జోనల్ పోలీస్ డ్యూటీ మీట్‌లో వనపర్తి పోలీసుల విజయపతాకం : జిల్లా ఎస్పీ సునిత రెడ్డి వనపర్తి జూలై 6 నుంచి 8 వరకు మహబూబ్‌నగర్ జిల్లా పోలీస్ కార్యాలయంలో మహబూబ్‌నగర్, వనపర్తి, నాగర్‌కర్నూల్, జోగులాంబ గద్వాల్, నారాయణపేట జిల్లాలకు చెందిన పోలీసు అధికారులు, సిబ్బంది పాల్గొన్న జోగులాంబ జోన్–7 జోనల్ పోలీస్ డ్యూటీ మీట్–2026 అత్యంత విజయవంతంగా నిర్వహించబడింది. ఈ డ్యూటీ మీట్‌లో శాస్త్రీయ దర్యాప్తు, ఫింగర్ ప్రింట్స్, సహాయక శాస్త్రీయ పద్ధతులు, యాంటీ సబోటేజ్ చెక్,ఫోరెన్సిక్ సైన్స్,ఫింగర్ ప్రింట్ లిఫ్టింగ్, ప్యాకింగ్, హ్యాండ్లింగ్,బాంబ్ డిస్పోజల్, కంప్యూటర్ అవేర్‌నెస్, డాగ్ స్క్వాడ్, ఫోటోగ్రఫీ, వీడియోగ్రఫీ తదితర విభాగాల్లో నిర్వహించిన పోటీల్లో వనపర్తి జిల్లా పోలీసు అధికారులు, సిబ్బంది అసాధారణ ప్రతిభ కనబర్చి మొత్తం 11 పతకాలు (5 బంగారు, 5 రజత, 1 కాంస్య) సాధించి జిల్లాకు గర్వకారణంగా నిలిచారు. ఈ విజయంతో పలువురు అధికారులు, సిబ్బంది రాష్ట్ర స్థాయి పోలీస్ డ్యూటీ మీట్‌కు అర్హత సాధించారు. ఈ సందర్భంగా గురువారం జిల్లా పోలీసు కార్యాలయంలో జిల్లా ఎస్పీ సునిత రెడ్డి విజేతలను ప్రత్యేకంగా అభినందించి ప్రశంసా పత్రాలు అందజేసి ఘనంగా సన్మానించారు. ఈ సందర్భంగా ఎస్పీ మాట్లాడుతూ పోలీస్ డ్యూటీ మీట్‌లు పోలీసు సిబ్బందిలో వృత్తి నైపుణ్యాలను మరింత పదును పెట్టే అత్యంత కీలకమైన వేదికలు అని అన్నారు. శాస్త్రీయ దర్యాప్తు పద్ధతులు, నేరాల విచారణలో ఆధునిక సాంకేతిక పరిజ్ఞానం వినియోగం, పేలుడు పదార్థాల గుర్తింపు, భద్రతా తనిఖీలు, కంప్యూటర్ ఆధారిత పోలీసింగ్ వంటి అంశాల్లో సిబ్బందికి ప్రాయోగిక అనుభవాన్ని ఈ పోటీలు అందిస్తాయని పేర్కొన్నారు. ఇలాంటి పోటీలు పోలీసు సిబ్బందిలో ఆత్మవిశ్వాసం, క్రమశిక్షణ, సమన్వయంతో పనిచేసే నైపుణ్యం, క్లిష్ట పరిస్థితులను వేగంగా విశ్లేషించి పరిష్కరించే సామర్థ్యాన్ని పెంపొందిస్తాయని తెలిపారు. విధి నిర్వహణలో ఎదురయ్యే ప్రతి సవాలును సమర్థవంతంగా ఎదుర్కొనేలా ఈ పోటీలు పోలీసు సిబ్బందిని తీర్చిదిద్దుతాయని అన్నారు. అలాగే, రాష్ట్రంలోని వివిధ జిల్లాల పోలీసు సిబ్బందితో అనుభవాలను పంచుకోవడం ద్వారా ఉత్తమ విధానాలను తెలుసుకునే అవకాశం లభిస్తుందని, ఆధునిక పోలీసింగ్‌లో అవసరమైన సాంకేతిక పరిజ్ఞానాన్ని మరింత సమర్థంగా వినియోగించుకునే సామర్థ్యం పెరుగుతుందని ఎస్పీ వివరించారు. జోన్ స్థాయిలో ప్రతిభ కనబర్చి రాష్ట్ర స్థాయి పోటీలకు ఎంపికైన అధికారులు, సిబ్బంది ఇదే స్ఫూర్తితో కఠినంగా సాధన చేసి రాష్ట్ర స్థాయిలోనూ అత్యుత్తమ ప్రతిభ కనబర్చి వనపర్తి జిల్లా పోలీసులకు మరింత పేరు ప్రతిష్ఠలు తీసుకురావాలని జిల్లా ఎస్పీ ఆకాంక్షించారు. ఈ కార్యక్రమంలో ఏఆర్ అదనపు ఎస్పీ వీరారెడ్డి, రిజర్వ్ ఇన్‌స్పెక్టర్లు అప్పలనాయుడు, శ్రీనివాస్, షీ టీం, భరోస,ఎస్సై, అంజద్, జోనల్ పోలీస్ డ్యూటీ మీట్‌లో పతకాలు సాధించిన పోలీసు అధికారులు, సిబ్బంది పాల్గొన్నారు.

