరసింహ, నరేందర్,అంజి,ఇజ్రాయిల్, ప్రజానాట్యమండలి కళాకారులు గోపాల్,చందు వివిధ రంగాల అసంఘటిత రంగాల కార్మికులు, తదితరులు పాల్గొన్నారు.

గడువులోపే సర్ ప్రక్రియను 100 శాతం పూర్తి చేయాలి వనపర్తి స్పెషల్ ఇంటెన్సివ్ రివిజన్ (SIR) ఓటర్ల సర్వే ప్రక్రియను నియోజకవర్గంలో నూరు శాతం విజయవంతం చేయడానికి పార్టీ నాయకులు, కార్యకర్తలు సమష్టిగా కృషి చేయాలని వనపర్తి ఎమ్మెల్యే తూడి మేఘారెడ్డి పిలుపునిచ్చారు. మండల స్థాయి నాయకులు ఈ ప్రక్రియపై ప్రత్యేక దృష్టి సారించి, బీఎల్ఏ-2 ప్రతినిధులు క్షేత్రస్థాయిలో పూర్తి ఉత్సాహంతో పనిచేసేలా నిరంతరం పర్యవేక్షించాలని సూచించారు. బుధవారం వనపర్తి జిల్లా కాంగ్రెస్ పార్టీ కార్యాలయంలో నిర్వహించిన సమీక్ష సమావేశంలో ఎమ్మెల్యే తూడి మేఘారెడ్డి ముఖ్య అతిథిగా పాల్గొని సర్ ప్రక్రియ పురోగతిని సమీక్షించి పలు కీలక సూచనలు చేశారు. కాంగ్రెస్ పార్టీ బలోపేతానికి క్షేత్రస్థాయిలో పనిచేసే ప్రతి కార్యకర్తే బలమని అన్నారు పార్టీ కోసం అందరూ ఐక్యతతో, క్రమశిక్షణతో, సమన్వయంతో పనిచేసినప్పుడే విజయాన్ని సాధించగలమని పేర్కొన్నారు. ప్రస్తుతం సర్ ప్రక్రియకు సమయం చాలా తక్కువగా ఉన్నందున మనకు ఉన్న గడువులోనే 100 శాతం నమోదు పూర్తి చేయడం ప్రతి ఒక్కరి లక్ష్యంగా ఉండాలని ఎమ్మెల్యే స్పష్టం చేశారు. బీఎల్ఏ-2 ప్రతినిధులు ఎలాంటి నిర్లక్ష్యానికి తావు లేకుండా ప్రతి ఇంటికి వెళ్లి ఓటర్లను కలిసి ఎన్యూమరేషన్ ఫారాలను సక్రమంగా నింపించాలని సూచించారు. మండల నాయకులు ప్రత్యేక దృష్టి సారించి, బీఎల్ఏ-2ల పనితీరును ప్రతిరోజూ సమీక్షించాలని, అవసరమైన చోట మార్గనిర్దేశం చేయాలని అన్నారు. ప్రతి గ్రామం, ప్రతి బూత్‌లో సమన్వయంతో పనిచేస్తే లక్ష్యాన్ని సులభంగా చేరుకోవచ్చని పేర్కొన్నారు. ఈ సమావేశంలో జిల్లా కాంగ్రెస్ పార్టీ అధ్యక్షుడు, రాష్ట్ర క్రీడా ప్రాధికార సంస్థ చైర్మన్ శివసేన రెడ్డి, అసెంబ్లీ ఇన్‌చార్జ్ శత్రురావు బుజ్జి, ప్రజాప్రతినిధులు, వివిధ మండలాల అధ్యక్షులు, బీఎల్ఏ-2 ప్రతినిధులు, కాంగ్రెస్ పార్టీ నాయకులు, కార్యకర్తలు పాల్గొన్నారు.