రైతుల అభ్యున్నతే ప్రభుత్వ ధ్యేయం త్వరలో ఆధునిక గోదాముల నిర్మాణం చేపడతాం వనపర్తి రైతు సంక్షేమాన్ని అత్యున్నత ప్రాధాన్యతగా తీసుకుని ముఖ్యమంత్రి శ్రీ ఎనుముల రేవంత్ రెడ్డి నాయకత్వంలోని కాంగ్రెస్ ప్రభుత్వం వ్యవసాయ రంగాన్ని బలోపేతం చేస్తూ రైతులకు మెరుగైన మార్కెటింగ్ సౌకర్యాలు కల్పించే దిశగా కీలక నిర్ణయాలు తీసుకుంటోందని వనపర్తి శాసనసభ్యులు గౌరవ శ్రీ తూడి మేఘారెడ్డి అన్నారు. రైతులు పండించిన పంటలకు గిట్టుబాటు ధర లభించేలా, మార్కెటింగ్ వ్యవస్థను గ్రామీణ స్థాయికి మరింత చేరువ చేసే లక్ష్యంతో వనపర్తి నియోజకవర్గానికి రెండు నూతన వ్యవసాయ మార్కెట్ యార్డులను కాంగ్రెస్ ప్రభుత్వం మంజూరు చేయడం రైతులకు ఎంతో మేలు చేస్తుందని ఆయన పేర్కొన్నారు. గురువారం ఖిల్లా ఘణపురం మండల కేంద్రంలోని పద్మశాలి ఫంక్షన్ హాల్ లో ఏర్పాటుచేసిన ఖిల్లా ఘణపురం–పెద్దమందడి వ్యవసాయ మార్కెట్ యార్డ్ నూతన పాలకవర్గ ప్రమాణ స్వీకార కార్యక్రమం ఘనంగా నిర్వహించారు ఈ కార్యక్రమానికి ముఖ్య అతిథిగా హాజరైన ఎమ్మెల్యే శ్రీ తూడి మేఘారెడ్డి నూతన పాలకవర్గ సభ్యులకు అభినందనలు తెలియజేసి, రైతుల ప్రయోజనాలే లక్ష్యంగా సేవాభావంతో పనిచేయాలని సూచించారు. ఈ సందర్భంగా ఎమ్మెల్యే మాట్లాడుతూ, ఎన్నో సంవత్సరాలుగా ఈ ప్రాంత రైతులు మార్కెటింగ్ సౌకర్యాల కోసం ఇబ్బందులు ఎదుర్కొంటున్నారని, రైతుల సమస్యలను ప్రత్యక్షంగా గుర్తించిన కాంగ్రెస్ ప్రభుత్వం ఖిల్లా ఘణపురం–పెద్దమందడి మండలాల రైతులకు ప్రత్యేక వ్యవసాయ మార్కెట్ యార్డును మంజూరు చేసిందన్నారు. గోపాలపేట, ఏదుల, రేవల్లి మండలాలకు మరో మార్కెట్ యార్డును కూడా ప్రభుత్వం ఏర్పాటు చేస్తోందని తెలిపారు. ఈ రెండు మార్కెట్ యార్డుల ద్వారా వేలాది మంది రైతులు ప్రయోజనం పొందనున్నారని, పంటలను దూర ప్రాంతాలకు తరలించాల్సిన అవసరం తగ్గి రవాణా ఖర్చు, సమయం ఆదా అవుతుందని పేర్కొన్నారు. రైతులు తమ వ్యవసాయ ఉత్పత్తులను పారదర్శకంగా విక్రయించుకునే అవకాశం కల్పించడంతో పాటు, మధ్యవర్తుల దోపిడీ తగ్గేలా ప్రభుత్వం చర్యలు తీసుకుంటోందన్నారు. మార్కెట్ యార్డుల్లో ఆధునిక గోదాములు, షెడ్లు, తాగునీటి సౌకర్యం, విద్యుత్, అంతర్గత రహదారులు, తూకం యంత్రాలు, రైతుల విశ్రాంతి గదులు వంటి అన్ని మౌలిక సదుపాయాలను దశలవారీగా ఏర్పాటు చేస్తామని తెలిపారు ముఖ్యంగా రైతులు పంటను వెంటనే అమ్మాల్సిన పరిస్థితి లేకుండా నిల్వ ఉంచుకునేందుకు అత్యాధునిక గోదాములను త్వరలోనే నిర్మిస్తామని హామీ ఇచ్చారు. రైతు భరోసా, రుణమాఫీ, సాగునీటి ప్రాజెక్టులు, నాణ్యమైన విత్తనాలు, ఎరువుల సరఫరా, మార్కెటింగ్ సౌకర్యాల విస్తరణ వంటి అనేక కార్యక్రమాలను కాంగ్రెస్ ప్రభుత్వం సమర్థవంతంగా అమలు చేస్తోందని ఎమ్మెల్యే పేర్కొన్నారు. రైతు పండించిన ప్రతి గింజకు గిట్టుబాటు ధర లభించే వరకు ప్రభుత్వం రైతులకు అండగా ఉంటుందని స్పష్టం చేశారు. నూతన పాలకవర్గం రైతులు, వ్యాపారులు, అధికారులు మధ్య సమన్వయం సాధిస్తూ పారదర్శకంగా పనిచేసి రైతుల విశ్వాసాన్ని నిలబెట్టాలని ఆయన సూచించారు. ఈ సందర్భంగా ఖిల్లా ఘణపురం–పెద్దమందడి వ్యవసాయ మార్కెట్ యార్డు పాలకవర్గం చేత మార్కెట్ యార్డ్ జిల్లా అధికారిని పుష్పలత ప్రమాణస్వీకారం చేయించింది అధ్యక్షురాలిగా క్యామ నవనీత (ఖిల్లా ఘణపురం)ఉపాధ్యక్షుడిగా: కొత్తకాపు వెంకటేశ్వర్ రెడ్డి (దొడగుంటపల్లి) డైరెక్టర్లుగా: దిండు రవీందర్ (వెల్టూర్), డి. బాలరాజు (జంగమయ్యపల్లి), ముప్పూరి రత్నయ్య (మణిగిల్ల), తలకొండపల్లి రఘునాథ్ (పెద్దమందడి), బయన్న రామచంద్రయ్య (మానాజీపేట), పాత్లావత్ భాష (దొంతికుంట తాండా), ఎస్. రవీందర్ రెడ్డి (సోలిపూర్), మర్యాద బాలకృష్ణ రెడ్డి (కంబాలపురం), బత్తుల దుర్గయ్య (సల్కేలాపురం), ఎం.డి. ఖాజా నైముద్దీన్ (ఘణపూర్), తూడి రవీంద్రనాథ్ రెడ్డి, తూము రామకృష్ణారెడ్డి సభ్యులుగా నియమితులయ్యారు పాలకవర్గానికి ప్రజాప్రతినిధులు, కాంగ్రెస్ పార్టీ నాయకులు, మార్కెట్ కమిటీ నూతన పాలకవర్గ సభ్యులు, రైతు సంఘాల ప్రతినిధులు, అధికారులు, కార్యకర్తలు, పెద్ద సంఖ్యలో రైతులు పాల్గొని నూతన పాలకవర్గానికి శుభాకాంక్షలు తెలిపారు. ఈ కార్యక్రమంలో కాంగ్రెస్ పార్టీ జిల్లా నాయకులు మండల నాయకులు గ్రామ నాయకులు పార్టీ శ్రేణులు రైతులు యువకులు, పెద్దలు పెద్ద ఎత్తున పాల్గొన్నారు

SIR కార్యక్రమంలో భాగంగా గణన ఫారాల పంపిణీ లో పార్టీ bla-2 లు పాల్గొనాలి పెబ్బేరు పెబ్బేరు మున్సిపల్ కేంద్రంలో సింగిరెడ్డి నిరంజన్ రెడ్డి ఆదేశాలతో ,SIR లో భాగంగా పెబ్బేరు మున్సిపల్ పట్టణంలోని కన్యకా పరమేశ్వరి దేవాలయం లో బిఎల్ఏ లను సమాయత్తం చేయాలని ..ఓటర్ల కు సంబంధించిన గణన ఫారాల పంపిణీ మరియు ఫారాల ను మన BLA తో నింపించాలని మైనార్టీ ఫైనాన్స్ కార్పొరేషన్ మాజీ చైర్మన్ ఎండి ఇంతియాజ్పార్టీ కార్యకర్తలకు తెలియజేశారు. బి ఎల్ ఏ -2 లా ద్వారా ఓటర్ల యొక్క పారాలను దగ్గరుండి తప్పులు లేకుండా,, ఓటర్ల జాబితా నుండి వారి పేర్లు తొలగిపోకుండా చూసుకోవాల్సిన బాధ్యత మన పైన ఉందని తెలియజేశారు. ఈ కార్యక్రమంలో జిల్లా పార్టీ అధ్యక్షులు గట్టు యాదవ్ జిల్లా అధికార ప్రతినిధి వాకిటీ శ్రీదర్ పెబ్బేర్ పట్టణ పార్టీ అధ్యక్షుడు వీ ధిలీ కుమార్ రెడ్డి,, మండల పార్టీ అధ్యక్షుడు వనం రాములు యాదవ్,, మాజీ మున్సిపల్ వైస్ చైర్మన్ కర్రెస్వామి , కౌన్సిలర్స్ హరి శంకర్ నాయుడు,, మన్యం,, ఎద్దుల సాయినాథ్,, చిన్న ఎల్లారెడ్డి,, శ్రీరంగాపురం సింగిల్విండో అధ్యక్షులు జగన్నాథం నాయుడు,, గోవిందు,,వడ్డ రమేష్,, దారంగుల శ్రీను,, సంబు రము,, మధు,, వేణు,, మోహన్,,శ్రీనివాస్ రెడ్డి,, గోవర్ధన్ రెడ్డి,, సురేష్,, వసంత్,, భారతి,, రాములు,, శేఖరా చారి,, అఖిల్,, పవన్,, నిఖిల్,,కురుమూర్తి,, రమేష్ కరన్ తదితరులు పాల్గొన్నారు

ఉన్ని సహకార సంఘం లో నూతన కమిటి ఏర్పాటు వనపర్తి పెబ్బేరు మండలం శాఖాపూర్ y గ్రామంలో గల ఉన్ని సహకార సంఘం లో నూతన కమిటి ఏర్పాటు కావడం జరిగింది డైరెక్టర్ లు గా 9 మెంబెర్స్ ఎన్నికోవడం జరిగింది 1 ఆగిరి శివ, 2 జాడిల తిరుపతయ్య, 3 కాంతుల చంద్రశేఖర్ ,4 కోతుల కిషోర్ ,5 కోరి శివరాముడు , 6 మంగ చిన్నకురుమన్న ,7 మొగిలి రఘు,8 కంకలి నాగమ్మ ,9 కంకలి నాగలక్ష్మి(మమత) ఎన్నికయ్యారు అందులోనుంచి అధ్యక్షులు గా మొగిలి రఘు ఉపాఅధ్యక్షులు గా జాడిల తిరుపతయ్య గారు కార్యదర్శి గా ఆగిరి శివ గారు కోశాధికారి గా కోతుల కిషోర్ ని ఎన్నుకోవడం జరిగింది

అర్హులైన ప్రతి నిరుపేదకు విడతల వారీగా ఇందిరమ్మ ఇల్లు అందించడమే రాష్ట్ర ప్రభుత్వ లక్ష్యం వనపర్తి పేదవాడికి అండగా ఉంటారని, పేదల అభ్యున్నతికి అంకిత భావంతో పాటు పడతారని రాష్ట్ర ప్రజలు నమ్మి ఈ ప్రభుత్వాన్ని బలపరిచిందని, ప్రజల నమ్మకాన్ని తల తాకట్టు పెట్టీ అయిన ఇచ్చిన మాట నిలబెట్టుకుంటామని రాష్ట్ర రెవెన్యూ, గృహనిర్మాణ, సమాచార శాఖ మంత్రి పొంగులేటి శ్రీనివాస్ రెడ్డి అన్నారు. ప్రజా ప్రభుత్వం సంక్షేమంతో పాటు అభివృద్ధికి సమాన ప్రాధాన్యత ఇస్తోందని, తద్వారా పేదల జీవితాల్లో శాశ్వత మార్పు తీసుకురావడమే లక్ష్యంగా సంక్షేమ కార్యక్రమాలను పారదర్శకంగా అమలు చేస్తున్నట్లు స్పష్టం చేశారు. బుధవారం వనపర్తి జిల్లాలో పర్యటించి సహచర మంత్రులు రాష్ట్ర ఆబ్కారీ, పర్యాటక సాంస్కృతిక శాఖ మంత్రి జూపల్లి కృష్ణారావు, రాష్ట్ర పశు సంవర్ధక, క్రీడల శాఖ మంత్రి వాకిటి శ్రీహరితో కలిసి పలు అభివృద్ధి పనులకు శంకుస్థాపనలు చేశారు. కలెక్టరేట్ సమావేశ మందిరంలో స్థానిక శాసన సభ్యులు తూడి మేఘా రెడ్డి అధ్యక్షతన జరిగిన సమావేశంలో రెండో విడత ఇందిరమ్మ ఇళ్ల మంజూరు పత్రాలను గుడిసెల్లో నివసించే పేద కుటుంబాలకు ఇళ్ల మంజూరు పత్రాలను పంపిణీ చేశారు. ఈ సందర్భంగా మంత్రి పొంగులేటి శ్రీనివాస్ రెడ్డి మాట్లాడుతూ, ప్రభుత్వం సంక్షేమంతో పాటు అభివృద్ధికి సమాన ప్రాధాన్యత ఇస్తోందని, పేదల జీవితాల్లో శాశ్వత మార్పు తీసుకురావడమే లక్ష్యంగా సంక్షేమ కార్యక్రమాలను పారదర్శకంగా అమలు చేస్తున్నట్లు తెలిపారు. గుడిసెల్లో నివసిస్తున్న పేద కుటుంబాలకు శాశ్వత గృహం కల్పించాలనే