డబుల్ బెడ్‌రూం గృహాల నిర్మాణాలను వేగవంతం చేసి త్వరగా పూర్తి చేయాలి: జిల్లా కలెక్టర్ ఆదర్శ్ సురభి వనపర్తి డబుల్ బెడ్ రూమ్ ఇండ్ల నిర్మాణ పనుల్లో నాణ్యతా ప్రమాణాలను తప్పనిసరిగా పాటిస్తూ వేగంగా పూర్తి చేసేలా చర్యలు తీసుకోవాలని జిల్లా కలెక్టర్ ఆదర్శ్ సురభి ఆదేశించారు. మంగళవారం జిల్లా కలెక్టర్ పెబ్బేరు మండలం పాతపల్లి గ్రామంలో నిర్మాణంలో ఉన్న డబుల్ బెడ్‌రూం గృహాల పనులను పరిశీలించి నిర్మాణాల పురోగతిని సమీక్షించారు. ఈ సందర్భంగా నిర్మాణాల ప్రస్తుత స్థితిని అధికారులను అడిగి తెలుసుకున్నారు. మొత్తం 48 గృహాలు స్లాబ్ దశలో ఉండగా, మరో 2 గృహాలు బేస్‌మెంట్ దశలో ఉన్నట్లు అధికారులు కలెక్టర్‌కు వివరించారు. పనులు ఎప్పటి వరకి పూర్తవుతాయనే అంశంపై కాంట్రాక్టర్‌తో మాట్లాడిన కలెక్టర్, నిర్ణీత గడువులోగా అన్ని గృహాలను పూర్తి చేసి లబ్ధిదారులకు అందించేలా చర్యలు తీసుకోవాలని ఆదేశించారు. నిర్మాణ పనుల్లో నాణ్యతా ప్రమాణాలను తప్పనిసరిగా పాటిస్తూ, పనుల వేగాన్ని మరింత పెంచాలని కాంట్రాక్టర్‌కు సూచించారు. పనులకు సంబంధించిన బిల్లులు త్వరితగతిన విడుదలయ్యేలా జిల్లా యంత్రాంగం తరఫున అవసరమైన చర్యలు తీసుకుంటామని హామీ ఇచ్చారు. నిర్మాణాల అమలులో ఎలాంటి ఇబ్బందులు ఎదురైనా వెంటనే సంబంధిత అధికారుల దృష్టికి తీసుకురావాలని కాంట్రాక్టర్‌కు సూచించిన కలెక్టర్, అధికారులు కూడా పనులను నిరంతరం పర్యవేక్షిస్తూ ఎప్పటికప్పుడు పురోగతిని సమీక్షించాలని ఆదేశించారు. ఈ పరిశీలనలో హౌసింగ్ పీడీ విటోభా, సంబంధిత శాఖ అధికారులు, పీ ఆర్ ఇంజినీరింగ్ అధికారులు, కాంట్రాక్టర్, స్థానికులు తదితరులు పాల్గొన్నారు.

నీట్ విద్యార్థుల ఆత్మహత్యలు ప్రభుత్వ హత్యలే : సిపిఐ వనపర్తి నీట్ విద్యార్థుల ఆత్మహత్యలు కేంద్ర ప్రభుత్వ హత్యలేనని సిపిఐ వనపర్తి నియోజకవర్గ కార్యదర్శి రమేష్ విమర్శించారు. సిపిఐ రాష్ట్ర కమిటీ పిలుపుమేరకు సిపిఐ వనపర్తి పట్టణ కమిటీ ఆధ్వర్యంలో వనపర్తి అంబేద్కర్ చౌక్ లో నీట్ రద్దు వల్ల కలత చెంది ఆత్మహత్య చేసుకొని అమరులైన 23 మంది విద్యార్థులకు కొవ్వొత్తులతో సాయంత్రం నివాళులర్పించి వారి ఆశయాలను సాధిస్తామని నినాదాలు చేశారు. నీట్ మరో విద్యార్థిని కూడా ఆత్మహత్య చేసుకుందని కేంద్రపాపం ఎందరిని బలి తీసుకుంటుందో తెలియదని ఆందోళన వ్యక్తం చేశారు. కేంద్రమంత్రి ధర్మేంద్ర ప్రధాన్ రాజీనామా చేయాలని, విద్యార్థి మృతులకు రూ. కోటి పరిహారంఇవ్వాలని, దేశవ్యాప్తంగా ఉద్యమంలో పాల్గొన్న యువకులు విద్యార్థులపై కేసులు ఎత్తివేయాలన్న డిమాండ్లకు అంగీకరించిన కేంద్రం బీహార్ బెంగాల్ అస్సాం తదితర రాష్ట్రాల్లో విద్యార్థులపైఎఫ్ఐఆర్ నమోదు చేసిఅరెస్టు చేయటం దారుణం అన్నారు. రేపటిలోగాకేసులను ఎత్తేయకపోతే మళ్లీ ఉద్యమిస్తామని సీజెపి అల్టిమేట్ ఇచ్చిందని,ఇచ్చిన హామీలన్నీ చిత్తశుద్ధితో అమలు చేయాలని, విద్యా వ్యవస్థను పూర్తిస్థాయిలో ప్రక్షాళన చేయాలని డిమాండ్ చేశారు. సిపిఐ జిల్లా కార్యవర్గ సభ్యులు కళావతమ్మ, ఐప్సో సమన్వయ కార్యదర్శి శివ సామాజిక కార్యకర్తలు గంధం నాగరాజు, బాలెమియా ఎన్ఎఫ్ఐ డబ్ల్యు జిల్లా అధ్యక్షురాలు కృష్ణవేణి, ఉపాధ్యక్షురాలు జయమ్మ మాట్లాడుతూ.. కేంద్రం నిరుద్యోగ యువకులు విద్యార్థులపై కక్షపూరిత వైఖరిని అనుసరించటం, ఉద్యోగ ఉపాధి అవకాశాలు కల్పించకపోవడం దారుణం అన్నారు. హామీలను అమలు చేయకుంటే మళ్లీ ఉద్యమం తప్పదని పార్టీ పూర్తిస్థాయిలో మద్దతు ఇచ్చి పోరాడుతుందన్నారు. సిపిఐ నేతలు కళావతమ్మ ,కృష్ణవేణి, జయమ్మ ,గంధం నాగరాజు, చిన్న కుర్మన్న, బాలేమియా, లక్ష్మీనారాయణ, సురేష్ ,మల్లెపు నరసింహ, చందు, మంద సురేష్ శివ వంశి సైదులు తదితరులు పాల్గొన్నారు.