సంకల్పంతో రాష్ట్ర ప్రభుత్వం ఇందిరమ్మ ఇళ్ల పథకాన్ని అమలు చేస్తోందన్నారు. అర్హులైన ప్రతి కుటుంబానికి విడతల వారీగా ఇళ్లను మంజూరు చేస్తూ, రాష్ట్రంలో గృహరహితులు లేని తెలంగాణగా తీర్చిదిద్దడమే ప్రభుత్వ లక్ష్యమని పేర్కొన్నారు. వనపర్తి నియోజకవర్గ అభివృద్ధిపై ప్రభుత్వం ప్రత్యేక దృష్టి సారించిందని, అర్హులైన ప్రతి పేద కుటుంబానికి దశలవారీగా ఇందిరమ్మ ఇళ్లను మంజూరు చేస్తున్నామని చెప్పారు. వనపర్తి నియోజకవర్గానికి మరో రెండు వేల ఇందిరమ్మ ఇండ్లను మంజూరు చేయాలని మంత్రికి కోరారు. అనంతరం మంత్రులు అర్హులైన లబ్ధిదారులకు ఇందిరమ్మ ఇళ్ల మంజూరు పత్రాలను పంపిణీ చేసి శుభాకాంక్షలు తెలిపారు. ఈ కార్యక్రమంలో అదనపు కలెక్టర్ స్థానిక సంస్థలు ఖీమ్య నాయక్, జిల్లా ఎస్పీ సునీత రెడ్డి, అదనపు కలెక్టర్ రెవెన్యూ వినోద్ కుమార్, జిల్లా గ్రంథాలయ సంస్థ చైర్మన్ గోవర్ధన్ సాగర్, వనపర్తి మున్సిపల్ చైర్ పర్సన్ మాధవి, పెబ్బేరు మున్సిపల్ చైర్మన్ శ్రీనివాస్ గౌడ్, వనపర్తి మార్కెట్ యార్డ్ చైర్మన్ శ్రీనివాస్ గౌడ్, వనపర్తి మున్సిపల్ వైస్ చైర్మన్ మధుసూదన్ గౌడ్, ఇతర ప్రజాప్రతినిధులు, సంబంధిత శాఖల అధికారులు, లబ్ధిదారులు తదితరులు పాల్గొన్నారు.

చేతి రాత విద్యార్థుల జీవితంపై ప్రభావం చూపుతుంది వనపర్తి విద్యార్థుల అందమైన చేతిరాత వారి భావి జీవితంపై చక్కని ప్రభావం చూపుతుందని సాహితీ కళా వేదిక జిల్లా అధ్యక్షుడు పలుస శంకర్ గౌడ్ అన్నారు. జిల్లా పరిషత్ ఉన్నత పాఠశాల హరిజనవాడ గెజిటెడ్ ప్రధానోపాధ్యాయుడు శ్రీ చంద్రశేఖర్ గారి కోరిక మేరకు న్యూ స్కిల్ అకాడమీ తరుణ్ మాస్టర్ ఆధ్వర్యంలో ఏర్పాటు చేసిన ఒక రోజు ఉచిత చేతిరాత శిక్షణ కార్యక్రమం లో సాహితీ కళా వేదిక వనపర్తి జిల్లా అధ్యక్షులు పలుస శంకర్ గౌడ్ పాల్గొన్నారు .ఈ సందర్భంగా శంకర్ గౌడ్ మాట్లాడుతూ పిల్లల అందమైన చేతిరాత వారిలో క్రమ శిక్షణను,ఏకాగ్రతను, తప్పులు లేకుండా రాసే చిత్తశుద్ధిని అలవాటు చేస్తుందన్న పరిశోధకుల అభిప్రాయాన్ని గుర్తు చేశారు.చక్కని చేతిరాత విద్యార్థులకు మంచి మార్కులను,గురువుల అభిమానాన్ని పొందేలా చేస్తుందని శంకర్ గౌడ్ పేర్కొన్నారు. హరిజనవాడ గెజిటెడ్ హెడ్ మాస్టర్ శ్రీ చంద్రశేఖర్ గారుతమ పిల్లలను ఈ వైపుగా ప్రోత్సహించడం అభినందనీయమని ఆయన తెలిపారు పాఠశాలల తరుపున తరుణ్ మాస్టర్ ని ప్రధానోపాధ్యాయులు చంద్రశేఖర్ , ఉపాధ్యాయులు ఘనంగా సన్మానించారు .ఈనాటి కార్యక్రమంలో చేతిరాత శిక్షణ నిపుణులు తరుణ్ మాస్టర్, సహాయకులు మీనా,పాఠశాల ఉపాధ్యాయులు రవి కుమార్, అరవింద్,విజయ్ కుమార్, రుక్ముద్దీన్, రంగనాయకమ్మ, నాగరాజు, బాలస్వామి, తదితరులు పాల్గొన్నారు.

తిరుమలయ్య గుట్టను పర్యటక కేంద్రం చేయాలి వనపర్తి తిరుమలయ్య గుట్టను పర్యటక కేంద్రం చేయాలని అఖిలపక్ష ఐక్యవేదిక అధ్యక్షుడు సతీష్ యాదవ్ తెలిపారు. వచ్చేనెల వనపర్తి వస్తున్న ముఖ్యమంత్రి రేవంత్ రెడ్డి, ఎంపీ మల్లు రవి, ఎమ్మెల్యే మెగా రెడ్డి కు తిరుమలయ్య కొండకు ఐదు కోట్ల కేటాయించి పర్యాటక కేంద్రం చేయాలని తెలిపారు. వనపర్తి పట్టణంలోని వెంకటేశ్వర స్వామి దేవాలయానికి రెండు కోట్లు కేటాయించిన ముఖ్యమంత్రి, ఎమ్మెల్యే చేత్తో తిరుమలయ్య గుట్టకు కూడా ఐదు కోట్ల నుండి 10 కోట్ల వరకు కేటాయిస్తే వనపర్తి జిల్లాలోని ఒక అపురూపమైన ‘తిరుమల’ ఏర్పడుతుందని తెలిపారు. ఈ కార్యక్రమంలో అఖిలపక్ష ఐక్యవేదిక అధ్యక్షుడు సతీష్ యాదవ్, కాంగ్రెస్ నాయకులు వెంకటేశ్వర్లు, టిడిపి నాయకులు కొత్త గొల్ల శంకర్, టిఆర్ఎస్ నాయకులు ప్రేమ్ నాథ్ రెడ్డి, అఓపా సంగం నాయకులు శ్రీనివాసులు, వెంకటేశ్వర్ రెడ్డి, చందు యాదవ్, బాలరాజు, మరియు భక్తులు, ఆర్యవైశ్య సంఘం నాయకులు పాల్గొన్నారు.

గ్రామ గ్రామాన పండగ వాతావరణం లో “SIR” కార్యక్రమం నిర్వహించాలి వనపర్తి గ్రామాల్లో పండగ వాతావరణంలో సమగ్ర ఓటరు జాబితా సవరణ (SIR) కార్యక్రమాన్ని విజయవంతం చేయాలనీ ఎమ్మెల్యే తూడి మేఘారెడ్డి, జిల్లా కాంగ్రెస్ అధ్యక్షుడు శివసేన రెడ్డి పిలుపునిచ్చారు. మంగళవారం పెబ్బేరు పట్టణం, వనపర్తి జిల్లా కాంగ్రెస్ పార్టీ కార్యాలయంలో నిర్వహించిన పెబ్బేరు మండలం, శ్రీరంగాపురం మండలం, పెబ్బేరు పట్టణానికి వనపర్తి మండలం వనపర్తి పట్టణానికి చెందిన BLA-2 అవగాహన సమావేశంలో వారు ముఖ్య అతిథులుగా పాల్గొని మాట్లాడారు సమగ్ర ఓటరు జాబితా సవరణ కార్యక్రమం ఎన్నికల పరంగా అత్యంత కీలకమైనదని, ప్రతి కాంగ్రెస్ నాయకుడు, కార్యకర్త దీనిని అత్యంత బాధ్యతగా తీసుకోవాలని సూచించారు. గ్రామాల్లో ఈ కార్యక్రమం ఒక పండుగలా జరిగేలా ప్రజలను భాగస్వాములను చేయాలని అన్నారు. ఈ కార్యక్రమంలో కేవలం BLAలు మాత్రమే కాకుండా కాంగ్రెస్ పార్టీ నాయకులు, కార్యకర్తలు, కౌన్సిలర్లు, మున్సిపల్ చైర్మన్, వైస్ చైర్మన్, మార్కెట్ యార్డ్ అధ్యక్షులు, ఉపాధ్యక్షులు, డైరెక్టర్లు, సింగిల్ విండో అధ్యక్షులు, ఉపాధ్యక్షులు, డైరెక్టర్లు, యూత్ కాంగ్రెస్ అధ్యక్షులు, ఉపాధ్యక్షులు, సభ్యులు, అనుబంధ సంఘాల నాయకులు, ప్రజాప్రతినిధులు అందరూ తారతమ్యం లేకుండా పాల్గొని కార్యక్రమాన్ని విజయవంతం చేయాలని పిలుపునిచ్చారు. సమగ్ర ఓటరు జాబితా సవరణకు ఇంకా కేవలం 20 రోజుల సమయం మాత్రమే మిగిలి ఉందని గుర్తు చేసిన వారు, ఈరోజు నుంచే ప్రతి నాయకుడు, ప్రతి కార్యకర్త గడపగడపకు వెళ్లి ప్రతి అర్హుడి వద్ద SIR దరఖాస్తులు నమోదు చేయించాలని సూచించారు . ఉదయం 7 గంటల నుంచి 10 గంటల వరకు ప్రతి ఒక్కరు ఈ కార్యక్రమంలో పాల్గొనాలని ఆదేశించారు. ఒక్క అర్హుడి ఓటు కూడా జాబితాలో చేరకుండా మిగిలిపోకుండా ప్రత్యేక శ్రద్ధ తీసుకోవాలని పేర్కొన్నారు. అదేవిధంగా గత రెండున్నర సంవత్సరాలుగా కాంగ్రెస్ ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రతి ఇంటికి వెళ్లి ప్రజలకు వివరించాలని సూచించారు. ప్రభుత్వంపై ప్రజల్లో ఉన్న విశ్వాసాన్ని మరింత బలోపేతం చేసే విధంగా ప్రతి కార్యకర్త పనిచేయాలని కోరారు. ప్రభుత్వం మనదే కదా అనే ఓవర్ కాన్ఫిడెన్స్ తో నిర్లక్ష్యం చేయకూడదని, ప్రతి ఒక్కరూ బాధ్యతాయుతంగా పనిచేసి ఈ కార్యక్రమాన్ని విజయవంతం చేయాలని స్పష్టం చేశారు. సమగ్ర ఓటరు జాబితా సవరణ కార్యక్రమాన్ని కాంగ్రెస్ ప్రభుత్వం అత్యంత ప్రతిష్టాత్మకంగా, సీరియస్‌గా నిర్వహిస్తోందని, ఇందులో నిర్లక్ష్యం వహించే వారికి పార్టీపరంగా క్రమశిక్షణ చర్యలు తప్పవని హెచ్చరించారు. ప్రతిపక్ష పార్టీలు దొంగ ఓట్లను నమోదు చేయించేందుకు ప్రయత్నించే అవకాశాలు ఉన్నాయని, అలాంటి ప్రతి ప్రయత్నాన్ని అప్రమత్తంగా అడ్డుకోవాలని సూచించారు. వారికి ఎలాంటి అవకాశం ఇవ్వకుండా ప్రతి పోలింగ్ బూత్ స్థాయిలో అప్రమత్తంగా ఉండాలని అన్నారు. మన ఓటును మనం కాపాడుకుంటూనే మన కుటుంబ సభ్యులు, మన గ్రామ ప్రజలు, కాంగ్రెస్ అనుకూల ఓటర్ల ఓట్లను కూడా పరిరక్షించడం ప్రతి కార్యకర్త బాధ్యత” అని పేర్కొంటూ, ప్రతి ఒక్కరూ సమన్వయంతో పనిచేసి వనపర్తి జిల్లాలో సమగ్ర ఓటరు జాబితా సవరణ కార్యక్రమాన్ని ఆదర్శవంతంగా పూర్తి చేయాలని ఎమ్మెల్యే తూడి మేఘారెడ్డి , జిల్లా కాంగ్రెస్ అధ్యక్షులు శివసేన రెడ్డి పిలుపునిచ్చారు. కార్యక్రమంలో BLA లు మున్సిపల్ చైర్మన్లు వైస్ చైర్మన్లు మార్కెట్ యార్డ్ చైర్మన్లు వైస్ చైర్మన్లు, కౌన్సిలర్లు మాజీ కౌన్సిలర్లు, మండల అధ్యక్షులు కాంగ్రెస్ పార్టీ నాయకులు కార్యకర్తలు యువకులు తదితరులు పాల్గొన్నారు

 ప్రజావాణి ఫిర్యాదులను పరిష్కరించాలి వనపర్తి ప్రజావాణిలో వచ్చిన ఫిర్యాదులను అధికారులు సత్వరమే పరిష్కరించి ఫిర్యాదు దారునికి సమాచార ఇవ్వాలని అదనపు కలెక్టర్ స్థానిక సంస్థలు ఎన్ ఖీమ్య నాయక్ ఆదేశించారు. సోమవారం సమీకృత జిల్లా కార్యాలయాల సముదాయం సమావేశ మందిరంలో నిర్వహించిన ప్రజావాణి కార్యక్రమంలో అదనపు కలెక్టర్ రెవెన్యూ వినోద్ కుమార్ తో కలిసి ప్రజల నుంచి అర్జీలు, వినతి పత్రాలు స్వీకరించారు. ఈ సందర్భంగ అదనపు కలెక్టర్ అధికారులకు సూచనలు ఇస్తూ, ప్రజావాణిలో వచ్చిన ఫిర్యాదులను ఎప్పటికప్పుడు పరిష్కరించి అట్టి సమాచారాన్ని సంబంధిత ఫిర్యాదు దారునికి పంపించటమే కాకుండా ఆన్లైన్ లో పెట్టాలని ఆదేశించారు. ఒకవేళ ఫిర్యాదుకు సంబంధించిన అంశం తమ శాఖ పరిధిలో లేనిది అయితే సంబంధిత శాఖకు లేఖ రాస్తూ పంపించాలని తెలియజేశారు. పరిష్కరించలేని అంశం ఏదైనా ఉంటే పై అధికారులకు పంపించడం లేదా ఏ నిబంధన ప్రకారం పరిష్కారం చేయలేమో ఫిర్యాదు దారునికి తెలియజేయాలి తప్ప తమ వద్ద పెండింగ్ లో పెట్టుకోవద్దని సూచించారు. పెండింగ్ లో ఉన్న దరఖాస్తులను పరిశీలించి, వెంటనే పరిష్కరించేలా తగు చర్యలు చేపట్టాలని పేర్కొన్నారు. సీఎం, జిల్లా మంత్రి నుంచి వచ్చిన ప్రజావాణి దరఖాస్తులను సైతం సత్వరం పరిష్కరించాలని అన్ని శాఖల అధికారులను ఆదేశించారు. నేటి ప్రజావాణి కార్యక్రమంలో 44 దరఖాస్తులు వచ్చాయి. ఆర్డీవో కార్యాలయంలో నిర్వహించిన ప్రజావాణి కార్యక్రమానికి 11 దరఖాస్తులు వచ్చాయి. కార్యక్రమంలో జెడ్పి సీఈవో యాదయ్య, శిక్షణ ఉప కలెక్టర్లు మేడం శ్రావ్య, రజనీకాంత్ రెడ్డి, అన్ని శాఖల జిల్లా అధికారులు తదితరులు పాల్గొన్నారు.

ఈ నెల 17 వ తేదీన స్పెషల్ లోక్ అదాలత్ ను సద్వినియోగం చేసుకోవాలి వనపర్తి వనపర్తి జిల్లాలోని స్టేట్ బ్యాంక్ ఆఫ్ ఇండియా, యూనియన్ బ్యాంక్ ఆఫ్ ఇండియా, కెనరా బ్యాంక్, తెలంగాణ గ్రామీణ వికాస్ బ్యాంక్, బ్యాంక్ ఆఫ్ మహారాష్ట్ర, బ్యాంక్ ఆఫ్ బరోడా అధికారులతో ప్రత్యేక సమావేశం నిర్వహించారు. ఈ సమావేశంలో జిల్లాలో ని ఆయా బ్యాంకుల్లో పెండింగ్ లో ఉన్న నెగోషబుల్ ఇన్స్ట్రుమెంట్ చట్టం క్రింద నమోదైన చెక్ బౌన్స్, ప్రీ లిటిగేషన్ కేసులు పరిష్కారం కొరకు స్పెషల్ లోక్అదాలత్ ను ఈ నెల 18.07.2026 నాడు నిర్వహించడం జరుగుతుంది. కావున కక్షిదారులు ఈ స్పెషల్ లోక్ అదాలత్ ని సద్వినియోగం చేసుకోవాలని జిల్లా న్యాయ సేవ అధికార సంస్థ కార్యదర్శి శ్రీమతి జి. కళార్చన తెలియజేశారు. ఈ సమీక్ష సమావేశం లో ఆయా బ్యాంకుల అధికారులు పాల్గొన్నారు.